Вісландэр Юя, Вісландэр Томас. Малы і Мядзведзік

Вісландэр Юя, Вісландэр Томас. Малы і Мядзведзік
1.36 р.
Вага: 310 г
Памеры: 150x220 мм



Апавяданні / пераклад са шведскай Н. К. Кандрусевіч ; мастак Улаф Ландстрэм. – Мінск : Літаратура і Мастацтва, 2010. – 128 с. : іл. Цвёрдая вокладка.

ISBN 978-985-6941-31-6

"Малы і Мядзведзік" – адна з найлюбімейшых кніг у Швецыі. Аўтары з неверагоднай увагай і павагай да асобы Малога расказваюць пра свет яго захапленняў, мараў, прыдумак і гульняў. З гледзішча дарослых гэта ўсё можа падавацца дробяззю. Але Мама Малога так не лічыць. Ва ўсім для Малога яна найлепшы дарадца і сябра.

Кніга "Малы і Мядзведзік" адрасавана дзецям, але стане карыснай чытанкай і для дарослых.

ЗМЕСТ

Паважаныя чытачы! (Стэфан Эрыксан)
На дрэве
Патаемная хатка
Малы зашчаміў руку
Прывітанне пад зямлёй
Малы плыве
Бутэрброд
Білан застаецца начаваць
Каменны Яшчар
Малы вучыцца лічыць
На двор уначы
Мышка
Паход у хаце
Малы будуе дом
Зімовае сонца
Гітара са Сметніка

Паважаныя чытачы!

Вы трымаеце ў руках кнігу, што з'яўляецца працягам праекта Шведскага Інстытута ў падтрымку шведскай дзіцячай літаратуры на беларускай мове. Усё пачалося з выдання кнігі "Піпі Доўгаяпанчоха" па-беларуску ў 2008 годзе, калі нават дачка вядомай шведскай пісьменніцы Астрыд Ліндгрэн прыехала ў Беларусь, каб прысутнічаць на прэзентацыі кнігі. Літаратуразнаўцы мяркуюць, што творчасць Астрыд Ліндгрэн паспрыяла ўзнікненню цэлай плеяды таленавітых шведскіх дзіцячых пісьменнікаў, дзякуючы чаму сённяшняя шведская літаратура для дзяцей выклікае вялікі інтарэс ва ўсім свеце. Я надзвычай усцешаны тым, што Рэдакцыйна-выдавецкая ўстанова "Літаратура і Мастацтва" зацікавілася менавіта кнігай Юі і Томаса Вісландэраў. Гэта ўлюбёныя пісьменнікі дзяцей не толькі ў Швецыі. Я сам з вялікім задавальненнем чытаў сваім дзецям іхнія кнігі, у тым ліку і пра прыгоды Малога і Білан. У іх вабіць бязмежная фантазія герояў, уражвае ўменне аўтараў пісаць так, што не ўзнікае адчування, быццам бы кнігі напісаныя дарослымі для дзяцей. Тэкст казак нібыта льецца з вуснаў самога дзіцяці. Чытаючы кнігі Вісландэраў, чалавек ізноў вяртаецца ў дзяцінства, што, відаць, нам зусім не пашкодзіць і, наадварот, напэўна, дапаможа жыць далей і радавацца жыццю. Спадзяюся, што ўслед за гэтай кнігай беларускія дзеці яшчэ змогуць пазнаёміцца з героямі Вісландэраў, такімі, напрыклад, як цудоўная пара сяброў Маці My і Варона, а таксама з персанажамі іншых шведскіх пісьменнікаў.

Стэфан ЭРЫКСАН,
Надзвычайны і Паўнамоцны Пасол Швецыі ў Беларусі

Вісландэр Юя, Вісландэр Томас. Малы і Мядзведзік / Старонкі з кнігі

Малы прыдумляе шмат цікавых рэчаў кожны дзень.

Ён вучыцца плаваць і лічыць да васьмі. Ён спрабуе заскочыць на дрэва і гуляе ў пустыню разам з Білан. Білан – лепшая сяброўка Малога, і яны гуляюць разам амаль заўсёды. Аднойчы яны знаходзяць патаемную хатку, а іншым разам рушаць у незвычайны паход. Кожны вечар, калі Малы кладзецца спаць, ён распавядае Мядзведзіку пра ўсё, што з ім здарылася. І потым яны разам засынаюць.

"Усё, што адбываецца, з'яўляецца блізкім для дзяцей, пазнавальным і захапляльным".
Опсіс Калопсіс

"Лепшыя казкі нанач прымушаюць думаць яшчэ доўгі час пасля таго, як іх прачыталі".
Сёдэрманландз Нюхэтэр


Раім таксама паглядзець:
Янсан Тувэ. Маленькія тролі і вялікая паводка
4.99 р.

Янсан Тувэ. Маленькія тролі і вялікая паводка

Казачная аповесць "Маленькія тролі і вялікая паводка" – першая з серыі кніг, прысвечаных мумітролям, чароўным і забаўным істотам, прыдуманым, апісаным і намаляваным выдатнай фінскай пісьменніцай і мастачкай Тувэ Янсан (1914 – 2001). Адрасуецца дзецям малодшага школьнага ўзросту, а таксама ўсім аматарам і заўзятарам мумітроляў.

Ліндгрэн Астрыд. Малы і Карлсан-з-даху
11.99 р.

Ліндгрэн Астрыд. Малы і Карлсан-з-даху

Казачная аповесьць "Малы і Карлсан-з-даху" – першая з сусьветнавядомага цыклю аповесьцяў славутай швэдзкай пісьменьніцы Астрыд Ліндгрэн (1907 – 2002). Кніга ў цьвёрдай вокладцы і аздобленая каляровымі ілюстрацыямі.

Толкін Джон Рональд Руэл. Каваль зь Вялікага Вутану
4.79 р.

Толкін Джон Рональд Руэл. Каваль зь Вялікага Вутану

Ня вельмі даўно – для тых, у каго доўгая памяць – і ня вельмі далёка – для тых, у каго доўгія ногі – стаяла вёска. Звалася яна Вялікім Вутанам, бо была большая за Малы Бутан, што хаваўся на некалькі міляў глыбей у лесе. А сама па сабе вёска была ня надта й вялікая, але ў тыя часы багатая, і людзей там жыло шмат – і добрых, і дрэнных, і сярэдніх – адным словам, розных, як паўсюль...