Абвестка

 

 

 

У выпадку ўзнікнення дадатковых пытанняў будзем радыя адказаць на іх з 10.00 да 18.00 па тэлефонах: +375-29-632-91-29 (Вераніка), +375-29-856-42-01 (Міхась).
Або па электроннай пошце: prastora@prastora.by
І ў сацыяльных сетках: Facebook ці ўКантакце.

 

 

 

Абвестка

Фестываль «Камяніца 2017»

16 верасня пад Мінскам адбудзецца дзявяты міжнародны фестываль "Камяніца", арганізатарамі якога з'яўляюцца "Беларускі дзяржаўны музей народнай архітэктуры і побыту", "Грай Кафэ" і кампанія PRASTORA.BY. Генеральным партнёрам фестывалю з’яўляецца Банк "БелВЭБ".

Камяніца-2017

На галоўнай сцэне сёлета выступяць: гурт ONUKA (Украіна), Theodor Bastard (Расія), Shuma (Беларусь) і The Doox (Украіна). Таксама на галоўнай сцэне выступяць беларускія гурты "Нагуаль", Shaman Jungle і "Варган".

Камяніца-2017

Другая сцэна фестывалю будзе цалкам прысвечана аўтэнтычнаму беларускаму фальклору, які прагучыць у выкананні ансамбляў «Рада», «Мярэжа», «Горынь» і Патрыцыі Свіцінай. Гэта пляцоўка будзе працаваць у перапынках паміж выступамі артыстаў галоўнай сцэны, дазваляючы зрабіць музычную праграму мерапрыемства неперарыўнай.

Акрамя музыкі гледачоў чакае вялікі кірмаш народных промыслаў, майстар-класы рамеснікаў, вясковыя забавы, выставы мастакоў і фатографаў.

Фестывальная мапа

Як даехаць на "Камяніцу"? Вельмі проста!
Машынай ці роварам: Музей народнай архітэктуры і побыту, вёска Азярцо, 4 км ад МКАД за аўтарынак "Малінаўка". Для ровараў будзе асобная паркоўка, магчымасць заехаць на тэрыторыю фэста.
Аўтобусам: ад мятро "Малінаўка" (прыпынак у бок МКАД). Будуць і бясплатныя, і сімвалічна платныя аўтобусы кожныя 15-20 хвілін.

Папярэдне квіткі каштуюць да 10 рублёў (дарослы), у дзень фестывалю кошт будзе 15 рублёў (дарослы). Усе грошы ад квіткоў ідуць на рахункі музея, дапамагаючы захоўваць унікальную калекцыю аўтэнтычнай беларускай драўлянай архітэктуры 18-20 стагоддзяў, сабраную ў розных рэгіёнах краіны.

Папярэдні продаж:
"Bycard"
"SMSbilet.by"

Для дзяцей дашкольнага ўзросту ўваход бясплатны.

Інфалінія: +375 29 363 76 85, +375 29 856 42 01, +375 17 209 41 63.

Свята круглы год!

Шаноўныя сябры!

Мы адсвяткавалі Каляды і Новы год, але святы нас не адпускаюць - наперадзе яшчэ Стары Новы год.

Кампанія PRASTORA.BY шчыра жадае, каб святочны настрой суправаджаў Вас круглы год!

А каб дадаць пазітыву і добрага настрою, публікуем некалькі відэаролікаў з Каляднага маркету "Прастора Добрых Падарункаў", які мы правялі для вас напярэдадні Новага года.

Калядны маркет
Калядны маркет

А таксама шмат цікавых, жывых і добрых фотаздымкаў можна паглядзець ТУТ.

З першымі пеўнямі!

Шаноўныя сябры!

Кампанія PRASTORA.BY шчыра віншуе вас і ўсіх вашых блізкіх з Новым, 2017 годам!

Кампанія PRASTORA.BY шчыра віншуе вас і ўсіх вашых блізкіх з Новым, 2017 годам, у якім нам усім разам яшчэ належыць зрабіць столькі ўсяго цікавага!

Зычым вам быць сапраўднымі "пеўнямі" ў самым высокім разуменні гэтага слова — уставаць як мага раней ды будзіць да Добрых Справаў іншых!

Ну а мы, са свайго боку, абяцаем, што будзем і надалей прыкладаць свае сілы і таленты, каб самааддана працаваць на карысць Бацькаўшчыны!

І будзем намагацца — выключна негвалтоўнымі метадамі))) — рабіць дадзеныя нам Богам справы і Пашыраць Беларускую Прастору!

Шчыра дзякуем за магчымасць павіншаваць вас такім цудоўным відэаролікам нашаму сябру і сапраўднаму Майстру сваёй Справы — беларускаму аніматару Міхаілу Тумелю.

Да новых сустрэчаў у Новым годзе!

Зычліва,
Алесь Квіткевіч,
кіраўнік кампаніі PRASTORA.BY,
і ўвесь Дружны Калектыў Беларускай Прасторы.

Вялікая літаратурна-музычная і забаўляльная праграма на Калядным маркеце "Прастора Добрых Падарункаў"!

24 і 25 снежня ў цэнтры Мінска каля Палацу Рэспублікі — у ГЦ «Купалаўскі» — пройдзе Калядны маркет "Прастора Добрых Падарункаў"! Мерапрыемства аб'яднае лепшыя традыцыі еўрапейскіх калядных маркетаў і беларускай гасціннасці, сабраўшы больш за 100 удзельнікаў розных відаў і жанраў, сярод якіх — майстры хэндмэйду, рамёстваў, музыкі, літаратуры і самае шырокае кола творчых людзей!

Выразны акцэнт на творчы складнік стане галоўнай адметнасцю Каляднага маркету «Прастора Добрых Падарункаў» і яго асноўным адрозненнем ад падобнага кшталту мерапрыемстваў і кірмашоў, якія будуць ладзіцца ў гэтыя святочныя дні ў беларускай сталіцы.

У літаратурна-музычнай і забаўляльнай праграме вас чакаюць выступы вядомых беларускіх літаратараў — празаікаў і паэтаў, бардаў, тэатральных дзеячаў (даецца ў знакі блізкасць “Купалаўскага тэатру”:)), музыкаў і цэлых калектываў, аўтограф-сесіі, майстар-класы, тэматычныя фота-зоны, настольныя гульні і анімацыя, а таксама прэзентацыі новых кніг, брэндаў ды іншых адметных тавараў з Беларускай Душой!

24 і 25 снежня — Калядны маркет ''Прастора Добрых Падарункаў''!

ПАЗНАЁМІЦЦА З ПРАГРАМАЙ МОЖНА ТУТ.

Калядны маркет "Прастора Добрых Падарункаў"!

Шаноўныя сябры!

24 і 25 снежня ў некалькіх кроках ад галоўнай Ялінкі краіны пройдзе Калядны маркет "Прастора Добрых Падарункаў"!

Зусім побач з Палацам Рэспублікі ў самым цэнтры сталіцы — у гандлёвым цэнтры "Купалаўскі" — на працягу двух дзён з 11.00 да 19.00 пройдзе маштабны пераднавагодні кірмаш з Беларускай Душой!

24 і 25 снежня — Калядны маркет ''Прастора Добрых Падарункаў''!


Акрамя ўласна гандлёвай часткі вас чакаюць літаратурна-музычная і забаўляльная праграмы, значны акцэнт у якіх будзе зроблены на дзетак — пачастункі, забавы і гульні, фотазона, майстар класы ад майстроў-рамеснікаў, настольныя гульні, вершы і песні для дзетак, а таксама магчымасць набыць адметныя і запамінальныя падарункі!

У літаратурнай праграме — выступы вядомых беларускіх пісьменнікаў і паэтаў, аўтограф-сесіі і прэзентацыі кніг.

У музычнай праграме — выступы вядомых беларускіх бардаў, музыкаў і калектываў.

У межах Каляднага маркету "Прастора Добрых Падарункаў" мы збіраем для вас усё самае лепшае, што зроблена беларусамі і для беларусаў — не забываючы, вядома, і пра нашых гасцей! Паколькі месца правядзення кірмашу знаходзіцца ў самым цэнтры сталіцы на скрыжаванні ўсіх турыстычных маршрутаў, а час — неверагодны калядны і пераднавагодні, мы адмыслова рыхтуем праграму нашага свята так, каб кожны знайшоў у ім для сябе штосьці цікавае!

Распачнём святкаваць каляды разам з Калядным маркетам "Прастора Добрых Падарункаў"!

 

 

 

Уваход на ўсе мерапрыемствы Каляднага маркету "Прастора Добрых Падарункаў" вольны!
Чакаем усіх са святочным настроем і жаданнем дарыць і прымаць у падарунак усмешкі!

Для тых, хто жадае прадставіць у межах Каляднага маркету "Прастора Добрых Падарункаў" свае брэнды, рамесніцкія вырабы і прыняць удзел у якасці гандляроў — рэгістрацыя тут. Кантакты каардынатара кірмашовай зоны: Анастасія Скалабан, +375-29-106-21-06, as@prastora.by

 

ЧЫТАЦЬ НАВІНУ ЦАЛКАМ — БОЛЬШ ФОТА І ПАДРАБЯЗНАСЦЕЙ.

Зміцер Вайцюшкевіч. У родным краі, як у ГРАІ!

Зміцер Вайцюшкевіч. У родным краі, як у ГРАІ!

Смачны Арт-Цэнтр ГРАЙ і "Беларуская Прастора" распачынаюць серыю супольных мерапрыемстваў — і ў першую чаргу літаратурных і музычных творчых сустрэчаў з беларускімі выканаўцамі — пад назваю "У родным краі, як у ГРАІ!".

30 лістапада а 19-й гадзіне наведвальнікі "Смачнага Арт-Цэнтру ГРАЙ" па адрасе вул. Інтэрнацыянальная, 33 змогуць пабачыць, пачуць, а таксама задаць свае пытанні знакамітаму артысту і аўтару шматлікіх песень на вершы беларускіх паэтаў Змітру Вайцюшкевічу.

Дапамагаць карыфею беларускае сцэны ў гэты вечар будуць малады беларускі творца Ілля Фаляжынскі і Алесь Квіткевіч. Уваход: 20 рублёў, месца за столікам — 30 рублёў.

Даведкі па тэлефонах: +375-44-762-78-80 velcom і +375-25-618-85-35 life:).

Рэкі сыдуцца тут – Сутокі: супольны канцэрт Re1ikt і Vuraj

Рэкі сыдуцца тут – Сутокі: супольны канцэрт Re1ikt і Vuraj

Дзве ракі, сустрэўшыся, нараджаюць бурлівую плынь. Два гурты, зайграўшы разам, выпраменьваюць непаўторную энергетыку. Менавіта таму аўтары найлепшага рок-альбому 2015 гурт Re1ikt і найлепшага фольк-альбому 2014 гурт Vuraj аб’ядналіся, каб даць вялікі сумесны канцэрт 29-га траўня ў клубе "Брюгге". Адмысловую праграму музыкі назвалі сімвалічна, па назве сустрэчы дзвюх рэк – "Сутокі".

Фольк-гурты Re1ikt і Vuraj – з’ява для беларускай музыкі нетрывіяльная. Яднае іх шчырая захопленасць беларускай народнай песняй і любоў да эксперыментаў.

Лідар гурта Vuraj Сяргей Доўгушаў адзначае: "Ідэя музычнай супрацы з Re1ikt прыцягвала нас даўно. Гэты саюз бачыўся нам настолькі натуральным і арганічны, што пытаннем было толькі тое, калі мы нарэшце з’яднаем нашы творчыя энергіі. І вось, пасля некалькіх удалых спробаў мы наважыліся на вялікі канцэрт. 29-га траўня мы прадставім шэраг сумесных песень з нечаканымі нават для нас саміх спалучэннямі".

Вакаліст гурта Re1ikt Уладзімір Казлоў працягвае: "Гэты канцэрт – своеасаблівая абмен-гульня. Сяржук заспявае з Re1ikt, а я, у сваю чаргу, выканаю пару песень разам з Vuraj. Але, вядома, асаблівае месца мы адводзім палескаму хіту "Вэлытай, пэрэпылко". Яго мы сумесна выканаем у адмысловай аранжыроўцы. Мы ўпэўненыя, што новае гучанне прыйдзецца да спадобы аматарам абодвух гуртоў".

Набыць квіток на Сутокі: супольны канцэрт Re1ikt і Vuraj коштам 100'000.

Забраць замоўленыя на Prastora.by квіткі, а таксама набыць іх непасрэдна на месцы можна ў краме "Беларуская Прастора" па адрасе: пр-т Незалежнасьці, 58 (ГЦ "Маскоўска-Венскі"), другі паверх, павільён 205. Тэлефоны: +375-44-762-78-80 velcom і +375-25-618-85-35 life:)

Першы фестываль "Бардаўская вясна" ў Мінску!

Першы фестываль ''Бардаўская вясна'' ў Мінску!

Закладанне новай традыцыі – гэта заўсёды добра. І часта так здараецца, што многія добрыя рэчы робяцца менавіта на прадвесні. Абуджэнне жыцця абуджае новую энэргію, і разам з тым нараджаюцца новыя ідэі. Вясновыя!

Так і нарадзілася ідэя новага штогадовага феставаля "Бардаўская вясна" ў Мінску. Цяпер аматары добрай аўтарскай песні змогуць, у дадатак да цудоўнага фэсту "Бардаўская восень" у Бельску (Польшча), наведаць блізкае па духу мерапрыемства ў беларускай сталіцы. У мінскім "Доме Літаратара" – месцы, прасякнутым творчымі традыцыямі.

24 красавіка на адной сцэне можна будзе пабачыць вядомых аўтараў і выканаўцаў: Віктара Шалкевіча, Алеся Камоцкага, Змітра Бартосіка, Андрэя Мельнікава. Разам з мэтрамі выступіць "бардаўскі маладняк". Папоўніць спіс удзельнікаў можна, даслаўшы свае заяўкі на адрас арганізатараў: fest@prastora.by Галоўны крытэр адбору – вясновы настрой і жаданне дзяліцца пазітывам з публікаю.

"Мы вельмі любім вясну, – кажа адзін з арганізатараў мерапрыемства, дырэктар кампаніі Prastora.by Алесь Квіткевіч. – А таксама мы вельмі любім тых, каго вырашылі сабраць на першым фестывалі "Бардаўская вясна" ў Мінску. Запрашаем усіх 24 красавіка – і няхай жыве творчасць, сяброўства і вясна!"

Набыць квіток на фестываль "Бардаўская вясна" VIP коштам 150'000.

Набыць квіток на фестываль "Бардаўская вясна" коштам 120'000.

Для тых, хто хоча аплаціць квіток карткаю, можна зрабіць гэта праз сэрвіс smsbilet.by.

Квіткі таксама даступныя на сайце kvitki.by.

Забраць замоўленыя на Prastora.by квіткі, а таксама набыць іх непасрэдна на месцы можна ў краме "Беларуская Прастора" па адрасе: пр-т Незалежнасьці, 58 (ГЦ "Маскоўска-Венскі"), другі паверх, павільён 205. Тэлефоны: +375-44-762-78-80 velcom і +375-25-618-85-35 life:)

У дзень правядзення мерапрыемства ў мінскім Доме Літаратара кошт квіткоў будзе 170'000 VIP і 150'000 тысячаў адпаведна.

Прэзэнтацыя "Каб аднойчы" на радыё "Культура"

''Каб аднойчы'' Рыгора Барадуліна , Алеся Камоцкага і Джона Кунстадтэра

Шаноўныя сябры!

У нядзелю, 6-га сакавіка, у 16.00 у вас будзе цудоўная магчымасьць пачуць стваральнікаў кнігі "Каб аднойчы" выдавецтва "Паперус" – Алеся Камоцкага і дырэктара культурніцкай пляцоўкі "Беларуская Прастора" Алеся Квіткевіча. Іх да сябе запрасіла радыёстанцыя "Культура" Беларускага радыё у сваю праграму "Гаспода. Літаратурныя сустрэчы".

З радасьцю чакаем вас 6-га сакавіка в 16-й гадзіне, на хвалях канала "Культура" на FM-частаце 102,9 у Менску, 88,5 у Берасьці, 99,3 у Віцебску, 91,5 у Гомелі, 95,0 у Горадні, 99,1 у Магілёве, а таксама на старонцы tvr.by. Не прапусьціце!

"Каб аднойчы" Рыгора Барадуліна, Алеся Камоцкага і Джона Кунстадтэра

''Каб аднойчы'' Рыгора Барадуліна , Алеся Камоцкага і Джона Кунстадтэра

Шаноўныя Сябры! Запрашаем на прэзентацыю кнігі і дыска "Каб аднойчы" Рыгора Барадуліна , Алеся Камоцкага і Джона Кунстадтэра 29 студзеня а 19-й гадзіне ў галерэю TUT.BY (г. Мінск, пр-т Дзяржынскага, 57, 9 паверх, ст. метро Міхалова, БЦ OmegaTower).

У выдавецтве "ПАПЕРУС" кампаніі Беларуская Прастора выйшаў зборнік вершаў Рыгора Барадуліна "Каб аднойчы".

Гэтае ўнікальнае выданне нарадзілася дзякуючы намаганням трох таленавітых людзей. Дадзеная кніга – гэта нізка лірычных песень Алеся Камоцкага на вершы Рыгора Барадуліна, аздобленая фотаздымкамі амерыканскага фатографа Джона Кунстадтэра.