Набор складаецца з інструкцыі па складанні замка, разгорнутай мадэлі замка на 3-5 старонках А4, гістарычнай даведкі, а таксама сувенірнага магніціка ў падарунак!

Распрацоўка, дызайн – Ігар Адасік, гістарычная даведка – Ксенія Адасік, каардынатар праекта Дзмітрый Кіенка.

Замак князя Вітаўта ў Гродна ( XIV -XV стст.) . Стары Замак у Гродна пачынае сваю гісторыю з Х стагоддзя.

Першапачаткова замак быў драўляным і моцна пакутаваў ад набегаў крыжакоў. Пасля аднаго з пажараў, у якім ледзь не загінуў Вялікі князь Вітаўт, замак быў цалкам адбудаваны з каменя і цэглы ў гатычным стылі. Магутныя сцены і вежы, а таксама амаль Трыццаціметровая гара зрабілі замак непрыступным для ворагаў. Менавіта на гэты час прыпадае росквіт замка і яго знакамітага гаспадара. Але ўжо ў XVI стагоддзі новы кароль Вялікага Княства Літоўскага Стэфан Баторый перабудаваў замак на свой густ.