Абвестка

 

 

 

У выпадку ўзнікнення дадатковых пытанняў будзем радыя адказаць на іх з 10.00 да 18.00 па тэлефонах: +375-29-632-91-29 (Вераніка), +375-29-856-42-01 (Міхась).
Або па электроннай пошце: prastora@prastora.by
І ў сацыяльных сетках: Facebook ці ўКантакце.

 

 

 

Абвестка

Краўцэвіч Алесь. Рыцары і дойліды Гародні

Краўцэвіч Алесь. Рыцары і дойліды Гародні
12.99 р.
Вага: 1160 г
Памеры: 240x340 мм



Навелы / ілюстрацыі П. Татарнікава. – Гародня-Wrocław, 2009. – 107 c. : іл. – (Гарадзенская бібліятэка). Цвёрдая вокладка.

ISBN 978-83-61617-97-6

"Рыцары і дойліды Гародні" – 8-ая кніга серыі "Гарадзенская бібліятэка". Яна складаецца з трох навелаў гісторыка Алеся Краўцэвіча, прысвечаных археалагічным даследаванням сярэднявечнай Гарадзеншчыны, гарадзенскаму Старому Замку, вялікаму князю Вітаўту, які сваю кар'еру пачынаў у нашым горадзе. Гэта першая падобнага кшталту кніга прысвечаная Гародні.

Рыцары і дойліды Гародні. Гарадзенскі замак

ЗМЕСТ

ГАРАДЗЕНСКІ ЗАМАК

Узнікненне і росквіт паселішча на беразе Нёмана
Крыжацкая навала
Слаўны рыцар Давыд Гарадзенскі
Бітва з крыжакамі працягваецца
Міжусобныя звады і крыжакі ў замку
Замірэнне Вітаўта і Ягайлы
Замак Вітаўта
Замак Стэфана Баторыя
Міналі стагоддзі

ВЯЛІКІ КНЯЗЬ ВІТАЎТ

Літва – яго радзіма
Сталенне героя
Улада вышэй за ўсё
Руплівец гаспадарства
Вялікая бітва
Шлях да Еўропы
Асноўныя падзеі ў жыцці Вітаўта

МАЙСТАР – НАШ ПРОДАК

Скарбніца старажытных рэчаў
Як шукалі мірскую ратушу
На наваградскіх пагорках
Паселішчы на рэчцы Ашмянцы
Мястэчкі каля замкаў
Зроблена рукамі продкаў

Краўцэвіч Аляксандар Канстанцінавіч – археолаг, гісторык-медыевіст, доктар гістарычных навук, сябра Саюзу Беларускіх Пісьменнікаў. Даследуе сярэднявечную і новачасную гісторыю Беларусі. Нарадзіўся 13.09.1958 г. у вёсцы Лупачы Мастоўскага раёна на Гарадзеншчыне. Закончыў гістфак БДУ (1981 г.), аспірантуру Інстытута археалогіі АН СССР, г. Масква (1984 г.), дактарантуру БДУ (1999 г.). У 1996 – 1997 гг. праходзіў навуковую стажыроўку ў Ягелонскім універсітэце ў Кракаве. Ад 1999 г. выкладае ў беларускіх і польскіх ВНУ. Ад 2005 г. сябра Саюзу Беларускіх Пісьменнікаў. Напісаў дзевяць навуковых і навукова-папулярных кніг: "Майстар – наш продак" (Менск: Народная асвета, 1990); "Гарады і замкі Беларускага Панямоння 14 – 18 стст.: Планіроўка, культурны слой" (Менск: Навука і тэхніка, 1991); "Стары Мір" (Менск: Навука і тэхніка, 1993, у сааўтарстве з Г. М. Якшук); "Тэўтонскі ордэн ад Ерусаліма да Грунвальда" (Менск: Навука і тэхніка, 1993); "Гродзенскі замак" (Менск: Юнацтва, 1993); "Матэрыяльная культура Міра і Мірскага замка" (Менск: Навука і тэхніка, 1994, у сааўтарстве з Н. І. Здановіч і А. А. Трусавым); "Вялікі князь Вітаўт" (Менск: Юнацтва, 1998); "Стварэнне Вялікага Княства Літоўскага" (Менск: Беларуская навука, 1998, другое выданне: Жэшаў 2000, польскае выданне: Powstanie Wielkiego Księstwa Litewskiego. Białystok, 2003; чацвёртае выданне на беларускай мове: Беласток, 2008); "Міндаўг. Пачатак гаспадарства" (Менск: Мастацкая літаратура, 2005).

Рыцары і дойліды Гародні. Слаўны рыцар Давыд Гарадзенскі

Татарнікаў Павел Юр'евіч – мастак-графік, сябра Беларускага Саюза Мастакоў, дацэнт кафедры графікі Беларускай дзяржаўнай акадэміі мастацтваў. Нарадзіўся ў 1971 г. ў сямі мастакоў у Бярэсці. 3 1982 па 1989 г. вучыўся ў Рэспубліканскай школе-інтэрнаце па музыцы і выяўленчаму мастацтву ў Менску. У 1989 – 1995 гг. студэнт аддзялення графікі Беларускай дзяржаўнай акадэміі мастацтваў. 3 1997 г. сябра Беларускага Саюза Мастакоў. Браў удзел у міжнародных і персанальных выставах у Беларусі, Летуве, Польшчы, Расеі, Украіне, Сербіі, Чэхіі, Славакіі, Германе, Аўстрыі, Італіі, Швайцарыі, Францыі, Гішпаніі, Вялікай Брытаніі, ЗША, Японіі, Тайвані. Асноўныя ўзнагароды за ілюстрацыі да кніг: Дыплом у намінацыі "Залаты дубль" конкурсу "Мастак і кніга" 1998 г., Менск, Беларусь. Дыплом "PLAQUE of The International Golden Реп" 1999 г., Белград, Сербія; Гран-пры конкурсу "Мастак і кніга" 2000 г., Менск, Беларусь; Прэмія "ВІВ Golden Арріе" міжнароднага біеннале "ВІВ'2001", Браціслава. Славакія; Прэмія "Лепшае выданне года" Беларускага нацыянальнага конкурсу "Мастацтва кнігі" 2004 г., Менск, Беларусь; Прэмія "Лепшы ілюстратар года" беларускага нацыянальнага конкурсу "Мастацтва кнігі" 2007 г., Менск, Беларусь; Медаль Беларускага Саюза Мастакоў. 2007 г., Менск, Беларусь; Залаты медаль міжнароднага конкурсу кнігі "Мооnbеаm", 2008 г., ЗША; Лаўрэат міжнароднага конкурсe кнігі "The White Ravens", 2009 г., Мюнхен, Германія.

Рыцары і дойліды Гародні. Бітва з крыжакамі прагяцваецца

На старонках кніг, якія складаюць "Гарадзенскую бібліятэку", прадстаўлена забытая гісторыя Гародні, традыцыя суіснавання розных народаў і культур, памяць пра гістарычную спадчыну, культурніцкія і літаратурныя дасягненні творцаў горада на працягу стагоддзяў.

"Гарадзенская бібліятэка" гэта яшчэ адзін напамін гарадзенцам, што лёс гораду ў іх руках. Толькі агульнымі намаганнямі мы здолеем перанесці ў наступныя стагоддзі непаўторнасць гістарычнай Гародні, зберагчы яе ўнікальнасць для нашчадкаў.

"Гарадзенская бібліятэка" прысвячаецца той Гародні, якой мы можам ганарыцца.

Падрабязьней пра кнігу "Рыцары і дойліды Гародні" тут або тут.


Раім таксама паглядзець:
Гардзееў Юры. Магдэбургская Гародня
13.99 р.

Гардзееў Юры. Магдэбургская Гародня

Манаграфі Юрыя Гардзеева – першая ў Беларусі праца, прысвечаная сацыятапаграфіі горада. Выбраны для даследавання перыяд 16 – 18 ст. надзвычай важны ў гісторыі Гародні. Сённяшняя планіровачная структура гістарычнай часткі горада сфармавалася менавіта ў гэты час. Да таго ж, тапаграфія Гародні адлюстравала ў сабе змену цывілізацыйнай арыентацыі Беларусі – пераход ад візантыйскай да заходнееўрапейскай традыцыі.

Усціновіч Юры. Яська і конік ягоны Грыўка
3.69 р.

Усціновіч Юры. Яська і конік ягоны Грыўка

Казка пра незвычайнае пераўвасабленне маленькага хлопчыка Яські і яго ўдзел у бітве вялікай Грунвальдскай. Напісаная кніга ў былінным стылі, з добраю доляю фантазіі, аднак грунтуецца на гістарычных фактах. Шасцігадовы полацкі хлопчык Яська засмучаецца, што бацька не ўзяў яго з сабой на Грунвальдскую бітву з крыжакамі. Аднак тут здараецца цуд...

Краўцэвіч Алесь. Гедымін (1316 – 1341). Каралеўства Літвы і Русі
12.99 р.

Краўцэвіч Алесь. Гедымін (1316 – 1341). Каралеўства Літвы і Русі

Нарыс з серыі "Жыццяпіс вялікіх князёў літоўскіх", прысвечаны вялікаму князю Гедыміну, напісаны прафесійным гісторыкам. Усе пададзеныя гістарычныя факты, а таксама высновы аўтара, грунтуюцца на навуковым аналізе гістарычных крыніц. Кніга будзе прыдатная як тым, хто навучаецца ці вучыць гісторыі, так і ўсім аматарам.