Пераклад з ангельскае мовы Дзьмітрыя Магілеўцава й Крысьціны Курчанковай. – Менск, 2009. – 306 с. : іл.

The Lord of the Rings. The Return of the King / Властелин Колец. Возвращение короля

ЗЬМЕСТ

Кніга пятая
Мінас Тырыт
Выправа Шэрай харугвы
Роханскае рушэньне
Аблога Гондару
Паход рахірымаў
Бітва на Пеленарскіх палёх
Пахавальнае вогнішча Дэнэтара
Сядзібы Ацаленьня
Апошняя рада
Чорная Брама расчыняецца

Кніга шостая
Вежа Кірыт Унгал
Зямля Ценю
Гара Выраку
Кармаленскае поле
Намесьнік і кароль
Мноства разьвітаньняў
Шлях дахаты
Ачышчэньне Шыру
Сівыя Завані

Эпіграф

Тры – сьмяротнай зямлі несьмяротным князям,
Сем – царам-кавалям на падгорным троне,
Дзевяць – чалавечага племені каралям,
Адзін – Уладару Цемры ў чорнай кароне,
У змрочнай краіне Мордар, там, дзе пануе Цень.
Адзін – уладарыць над імі, адзін – адшукаць іх,
Адзін – завабіць і ў цемры чорнай скаваць іх
У змрочнай краіне Мордар, там, дзе пануе Цень.

Піпін вызірнуў з свайго сховішча ў нетрах Гэндальфавага плашча. І не зразумеў, ці прачнуўся насамрэч, ці яшчэ сьпiць, агорнуты той самаю хуткаплыннай мараю, якая люляла яго гэтак доўга з пачатку вялікай скачкі. Цьмяны сусьвет мкнуў прэчкі, і вецер сьпяваў увушшу. Хобіт ня бачыў анічога, апрача зораў, што плынелі над галавою, а далёка праваруч магутныя цені паўднёвых гор падпіралі нябёсы. Сонны Піпін узгадваў, дзе ж яны праляталі й калі што прамільгнула паўзь іх, аднак успаміны ягоныя былі непрачнутыя, як ён сам, і няпэўныя.