16 трэкаў / Агульны час гучаньня 52:55. © СТАА "Вігмагруп", BMAgruop, 2011.

Трэк-ліст

1. Кола
2. Прагны
3. Порна
4. П.Г.П.
5. Ну і што?
6. Шабаны
7. Дыска
8. Адзін
9. Хлусьня
10. Італьяна
11. Нічога
12. Дым
13. Радыё (20.12.2010)
Бонус-трэкі:
14. Ікона (Hasta La Fillsta feat. А. Памідораў)
15. Хлусьня (USA радыё цэнзураваная)
Схаваны бонус-трэк:
16. Drums Of Doom

Новы нумарны альбом каманды Аляксандра Памідорава, выдадзены празь неймаверна вялікі перапынак у дзевяць гадоў пасьля дэбютніка. Частка песьняў зь яго па меры напісаньня расьцягвалася па рок-складанках, частка вядомая з рэдкіх выступаў гурта, а частка толькі-толькі зьявілася. Дыск запісаны ў выміраючым сёньня жанры шчырага і бескампраміснага беларускага року.

Так проста і сумленна ў Памідорава атрымліваецца з той прычыны, што ён ня ставіць задачы камусьці спадабацца. Ён расказвае пра тое, што думае і перажывае, надаўшы гэтаму аповеду форму рок-песьні. Улічваючы вялікі музычны досьвед і немалы культурны багаж, паслухаць яго цікава і пазнавальна.

"Патас/Попс/Прапаганда" – з тых альбомаў, дзе няма ніводнага праходнага трэку. Прытым песьні даволі розныя па настроі – жорсткае "Кола", мілыя "Шабаны", няўтульны "Адзін", правакацыйная "Хлусьня"… Ну і, канечне, два цьвікі пры канцы – бясспрэчны гіт "Дым", які хоць цяпер залічай у клясыку айчыннага року, ды вострасацыяльная калядка "Радыё". Па выніку атрымаўся адзін з найлепшых беларускіх альбомаў года.

Сяргей Будкін

Прачытаць рэцэнзіі на альбом "Патас / Попс / Прапаганда" можна тут і тут.

Падрабязьней пра дыск тут і тут.

Праслухаць фрагмэнты трэкаў "Кола" (1), "Адзін" (2) і "Дым" (3), а таксама цалкам трэк "Шабаны" (4) можна ніжэй.