Зномы. – Мінск: І. П. Логвінаў, 2009. – 122 с.

ISBN 978-985-6901-37-2

"Паэзія – асаблівая веда", – зазначаецца ў адным са зномаў.

Што тычыцца саміх зномаў, то гэта веда, у якой паэзія крышталізуецца ў высновы і, крышталізуючыся набывае адмысловы кшталт.

На вокладцы "Шосты яйкаквадрат" з серыі "Манвантара" Алеся Разанава і Віктара Маркаўца.

*

Аблокі плывуць над зямлёй, не належачы ёй і не залежачы ад яе, але з іх раптам ліецца на зямлю дождж альбо абрушваюцца маланкі.

Высотны жыхар – арол – велічна лунае ў нябёсах, ня ведаючы сабе раўні, але раптам зрываецца ўніз, па здабычу, бо бачыць усё, што там адбываецца.

Так і з паэзіяй, так і з мастацтвам, так і філасофіяй: яны павінны лётаць высока і займацца "высокімі" рэчамі, але ў той жа час павінны лучыцца з зямлёю "дажджом", "маланкай" і нават "арлінай драпежнасцю".

Алесь Разанаў