12 трэкаў / Агульны час гучаньня 47:13. © Джамбібум, 2008. (p) БМАgroup, 2008.

Трэк-ліст

1. Жавараночкі
2. Стукнула-грукнула
3. Дзеўкі
4. Казёл
5. Саколік
6. Навіна
7. Жніўная
8. Вясна на калочку
9. Юр’я
10. Казка
11. Зовзулэнько
12. Жавараночкі (rmx)

+ дыск упакаваны ў кардонны DJ-pack з фотаздымкамі ўдзельнікаў гурту

Дэбютны дыск ад аднаго з самых цікавых фолк-праектаў апошніх год. "Джамбібум" робіць стаўку на натуральнасьць гучаньня ды наўмысна абыходзіць увагаю здабыткі іншых прадстаўнікоў беларускага фолк-мадэрну. Пры ўсёй шматстайнасьці скарыстаных пры запісе музычных інструмэнтаў (склад гурту сягае 10-12 чалавек!) у песьнях анічога лішняга. Гэты "фолк-аркестр" сапраўды здольны ўвесьці слухача ў транс (перамотвайце на сярэдзіну песьні "Стукнула-грукнула").

Падобна на тое, што інструмэнтальнай частцы "джамбімбумаўцы" надаюць асноўную ўвагу – практычна ў кожным іх творы можна пачуць доўгія інструмэнтальныя водступы, дзе ўжо музыкі даюць волю сваім эмоцыям. Зроблена ўсё лёгка і ненавязьліва, а часам і з жартаўлівым адценьнем (песенька пра Казла на рэгі-манер), таму і слухаць гэты альбом як мінімум прыемна.

Паводле музычнага гіду Experty.by.

Фрагмэнт трэку "Навіна" можна праслухаць ніжэй.