Абвестка

 

 

 

У выпадку ўзнікнення дадатковых пытанняў будзем радыя адказаць на іх па тэлефонах: +375-29-632-91-29 (Вераніка), +375-29-856-42-01 (Міхась).
Або па электроннай пошце: prastora@prastora.by
Ці ў сацыяльных сетках: Facebook або ўКантакце.

 

 

 

Абвестка

Блюднік Уладзімір. Вяртаньне / Bludnik Uladzimir. Powrót

Блюднік Уладзімір. Вяртаньне / Bludnik Uladzimir. Powrót
2.84 р.
Вага: 560 г
Памеры: 215x265 мм



Выданьне зьмяшчае рэпрадукцыі карцінаў і літаграфіяў аўтара, а таксама вершы і прозу. – Белы Крумкач, 2008. – 58 с. : іл. Цьвёрдая вокладка.

Уладзімір Блюднік. ''Адам і Эва''. Алей, палатно. 2006

Вяртаньне ў будучыню

Можна быць найлепшым паэтам сярод мастакоў, альбо найлепшым мастаком сярод паэтаў, а яшчэ можна быць Блюднікам, ці блУднікам які вяртаецца, хоць і ніколі, нікуды не сыходзіў.

Мы жывем у такі час, калі межы па сутнасьці застаюцца адно на палітычных мапах і ў галовах людзей, якія спазьніліся на цягнік у сучаснасьць. Глябалізацыя гэта факт, так як тое, што сёньня я напішу гэты тэкст у Празе, заўтра яго надрукуюць у Познані, а пасьлязаўтра прачытаюць у Менску і ў Маларыце, а праз яшчэ нейкі час гэта нікога ня зьдзівіць, так як не зьдзіўляе сёньня нікога ні лямпачка, ні тэлефон без правадоў. Зьнікаюць межы, зьнікаюць краіны і народы, і як ні дзіўна, застаецца толькі тое, што пасьпявае віртуалізавацца. Можна б было па старой завядзёнцы паплакаць пра тулачы лёс беларуса, а можна прыняць яго як дадзенае часу, які нам пашэньціла адмяраць сваім жыцьцём. Сёньня беларускім мастаком можна заставацца і ў Гародні і на Марсе. Трэба толькі гэтага жадаць.

І тое, чым ёсьць вяртаньне мастака Блюдніка на Радзіму, гэта ня столькі вяртаньне, колькі спроба пасадзіць бульбу ў калісьці ўзаранай баразьне. Зусім неістотна, што яго ведаюць больш там, дзе ён жыве, а ня дзе нарадзіўся, бо беларускім мастаком ён не рабіўся ды не пераcтаваў быць ніколі. Беларускасьць гэта не элемэнт ягонага мастацтва. Беларускасьць ёсьць ягоным мастацтвам...

Чым жа ёсьць мастацтва?

Пытайцеся ў Блюдніка.

Віталь Воранаў,
Прага, лістапад 2008

Уладзімір Блюднік (1 верасня 1975, Гродна) – беларускі мастак, паэт, празаік, сябра Беларускага культурна-асветніцкага цэнтру ў Познані. У 1993 – 1998 навучаўся ў Акадэміі мастацтваў у Познані. У 1998 годзе атрымаў дыплём у майстэрні літаграфіі прафэсара Л. Мяноўскага. Займаецца рысункам, жывапісам і графікай. Працы Уладзіміра Блюдніка захоўваюцца ў Беларусі, Польшчы, Канадзе, ЗША, Германіі, Гішпаніі, Нідэрляндах і Вэнэсуэле. Аўтар вершаў і апавяданьняў. Жыве і працуе ў горадзе Познані.

ВяртаньНе

У выдавецтве "Белы Крумкач" выйшла дэбютная кніга Уладзіміра Блюдніка – "Вяртаньне". Аўтар кнігі, паводле афіцыйных дадзеных, ураджэнец вёскі Пятрэвічы, паводле У. Блюдніка – іншай вёскі гарадзенскай вобласьці. Стала жыве і працуе ў Познані.

Уладзімір Блюднік па прафэсіі маляр і графік, па пакліканьні мастак у поўным значэньні гэтага слова. У кнізе прадстаўленыя вершы, апавяданьне, алейныя працы, а таксама шматлікія літаграфіі. Кніга ўяўляе сабой сумесь мастацкіх жанраў, якую ня можна назваць ані зборам паэзіі, ані кнігай прозы, ані мастацкім каталёгам. Хутчэй гэта кніга мастацтва, або цалкам новая форма, у якой аўтар ілюструе свае тэксты, ці апісвае свае карціны.

Кніга дзьвюхмоўная. Шэсьць вершаў пераклаў паляніст і літуаніст беларускага паходжаньня Радаслаў Акуліч-Казарын. Адзін верш і апавяданьне пераклаў Віталь Воранаў, які выступіў таксама рэдактарам і выдаўцом кнігі. Віталь Воранаў таксама напісаў уступ да кнігі – "Вяртаньне у будучыню", у якім тлумачыць патрэбу "вяртаньня" У. Блюдніка ў беларускую культуру.

Уладзімір Блюднік. ''Анёлы''. Алей, палатно. 2006

Кніга падзеленая на тры канцэптуальныя часткі, запазычаныя з "У чаканьні Гадо" Сэмюэла Бэкета, пад назвамі: athambia (адвага), aphasia (немата) і apathia (абыякавасьць). У першай частцы прадстаўленыя сем вершаў, у другой – карціны і графікі, у апошняй – апавяданьне "Белы Дзень".

Уладзімір Блюднік. ''Цень''. Літаграфія. 1998

Кніга "Вяртаньне" сьведчыць пра адноснасьць. Падважаецца само значэньне дзеяслова "вяртацца", якое выкарыстанае ў дачыненьні да аўтара ці ягонай кнігі можа азначаць многае, а часам даваць цалкам супярэчлівы сэнс. Бо ці можна вяртацца туды, адкуль ты ніколі ў пэўным сэнсе не сыходзіў, альбо вяртаць у пэўны кантэкст, што гэтым кантэкстам створана. Адноснасьць таксама ва ўмоўным і штучным падзеле на галіны мастацтва. У кнізе У. Блюдніка падзел на віды мастацтва прысутнічае "pro forma", так каб гэтую форму адразу ж разьбіць і пахаваць як неактуальную сёньняшняму мастацтву.

Уладзімір Блюднік. ''У дарозе''. Літаграфія. 1998

Мастацтва У. Блюдніка непадуладнае кананічнаму ўяўленьню пра творчасьць, паколькі зьнішчае ягоныя межы, у даслоўным і алегарычным сэнсе. Аўтар гаворыць – можна быць беларускім мастаком у замежжы і можна ствараць унівэрсальнае мастацтва будучы глыбока ўкаранёным у сваю глебу. Верш можа быць карцінай, а літаграфія апавяданьнем. Гэты сэнс адлюстроўвае таксама лягатып сэрыі, якую распачынае кніга "Вяртаньне" – мадыфікаваны лінгвістычны знак унівэрсальнасьці мовы Н. Чомскага, які зрабіў рэвалюцыю ў лінгвістыцы і дыскурсе, а карані якога вядуцца зь Беларусі. Дарэчы графічны знак, выкарыстоўваючы тэхніку калаж, запраектаваў сам аўтар кнігі. Аўтар, ілюстратар, аздабляльнік і першы крытык; у кнізе У. Блюдніка, як і ў жыцьці ўсё адносна, усё – мастацтва. Гэтую кнігу трэба мець абавязкова, чытаць – не.

Паводле Лёніка Шышко-Карамелькі, budzma.org

Старонка аўтара ў Сеціве: http://free.art.pl/bludnik


Раім таксама паглядзець:
Родзін Алесь. Жывапіс 1975 – 2008 = Rodin Ales. Painting 1975 – 2008
3.41 р.

Родзін Алесь. Жывапіс 1975 – 2008 = Rodin Ales. Painting 1975 – 2008

Альбом рэпрадукцый. – Мінск: Галіяфы, 2008. – 28 с. – (Адсутнае беларускае мастацтва).

Клінаў Артур. Горад СОНца
3.22 р.

Клінаў Артур. Горад СОНца

Фотаальбом Горад СОНца ёсьць вынікам пяцігадовай працы вядомага беларускага мастака Артура Клінава над праектам, прысьвечаным Менску. У яго ўвайшлі каля ста фатаздымкаў і эсэ Горад СОНца, напісанае аўтарам для гэтага праекту.

Камплект сувэнірных паштовак пра Менск ад Уладзімера Цэсьлера
24.49 р.

Камплект сувэнірных паштовак пра Менск ад Уладзімера Цэсьлера

Сувенірное изданіе почтовыхъ карточекъ. В. Цеслеръ, мастеръская ретуши, артъдизайнъстудія. С Приветомъ изъ Минска.