Аповесці / укладальнік Л. М. Галубовіч. – Мінск : Літаратура і Мастацтва, 2007. – 312 с. – (Лімаўскі фальварак).

ISBN 978-985-6720-21-8

Мікола Купрэеў (1937 – 2004) – вандроўны паэт з Айчынай у "жураўліным сэрцы". "Палеская элегія" – пасмяротная кніга пісьменніка. Аповесці, сабраныя пад адной вокладкай, – гэта яго мастацкая аўтабіяграфія. Пісьменнік, які воляй лёсу амаль ўсё жыццё адпрацаваў настаўнікам літаратуры ў школах Палесся, ўздоўж і ўпоперак зведаў гэтыя мясціны як краязнаўца, вельмі тонка вывучыў своеасаблівую натуру палешукоў з іх непаўторным укладам жыцця, звычкамі, светапоглядам. Таму вобразы яго герояў надзвычай каларытныя, як і асоба самога аўтара, які пакінуў пасля сябе на нашай зямлі не толькі "светлае імгненне", але і бяспрыкладную любоў да роднага краю. А кніга ў цэлым – гэта светлая споведзь сірочай душы пасярод агульнай адзіноты, скоранасці і сумненняў.

ЗМЕСТ

Абрысы творчай постаці пісьменніка

Аповесці
Дзіцячыя гульні пасля вайны
Імгненне светлае
На вуліцы Карла Маркса з Паэтам
Палеская элегія
Рэчкаю плывём, плывём

Імгненне светлае на небасхіле

Мікола Купрэеў нарадзіўся 25 мая 1937 года ў вёсцы Ямнае Рагачоўскага раёна. Пасля вайны сям'я пераехала на Палессе. Закончыў Івацэвіцкую сярэднюю школу і Брэсцкі дзяржаўны педагагічны інстытут імя А. С. Пушкіна. Працаваў настаўнікам у вясковых палескіх школах і супрацоўнікам раённых газет. Вялікі творчы вандроўнік. Адзін з вузкага шэрага "выклятых" паэтаў свету (Віён, Бадлер, По, Рэмбо, Хлебнікаў). Выдаў два зборнікі паэзіі "Непазбежнасць" (1967), "Правінцыйныя фантазіі" (1995). Лаўрэат Літаратурнай прэміі імя А. Куляшова. Кніжка прозы "Палеская элегія" (пяць аповесцей аўтабіяграфічнага характару) напісана напрыканцы мінулага стагоддзя. Памёр 19 верасня 2004 года. Пахаваны на могілках вёскі Міхнавічы, што ў межах Івацэвічаў. Не зважаючы на яго заўчасную смерць, жыццё яго твораў, па сутнасці, толькі распачынаецца.

"Цудоўнае рашэньне даць напачатку і напрыканцы кнігі гутаркі Леаніда Галубовіча з Міколам Купрэевым. Вобраз аўтара паўстае з іх такім, якім мы яго памятаем... Безумоўна, гэта адна з лепшых кніг 2007 году". (Паводле часопісу "Дзеяслоў").

Падрабязней пра аўтара тут.

Пра Міколу Купрэева можна пачытаць у кнзізе У. Арлова "Імёны Свабоды" (прачытаць эсэ можна тут).