Гравюра: Эрык Дальбэрг, 1696 г.
Мастак Мікола Купава.
На гравюры швэдзкага ваеннага інжынэра і мастака-баталіста Эрыка Дальбэрга адлюстраваны момант з гісторыі Бярэсьця канца XVII стагодзьдзя.
У 1648 годзе Берасьце разбурылі казакі Б. Хмяльніцкага, у гэты ж час адбыліся паўстаньні месьцічаў. У 1653 годзе ў Берасьці засядаў сойм Рэчы Паспалітай, а за часамі Паўночнае вайны ў 1657 годзе места захапілі і спалілі швэды. Праз тры гады яго занялі маскоўскія войскі, якіх выбілі адтуль у 1661 годзе. Падрабязьней – на старонцы Вікіпэдыі, прысьвечанай гораду.
