Электрычнасць / 13 трэкаў + відэакліп "Мамонов" / Агульны час аўдыё 47:32. Працягласць відэа 04:17. © J:МОРС, 2010. (р) J:МОРС, ТДА "Вестрекордс-плюс", 2010.

Трэк-ліст

1. Электричество
2. Мамонов
3. Много неба
4. Из космоса
5. Просто так
6. VJ Солнце
7. Беги
8. Дзесьці
9. ДНК
10. Ангелы не спят
11. Весна-красна

12.Дождём
13. Танцуй (live studio)
Відэабонус:
14. Мамонов (кліп)

+ буклет на 8 старонак з тэкстамі песень і фота ўдзельнікаў калектыву

Афіцыйны сайт гурту: www.jmors.by

Калі лічыць шоу-бізнес кампутарнай гульнёй, то з гуртоў апошняга дзесяцігоддзя ў "J: морс" па частцы пройдзеных творчых "узроўняў", напэўна, самы ўражлівы спіс. Ад этапаў "станаўлення" (1999-2002) і "лінейнага росту" (2003-2006) да "эпохі эксперыментаў" (2007-2010), да якой можна аднесці і беларускамоўны альбом "Адлегласць" (2007), і "нагітараны" альбом "Аквамарин" (2009), і маляўнічы "Концерт в театре" (2010). Самы час для новага этапу - "вяртання да вытокаў".

"Электричество"- гэта кантэкстуальны зварот да сярэдзіны 2000-х, калі "J: морс" толькі набіраў сваю папулярнасць. Бадзёрая падборка рознапланавых па музыцы песень на мяжы рока і поп-музыкі больш за ўсё нагадвае альбом "Апрель" (2005). У тэкстах - характэрныя для Пугача прыгожыя меладрамы, запраўленыя новай порцыяй модных словаў і прыгожых аўтарскіх знаходак. "Сняжынкі - смайлікі Фабержэ" ("Электричество") нічым не горш "на запястиях твоих / робко тикает апрель" ("Апрель").

Тут няма працягу "Мамонава" (чаго баяліся адны і чакалі іншыя), як і няма ў прынцыпе двух падобных песень - татальны калейдаскоп гучанняў і настрояў. Дамінуе пазітыў (асабліва рэкамендую "Электрічество", "Много неба", "Из космоса"), але нават у моманты дэпрэсіі ("Просто так", "VJ Солнце", "ДНК"), у адрозненне ад панурага "Аквамарин", тут адчуваецца нейкая новая творчая і ўнутраная гармонія.

Разам з тым, калі гэта і "Апрель", то на якасна новым узроўні. Па матэрыяле "Электричество" раўней, ахопленая музычная палітра тут шырэй, гук - лепшы за кар'еру. На мой погляд, гэта наогул адзін з лепшых беларускіх мэйнстрымавых рок-альбомаў у гісторыі, які можна паставіць у адзін шэраг з "Босиком по мостовой" (2006). (Дзмітрый Безкаравайны)

Рэцэнзіі музычных крытыкаў на альбом "Электрычнасць" тут.

Разгорнутая патрэкавая рэцэнзія на сайце Эўрапейскага радыё для Беларусі.

Фрагменты трэкаў "Электричество" (1), "Дзесьці" (2) і "Весна-красна" (3) можна праслухаць ніжэй.