Цудоўна ілюстраванае выданне легендарнай кнігі!

Чытанка для маленькіх / укладанне Вінцук Вячорка, Пётра Садоўскі. — Мінск : Кнігазбор, 2013. — 60 с. : іл. — (Бібліятэка Саюза беларускіх пісьменнікаў «Кнігарня пісьменніка» ; падсерыя «Каляровы ровар» ; вып. 2). — Цвёрдая вокладка.

ISBN 978-985-7089-16-1

У дадзенай “Чытанцы” сабраныя народныя, а таксама аўтарскія вершы і казкі, калыханкі і гульнёвыя прыпеўкі для дзетак да трох гадоў. Укладальнікі кнігі — вядомыя знаўцы беларускай мовы Вінцук Вячорка і Пётра Садоўскі.

Мастачка Святлана Канькова-Дударэнка адмыслова да гэтага выдання зрабіла ілюстрацыі — яскравыя, разнастайныя, душэўныя. Яе малюнкі прыйдуцца даспадобы маленькім чытачам, так што кнігу захочацца гартаць зноў і зноў! Але не трэба хвалявацца, што дзеткі “зачытаюць кніжку ўшчэнт”: чытанка выдадзеная на шчыльнай крэйдаванай паперы і мае цвёрдую вокладку.

Вінцук Вячорка (нар. 7 ліпеня 1961, Берасце) — беларускі палітык і мовазнавец. Скончыў філялягічны факультэт БДУ (1983) і Лінгвістычны інстытут АН БССР (1986).
Працаваў выкладчыкам у Менскім дзяржаўным пэдагагічным інстытуце і ў Беларускім гуманітарным ліцэі, а таксама журналістам і намесьнікам галоўнага рэдактара часопіса «Спадчына».

Пятро Садоўскі (нар. 2 лютага 1941) — беларускі мовазнавец, палітык і дыплямат. Кандыдат філялягічных навук. У 1959 скончыў МнСВУ. Скончыў Менскі дзяржаўны пэдагагічны інстытут замежных моваў. Валодае нямецкай, ангельскай, гішпанскай ды францускай мовамі.