Янсан Тувэ. Маленькія тролі і вялікая паводка

Янсан Тувэ. Маленькія тролі і вялікая паводка
49'900 р.
Вага: 270 г
Памеры: 150x210 мм



Пераклала з шведскай Наста Лабада ; ілюстрацыі Тувэ Янсан. – Мінск : Зміцер Колас, 2010. – 56 с. : іл. Цвёрдая вокладка.

Казачная аповесць "Маленькія тролі і вялікая паводка" – першая з серыі кніг, прысвечаных мумітролям, чароўным і забаўным істотам, прыдуманым, апісаным і намаляваным выдатнай фінскай пісьменніцай і мастачкай Тувэ Янсан (1914 – 2001).

Адрасуецца дзецям малодшага школьнага ўзросту, а таксама ўсім аматарам і заўзятарам мумітроляў.

ІSBN 978-985-6783-85-5

Пачатак кнігі

Гэта было зімою 1939 года. Ішла вайна. Працаваць не хацелася; а рабіць малюнкі, здавалася, зусім не было патрэбы.

Таму, магчыма, мне і захацелася напісаць штосьці накшталт: "Жылі сабе аднойчы..." Далей немінуча павінна была разгарнуцца казка, але я не пайшла па збітай дарозе і не захацела пісаць пра прынцаў, прынцэс і маленькіх дзетак. Замест гэтага я прыдумала свайго няўрымслівага героя з жартоўных малюнкаў і назвала яго Мумітролем.

Напалову напісаны аповед праляжаў забыты аж да 1945 года, калі адзін мой сябар сказаў, што з гэтага можа атрымацца дзіцячая кніжка. "Дапішы яе, зрабі ілюстрацыі, і яе, можа быць, надрукуюць".

Я хацела, каб у назве кнігі абавязкова прысутнічаў Мумітроль і яго пошукі таты – як у пошуках капітана Гранта, але ў выдавецтве настоялі на "маленькіх тролях", каб чытачам было больш зразумела.

Аповесць склалася пад уплывам кніг, якія я любіла чытаць у дзяцінстве: крыху з Жуль Верна, крыху з Калодзі (дзяўчынка з блакітнымі валасамі). Ну а чаму б і не?

Так ці інакш, гэта была мая першая кніжка са шчаслівым канцом!

Tove Jansson / Тувэ Янсан

Падрабязней пра кнігу "Маленькія тролі і вялікая паводка" тут.

У серыі кніжак пра мумітроляў таксама выйдуць:

Камета над далінай мумітроляў
Чарадзееў капялюш
Успаміны Мумітаты
Небяспечнае лета
Мумітрольская зіма
Нябачнае дзіцё
Мумітата і мора
Даліна мумітроляў у канцы лістапада


Раім таксама паглядзець:
Толкін Джон Рональд Руэл. Каваль зь Вялікага Вутану
47'900 р.

Толкін Джон Рональд Руэл. Каваль зь Вялікага Вутану

Ня вельмі даўно – для тых, у каго доўгая памяць – і ня вельмі далёка – для тых, у каго доўгія ногі – стаяла вёска. Звалася яна Вялікім Вутанам, бо была большая за Малы Бутан, што хаваўся на некалькі міляў глыбей у лесе. А сама па сабе вёска была ня надта й вялікая, але ў тыя часы багатая, і людзей там жыло шмат – і добрых, і дрэнных, і сярэдніх – адным словам, розных, як паўсюль...

Ліндгрэн Астрыд. Малы і Карлсан-з-даху
119'900 р.

Ліндгрэн Астрыд. Малы і Карлсан-з-даху

Казачная аповесьць "Малы і Карлсан-з-даху" – першая з сусьветнавядомага цыклю аповесьцяў славутай швэдзкай пісьменьніцы Астрыд Ліндгрэн (1907 – 2002). Кніга ў цьвёрдай вокладцы і аздобленая каляровымі ілюстрацыямі.

Вісландэр Юя, Вісландэр Томас. Малы і Білан
69'900 р.

Вісландэр Юя, Вісландэр Томас. Малы і Білан

"Малы і Білан" – працяг кнігі "Малы і Мядзведзік" шведскіх пісьменнікаў Юі і Томаса Вісландэраў. У другой частцы Малы і Білан крыху пасталелі і ўжо амаль навучыліся пісаць, чытаць ды лічыць. Яны па-ранейшаму гуляюць разам амаль штодзень, а Малы штовечар распавядае пра ўласныя прыгоды свайму найлепшаму сябру – Мядзведзіку.