Чытанне вершаў, прысвечаных кожнай літары алфавіту, на дыску чаргуецца са спевамі. У дадатак да дыска ёсць друкаваны буклецік на 20 старонак, у якім прыгожа аздобленая вершаваная чытанка.

Змешчаныя ў кнізе вершы, апавяданні і казкі адлюстроўваюць дзіцячыя гульні і захапленні, пейзажныя замалёўкі розных пораў года, карціны лесу, поля, вясковага агарода і саду. Творы прасякнуты радасцю, гумарам і трапнымі назіраннямі. Маляўнічыя ілюстрацыі вядомай мастачкі Галіны Хінкі-Янушкевіч ствараюць яркі, прывабны вобраз навакольнага свету.

У сям'і расце мужчына. Побач з татам, побач з мамай. Вучыцца, дапамагае дома бацькам, прыгожа марыць. Расце гаспадар – працавіты, разумны, сумленны, вясёлы. Расце абаронца Радзімы, які ганарыцца сваім мужнымі продкамі, блізкімі і далёкімі. У кніжцы сабраныя вершы і песні пра нашу юную змену – дзяцей з добрым сэрцам і чыстай душою. Кніга – цудоўны дапаможнік тым, хто рыхтуе тэматычныя ранішнікі ў дзіцячым садку і школе.

У кнізе прапануюцца займальныя заданні з літарамі і словамі, гульні, красворды, крыжаванкі, пытанні на кемлівасць, анаграмы, шарады, загадкі на амонімы і антонімы, а таксама каламбуры, скорагаворкі, азбука, жартоўныя і іншыя вершы. Іх змест скіраваны на абуджэнне цікавасці да роднай мовы, на выяўленне яе багатых магчымасцяў.