Абвестка

 

 

 

У выпадку ўзнікнення дадатковых пытанняў будзем радыя адказаць на іх па тэлефонах: +375-29-632-91-29 (Вераніка), +375-29-856-42-01 (Міхась).
Або па электроннай пошце: prastora@prastora.by
Ці ў сацыяльных сетках: Facebook або ўКантакце.

 

 

 

Абвестка

І паўстаў народ…

І паўстаў народ…
3.99 р.
Вага: 2400 г
Памеры: 225x295 мм



Мінск : Беларуская энцыклапедыя імя П. Броўкі, 2005. – 640с. Цьвёрдая вокладка

ISBN 985-11-0323-3

Кніга "I паўстаў народ..." – гэта выданне падпольных і партызанскіх газет, часопісаў, плакатаў, лістовак перыяду Вялікай Айчыннай вайны 1941 – 1945 гадоў, якія зберагліся ў адзінкавых экзэмплярах, захоўваюцца ў дзяржаўных музеях і цэнтральных навуковых бібліятэках краіны і амаль невядомы шырокаму чытачу.

Выданне будзе карысным для даследчыкаў, выкладчыкаў вышэйшых і сярэдніх навучальных устаноў, студэнтаў, навучэнцаў – увогуле для ўсіх, хто цікавіцца гісторыяй сваёй краіны.

І паўстаў народ…


Грозная зброя праўды

У летапіс Вялікай Айчыннай вайны беларускі народ уклаў яркія і велічныя старонкі мужнай і гераічнай барацьбы супраць нямецка-фашысцкіх захопнікаў. У тыя віхурныя гады воіны, партызаны і насельніцтва гарадоў і вёсак зліліся ў несакрушальны, неадольны для ворага маналіт, у падмурку якога былі вядомыя шырока прароцкія словы, што прагучалі з Масквы ўлетку сорак першага года: "Наше дело правое. Враг будет разбит. Победа будет за нами".

Глыбінную сутнасць гэтых слоў сцвярджала не толькі зброя ў руках абаронцаў свае Бацькаўшчыны. Наўпярок сакраментальнаму выслоўю пра маўклівасць музаў, калі грымяць гарматы, упобачкі са снарадам і куляй, гранатай і штыком змагалася з ворагам і грозная зброя праўды – друкаванае слова партызанскіх і падпольных газет, лістовак, часопісаў, набатная песня прафесійнага кампазітара і песня самадзейная, што нараджалася каля ляснога партызанскага вогнішча, палымяныя вершы народнага паэта і рыфмаваныя радкі пачаткоўца, едкія байкі вопытнага байкапісца і вясёлыя пагудкі атраднага жартаўніка, высокага густу пародыі майстра і з’едлівыя салдацкія анекдоты... Усё гэта месцілася на старонках друкаваных падпольных і партызанскіх выданняў.

У гэтай кнізе, дарагі чытач, сабрана толькі невялікая частка з незвычайна багатай друкаванай спадчыны таго грымлівага часу, якая і зараз на архіўных паліцах захоўвае нягасную веру, высокі духоўны агонь сэрцаў змагароў за волю свайго роднага краю, нязломны гарт душы мужных патрыётаў, якія не сталі перад ворагам на калені і, ахвяруючы сабой, уратавалі Радзіму ад рабства.


Раім таксама паглядзець:
Родина-Мать зовет! Плакаты Великой Отечественной Войны
15.49 р.

Родина-Мать зовет! Плакаты Великой Отечественной Войны

Настоящий каталог представляет уникальную часть коллекции Белорусского государственного музея истории Великой Отечественной войны, в основе которой – около 500 подлинных плакатных листов (418 по наименованиям), выполненных в 1941-1945 годах.

Сямашка Яўген. Армія Краёва на Беларусі
2.99 р.

Сямашка Яўген. Армія Краёва на Беларусі

Дзейнасць Арміі Краёвай на Беларусі да гэтага часу фактычна "белая пляма" для нашага чытача. Пры напісанні кнігі аўтар выкарыстаў шматлікую літаратуру, выдадзеную на Захадзе, асабліва ў Польшчы, матэрыялы архіваў. Многія прыведзеныя ў кнізе дакументы друкуюцца ўпершыню.

Геніюш Ларыса. Лісты з Зэльвы
11.99 р.

Геніюш Ларыса. Лісты з Зэльвы

У лістах Ларысы Геніюш знайшлі адлюстраванне самыя розныя падзеі – паўсядзённыя і эпахальныя. У іх споведзь паэткі, яе боль, яе гнеў, яе перажыванні, яе вялікая любоў да Беларусі. У зборнік увайшлі 420 лістоў, 366 зь якіх публікуюцца ўпершыню. Выданьне багата ілюстраванае ўнікальнымі фотаздымкамі.