Абвестка

 

 

 

У выпадку ўзнікнення дадатковых пытанняў будзем радыя адказаць на іх з 10.00 да 18.00 па тэлефонах: +375-29-632-91-29 (Вераніка), +375-29-856-42-01 (Міхась).
Або па электроннай пошце: prastora@prastora.by
І ў сацыяльных сетках: Facebook ці ўКантакце.

 

 

 

Абвестка

Брыль Антон Францішак. Ян Ялмужна

Брыль Антон Францішак. Ян Ялмужна
3.99 р.
Вага: 160 г
Памеры: 115x180 мм



Ян Ялмужна : казка: / Антон Францішак Брыль. — Мінск : Кнігазбор, 2014. — 108 с.

ISBN 978-985-7119-01-1

Пан Ольбрахт Гаштаўт — гаспадар Геранёнскага замка, магутны ваяр, важны ўраднік і найвялікшы ў краі аматар паданняў аб няўпомных часах. Пакоі Гаштаўта размаляваныя дзіўнымі фрэскамі, вакол яго двароў стаяць старажытныя лясы, а ў лясах і на ўзлесках чыняцца небывалыя справы.

Але пана Ольбрахта ніякія цуды, здаецца, не здзіўляюць — ён і сам не просты, і знаёмцы ў яго незвычайныя. І нават пра яго кухмістра Яна Ялмужну можна расказаць цэлую казку.

 

Некалькі заўваг перад пачаткам апавядання

Пытанні цікаўных да гісторыі чытачоў я паспрабую папярэдзіць трыма заўвагамі.

Па-першае, нягледзячы на блытаніну ў некаторых сучасных даведніках, цалкам ясна, што ў 1517 г. Павал Гальшанскі быў ужо біскупам луцкім. З лёгкадасяжных крыніцаў спашлюся тут на дзявятую кнігу Літоўскай Метрыкі, дзе Павал Аляксандравіч выступае з гэтай годнасцю ў дакументах 1516 г.

Па-другое, апісваючы Геранёны, я зыходзіў, слушна ці памылкова, з думкі, што ў час дзеяння кнігі (1506-1517) унутраны замак на высокім насыпе ўжо існаваў, але яшчэ не было вонкавых валоў. Што датычыць назвы, то эпітэт «мураваныя» (murata) прыстаў да Гаштаўтавых Геранёнаў не пазней за 1510 г., а «ўмацаваныя» (munita) — не пазней за 1495 г.

Па-трэцяе, нарэшце, тым, хто знаёмы з сённяшнімі Геранёнамі, варта пры чытанні памятаць, што ў 1517 г. касцёл св. Мікалая яшчэ не з’явіўся, а цэнтрам парафіі быў заснаваны Марцінам Гаштаўтам касцёл св. Яна на немалой адлегласці ад замка.

Антон Францішак Брыль

 

Антон Францішак Брыль – беларускі перакладчык і паэт. Унук Янкі Брыля. Перакладаў творчасьць Ўільяма Батлера Ейтса, Гая Валерыюса Катула, Джона Толкіна, Сюзаны Кларк і інш. Сярод найбуйнейшых перакладзеных твораў – стараангельская паэма "Бэўвульф".

Артыкул пра аўтара ў Вікіпедыі.


Раім таксама паглядзець:
Брыль Антон Францішак. Не ўпаў жолуд
4.99 р.

Брыль Антон Францішак. Не ўпаў жолуд

У кнізе – вершы і малыя паэмы, напісаныя ў 2003 – 2011 гг. Збольшага – непасрэдныя і ўскосныя эксперыменты ў міфапаэтыцы, самаробныя легенды, самаствораныя паданні і самаадчутыя повязі, спробы засяліць змрок вакол чалавечага жылля – згодна з уласным густам і дзеля агульнай карысці

Рукаль Алег. На службе князя Радзівіла
7.99 р.

Рукаль Алег. На службе князя Радзівіла

Аповесьць “На службе князя Радзівіла” прысьвечана падзеям Інфлянцкай вайны другой паловы XVI стагодзьдзя. На старонках твору паўстаюць гістарычныя постаці вялікага князя літоўскага Жыгімонта Аўгуста, канцлера Вялікага Княства Літоўскага і ваяводы віленскага князя Мікалая Радзівіла Чорнага, найвышэйшага гетмана літоўскага князя Мікалая Радзівіла Рудога і іншыя.

Рублеўская Людміла. Авантуры Пранціша Вырвіча, шкаляра і шпега
5.49 р.

Рублеўская Людміла. Авантуры Пранціша Вырвіча, шкаляра і шпега

У прыгодніцка-фантасмагарычным рамане Людмілы Рублеўскай, які з’яўляецца першай кнігай трылогіі, вы сустрэнецеся са збеглым вучнем Менскага езуіцкага калегіюма Пранцішам Вырвічам і доктарам Баўтрамеем Лёднікам з Полацка, якім давядзецца пабываць у сутарэннях Слуцка, Менска і Полацка, выратаваць Сільфіду, паездзіць у жалезнай чарапасе, вынайдзенай Леанарда да Вінчы, здабыць дзіду Святога Маўрыкія і неаднойчы біцца за ўласны гонар і за Беларусь. Вы пераканаецеся, што прыгоды беларускіх герояў не менш захапляльныя, чым французскіх мушкецёраў ці рускіх гардэмарынаў.