Празаік Вячаслаў Адамчык зарэкамендаваў сябе як выдатны псіхолаг, знаўца чалавечае душы і традыцый вясковага побыту. У рамане "Чужая бацькаўшчына", які ўваходзіць у вядомы пісьменніцкі цыкл празаічных твораў, адзначаных Дзяржаўнай прэміяй Беларусі імя Я. Коласа, ён стварыў вобраз заходне-беларускай вёскі ва ўмовах даваеннай польскай дзяржавы. Амаль дэтэктыўны сюжэт рамана робіць яго чытанне па-сапраўднаму захапляльным.

Чужая бацькаўшчына / Вячаслаў Адамчык.— Мінск : Папуры, 2015.— 512 с.

ISBN: 978-985-15-2414-9

"Заходняя Беларусь канца 1930-х гадоў. Жыхары звычайнай беларускай вёскі Верасава і недалёкага ад яе мястэчка яшчэ зусім не ведаюць, што недзе ў Маскве неўзабаве будзе падпісаны пакт Молатава—Рыбентропа і ўсё вакол рэзка памяняецца.

А цяпер яны жывуць звыклым жыццём, у якім ёсць месца і працы, і забавам, і каханню, і здрадзе, і веры, і бязвер'ю.

У цэнтры ўвагі Вячаслава Адамчыка, тонкага псіхолага і выдатнага майстра беларускага слова, — лёс сям'і Корсакаў. I стары Улас, і яго дзеці, здавалася б, падобныя да мільёнаў такіх самых сялян-беларусаў. Але чамусьці іхняе жыццё складваецца не так, як "ва ўсіх".

Амаль дэтэктыўны сюжэт рамана робіць яго чытанне па-сапраўднаму захапляльным..."
Лявон Баршчэўскі