Смаленне вепрука / Міхась Стральцоў.— Мінск : Папуры, 2015.— 208 с.

ISBN: 978-985-15-2422-4

Міхась Стральцоў, якога называюць пісьменнікам па прызванні і псіхолагам па натуры, неверагодна ўзбагаціў айчыннае прыгожае пісьменства. Шмат у чым ён быў першапраходцам: адкрыў тып чалавека, які пакінуў вёску і не прыжыўся ў горадзе, стаў першаадкрывальнікам жанру постмадэрнісцкага апавядання, паспрабаваў разгадаць таямніцу геніяльнага Максіма Багдановіча, які сталеў і вучыўся за межамі Беларусі, але здолеў стаць нашым класікам.

Апавяданне "Свет Іванавіч, былы донжуан" літаратуразнаўцы, не згаворваючыся, адносяць да шэдэўраў нацыянальнай літаратуры, а знакамітае "Смаленне вепрука" ацэньваюць як аповед аповедаў з непераўзыдзеным сюжэтам.

Разгадваючы чужыя літаратурныя загадкі, Стральцоў і сам застаўся чалавекам-загадкаю.

У лютым 2014 года першы ў Беларусі прафесійны буктрэйлер прадставіла культурніцкая кампанія "Будзьма беларусамі!". Ён створаны паводле апавядання Міхася Стральцова "Смаленне вепрука" рэжысёрам Зміцерам Вайноўскім, а ў галоўных ролях — Альгерд Бахарэвіч і Максім Жбанкоў.

Booktrailer “Смаленне вепрука” from Budzma Razam on Vimeo.

ЗМЕСТ

Загадка Багдановіча
Смаленне вепрука
Сена на асфальце
Свет Іванавіч, былы донжуан