Абвестка

 

 

 

У выпадку ўзнікнення дадатковых пытанняў будзем радыя адказаць на іх з 10.00 да 18.00 па тэлефонах: +375-29-632-91-29 (Вераніка), +375-29-856-42-01 (Міхась).
Або па электроннай пошце: prastora@prastora.by
І ў сацыяльных сетках: Facebook ці ўКантакце.

 

 

 

Абвестка

Dali. Zагадкі Zігмунда Фрэйда

Dali. Zагадкі Zігмунда Фрэйда
2.49 р.
Вага: 110 г
Памеры: 140x124 мм



9 трэкаў + песня "Silver Sky" ангельскаю моваю / Агульны час 39:28. © Dali, ТДА "Вестрекордс-плюс", 2008 (р) ТДА "Вестрекордс-плюс", 2008.

Трэк-ліст

1. Рыо-дэ-Жанейра
2. Мечтай со мной
3. Грай гармон
4. Когда ты вернёшься
5. Пахне чабор (MTV-unplugged Live)
6. Рапсодия
7. Я люблю тваё неба шэрае
8. Грай гармон (Remix by Alexis)
9. Мечтай со мной (Remix by Alexis)
BONUS: Silver Sky (песня "Я люблю тваё неба шэрае" па-ангельску)
+ буклет на 8 старонак з тэкстамі песень і постарам

"Zагадкі Zігмунда Фрэйда" – вельмі веснавая назва. Менавіта вясною сэрца спрабуе выскачыць з цела і несціся насустрач яшчэ аднаму такому ж апантанаму сэрцу. І ва ўсім вінаваты тут спадар Фрэйд, як не круці. У ролі даследчыкаў "фрэйдызму" вырашыў выступіць беларускі гурт "Dali", таму сваю музычна-навуковую працу яны і назвалі "Zагадкі Zігмунда Фрэйда".

Назва цалкам адпавядае агульнаму гучанню дыска: музыкі прысвяцілі свае песні "непапсоваму каханню і музычнай эротыцы". Яны адзначаюць, што канцэпцыя альбома закладзена ў назве. На мой жа погляд, пра канцэпцыю тут гаворка не ідзе, проста ў альбом увайшлі ўжо вядомыя песні, якія гучаць на канцэртах гурта, а таксама ў тэле- і радыё ратацыі. Гэты альбом, па сутнасці, стаў падвядзеннем вынікаў і завяршэннем творчага пачатковага этапу каманды.

Абавязкова трэба адзначыць тое, што альбом выдатна гучыць: цікавыя аранжыроўкі песень лёгка ўплятаюцца ў меладычныя хады, Віктар Рудэнка і кампанія і тут дэманструюць добры густ у разуменні "смачнасці" музычнага прадукту і бездакорны прафесіяналізм – мабыць, таму дэбютны дыск не гучыць "дэбютна", а дастаткова ўпэўнена і па даросламу.

Большасць "фрэйдаўскіх" песень – пазітыўныя, вясёлыя і танцавальныя. У альбом "Zагадкі Zігмунда Фрэйда" увайшлі песні на розных мовах. Сярод англамоўных кампазіцый вылучаецца песня "Silver Sky", якая з'яўляецца бонус-трэкам "загадак". Менавіта на ёй музыкі акцэнтуюць увагу, бо, па іх словах, песня напісана ў стылістыцы, у бок якой рухаецца гурт, і трапіць у будучы нью-фанкавы альбом, які ўбачыць свет напрыканцы бягучага года.

Апроч усяго, у альбом трапілі і некалькі рэміксаў, якія зрабіў профі жанру deep house Alexis Scorpio. Мне, напрыклад, рэміксы спадабаліся тым, што яны ніколькі не напружваюць слухача, тым самым нагадваючы танцавальныя кампазіцыі гурта А-Studio, якія некалі выконвала Паліна Грыфітс.

А цяпер слова эксперту – вядомаму музычнаму крытыку і журналісту – Змітру Падбярэзскаму: "Я хацеў бы найперш адзначыць, што "Dali" пашанцавала ў тым сэнсе, што ў складзе гэтага калектыву вельмі добра падрыхтаваныя музыкі, то бок, не самавукі ў асноўным. Яны разумеюць музыку, разумеюць тое, што самі робяць. Тую стылістыку, у якой яны працуюць, яны таксама вынайшлі, як мне падаецца, даволі лёгка. Гэта такая іхняя пазіцыя: рабіць не тое што адвязаную, але вясёлую музыку. Яны, канешне, не ідуць там услед, скажам, за "Лепрыконсамі"... У "Лепрыконсаў" больш такая, прашу прабачэння за слова, "калдырная" музыка. "Далі" робяць музыку тонкую, больш прадуманую і спалучаюць адначасова і добры густ, і прафесійнае разуменне сваёй творчасці... Што да гэтага дыску – ён мне падаўся, як і многія дэбютныя дыскі, нейкім незавершаным. Там няма кропкі, якая дазволіла б казаць пра "Далі" з поўнай падставай, што гэты калектыў адбыўся. Тое што ён адбыўся – гэта зразумела, але вось менавіта кропкі, акцэнту мне на дыску трошкі не хапіла. А з пункту гледжання ўвасаблення матэрыялу – там усё нармальна!"

Паводле Эўрапейскага радыё для Беларусі.

Фрагмэнт трэку "Рыо-дэ-Жанейра" можна праслухаць ніжэй.

Выглядае, нібы вы ня маеце ўсталяванага Adobe Flash Player'у. Усталюйце яго зараз.



Раім таксама паглядзець:
IQ48. Героі!
3.48 р.

IQ48. Героі!

IQ48 можна дараваць усё, што недаравальнае іншым: і мовэтонаўскія цытаты з савецкіх кінафільмаў, і няроўны вакал, і не заўжды выкшталцоныя тэксты, бо яны ствараюць настрой, бачна, што іх прэ, ад таго і прэшся сам.

beZ bileta. Africa
2.27 р.

beZ bileta. Africa

Прыемна канстатаваць факт, што ў Беларусі шмат "лепшых" гуртоў, якія выдаюць свае "лепшыя" альбомы. Вось такі лепшы гурт "Без Білета" выдаў свой лепшы летні альбом "Афрыка".

Такога няма нідзе (CD + DVD)
12.99 р.

Такога няма нідзе (CD + DVD)

Словы і музыка Лявона Вольскага. Мультыбокс CD + DVD. Час гучаньня CD 44:03 (12 трэкаў). Працягласьць кліпаў на DVD 38:54. © ТА "Дзеці сонца", 2010. (р) ТДА "Вестрекордс-плюс", 2010.