2011 год для міжнароднае літаратурнае супольнасьці прайшоў як "Год Чэслава Мілаша" – польскага літаратара, "нобэлеўскага ляўрэата зь ліцьвінскаю мэнтальнасьцю". На працягу ўсяго году адна за другою выходзілі кнігі Мілаша на розных мовах сьвету – у тым ліку, па-беларуску. Прапаноўваем вашай увазе падборку з 6-ці кніг слыннага аўтара, выдадзеных па-беларуску ў розны час ад 2000 і да 2012 году, у якіх сабрана ўсё найбольш значнае, што стварыў за сваё плённае творчае жыцьцё ляўрэат Нобэлеўскае прэміі па літаратуры за 1980 год.

Таксама пацешыў літаратурных гурманаў двума новымі дыхтоўна выдадзенымі тамамі выдавецкі праект "Гарадзенская бібліятэка", чарговы раз ушанаваўшы памяць Ларысы Геніюш і Васіля Быкава. Кніга "Гарадзенскі архіў" Васіля Быкава зьявіцца на Prastora.by трохі пазьней, і пра яе мы паведамім у адмысловай рассылцы, а вось кніга "Лісты з Зэльвы" Ларысы Геніюш ужо даступная на нашым сайце, і падрабязьней пра яе вы можаце прачытаць ніжэй.

Шаноўныя сябры!

Радыя паведаміць вам, што зьявілася старонка Prastora.by у Facebook! Адгэтуль, упадабаўшы (або на новамоўі "лайкнуўшы") яе, карыстальнікі найбуйнейшае сацыяльнае сеткі змогуць апэратыўна атрымліваць інфармацыю пра ўсе абнаўленьні, навіны, акцыі і паступленьні новых тавараў у беларускую інтэрнэт-краму Prastora.by!

Зрабіць гэта можна як на самой старонцы ў Facebook, гэтак і праз адмысловы модуль непасрэдна на сайце www.Prastora.by – далучайцеся самі, інфармуйце сяброў і знаёмых, і – пашырайма беларускую прастору разам!

Шаноўнае спадарства, пасьля даволі працяглага перапынку сайт Prastora.by зноў пачаў папаўняцца новымі таварамі, пра што мы радыя вам паведаміць!

Разам з тым нагадваем, што неўзабаве ў Менску адбудуцца дзьве беларускамоўныя ялінкі – "Ялінка Нашых Дзетак" 17-га сьнежня а 10:30 у кавярні "Плянэта зорак" (Палац дзяцей і моладзі, Старавіленскі тракт, 41) і "Яліначка для карапузікаў" 24 сьнежня аб 11:30 у кавярні THE LOFT (вул. Петруся Броўкі, 22). Арганізатары абяцаюць цікавыя імпрэзы, так што – ласкава запрашаем!

У бягучым выпуску Навінаў мы праінфармуем ваc пра новыя паступленьні дзіцячае літаратуры, а таксама некаторых іншых кніг. Прыемнага калядна-навагодняга шопінгу на Prastora.by!

31 сакавіка зоркі бардаўскае песьні на адной сцэне: Зьміцер Бартосік, Сяржук Сокалаў-Воюш, Андрэй Плясанаў

Росквітам беларускае бардаўскае песьні называюць 80-я гады, калі зазьзялі імёны Алеся Камоцкага, Сержука-Сокалава-Воюша, Віктара Шалкевіча, Вальжыны Цярэшчанкі. У 90-х зьявіліся новыя імёны, узмацнілася сувязь бардаўскае песьні з папулярным рок-жанрам – Зьміцер Сідаровіч стварыў гурт "Камэлёт", а Эдуард Акулін пакінуў гурт "БАСКІ" і г.д. А некаторыя артысты здолелі нават сумяшчаць жанры, таленавіта праяўляючы сябе і ў рок-музыцы, і ў бардаўскай песьні – як, напрыклад, Андрэй Плясанаў.

31 сакавіка ў малой залі канцэртовага комплексу "Мінск" (ст. мэтро "Першамайская") адбудзецца міні-фэстываль бардаўскае песьні, які мусіць давесьці публіцы, што жанр яшчэ рана сьпісваць з рэестраў сучаснае культуры. У ім возьмуць удзел сапраўдныя зоркі, якіх слухачы ведаюць і па жывых канцэртных выступах, і з дыскаў: Зьміцер Бартосік, Андрэй Плясанаў і Сяржук Сокалаў-Воюш.

Кампанія "Будзьма беларусамі" прэзэнтавала фірмовыя налепкі на клявіятуру, галоўнаю адметнасьцю якіх ёсьць наяўнасьць беларускіх кірыліцы і лацінкі. Адгэтуль беларускамоўным карыстальнікам аргтэхнікі будзе лацьвей набіраць патрэбныя тэксты – ці то кірылічным, ці то лацінкавым варыянтам.

Дзякуючы супольнай акцыі, атрымаць такія камплекты могуць і кліенты інтэрнэт-крамы Prastora.by, даўшы рады адказаць на колькі пытаньняў конкурсу "Жыве справа Скарыны на PC і Macintosh!" Форма падаваньня адказаў традыцыйная – у камэнтары да любое замовы на Prastora.by.

Уласна пытаньні можна паглядзець тут.

Чым болей лютаўскі мароз убіраецца ў сілу і чым мацней спрабуе ўшчыкнуць нас за нос і вушы, тым болей усім нам хочацца вясны, і тым адчувальнейшым робіцца яе хуткае і непазьбежнае надыходжаньне!

То ж мы разам са Зьмітром Вайцюшкевічам і парталам Naviny.by надумалі яшчэ трошачкі "прысьпешыць вясну" – і абвесьціць адпаведную акцыю, зрабіўшы паралельна колькі падарункаў усім сваім кліентам. Уласна, двума галоўнымі прызамі кампаніі "Прысьпешым Вясну!" стануцца чатыры квіткі (па два кожнаму з двух пераможцаў) на вясновы канцэрт Зьмітра Вайцюшкевіча і WZ-orkiestra 8-га сакавіка ў Менску. Але й тым, хто жыве па-за Менскам або мае іншыя пляны на вечар 8-га сакавіка ўдзельнічаць будзе цікава: без прызоў і падарункаў не застанецца ніводзін удзельнік або ўдзельніца!

Кожны, хто возьме ўдзел у акцыі "Прысьпешым Вясну, атрымае ў падарунак эксклюзіўны дыск ад Prastora.by і Зьмітра Вайцюшкевіча. Дыск называецца "Уладзімір Караткевіч. Дзе мой край", і яго пакуль няма ані ў продажы, ані дзесьці яшчэ – і ніхто гэтае выданьне, апроч самога Зьмітра Вайцюшкевіча, пакуль ня бачыў :) Гэта паэтычна-музычная складанка, дыск-прысьвячэньне, дзе, апроч Зьмітра Вайцюшкевіча і WZ-orkiestra (якія складаюць музычную частку на дыску), бяруць удзел таксама Рыгор Барадулін, Генадзь Бураўкін і Ўладзімер Някляеў, якія чытаюць свае творы, прысьвечаныя генію беларускае літаратуры Ўладзімеру Караткевічу.

Цяпер, што да ўмоваў акцыі. Яны вельмі простыя – трэба як мага больш дакладна і поўна адказаць на 5 пытаньняў, зьвязаных з творчым і жыцьцёвым шляхам Зьмітра Вайцюшкевіча:

1) Як называецца дыск караоке, на якім зьмешчаныя песьні Зьмітра Вайцюшкевіча з розных альбомаў?
2) Як завуць старэйшага і малодшага сыноў спадара Вайцюшкевіча?
3) На вершы якіх паэтаў Зьміцер Вайцюшкевіч выдаваў адмысловыя альбомы?
4) На якой рацэ стаіць улюбёны хутар артыста Зьмітра Вайцюшкевіча?
5) Пералічыце жаночыя імёны, якія сустракаюцца ў тэкстах вайцюшкевічавых песень (у назвах песень і ў саміх тэкстах – чым болей імёнаў, тым лепей).

Адказы трэба падаваць у камэнтарах да замовы. Нагадаем, два пераможцы, якія трапна адкажуць на першыя чатыры пытаньні і найбольш поўна на пятае, атрымаюць па два квіткі на вясновы канцэрт Зьмітра Вайцюшкевіча і WZ-orkiestra 8-га сакавіка ў Менску, які адбудзецца ў ДК МАЗ а 19-й гадзіне. Усе астатнія атрымаюць бясплатна кампакт-дыск "Уладзімір Караткевіч. Дзе мой край", удзельнікамі якога зьяўляюцца Зьміцер Вайцюшкевіч, музычна калектыў WZ-orkiestra, Рыгор Барадулін, Генадзь Бураўкін і Ўладзімер Някляеў. Акцыя трывае да 7-га сакавіка, калі пераможцы атрымаюць галоўныя прызы і пачнуць рыхтавацца да першага вясновага канцэрту нястомнага выканаўцы.

То ж ня мерзьнем, прысьпешвайма Вясну!

P.S. Тыя, хто ня вельмі ўпэўнена пачуваюцца ў жыцьцёвай і творчай біяграфіі сьпевака і кампазытара Зьмітра Вайцюшкевіча, а атрымаць дыск "Уладзімір Караткевіч. Дзе мой край" усё-ткі хочацца, проста пішэце ў камэнтары да замовы: "Жыве Вясна!!! Жыве Вясна!!! Жыве Вясна!!!" )))

Калектыў Prastora.by разам з гуртом "Ляпіс Трубяцкі" віншуе ўсіх беларусаў з Калядамі і Новым годам музычнаю паштоўкаю "Грай!". Як кажа Сяргей Міхалок, "ёю мы жадаем падарыць усім беларусам адчуваньне вясны і сьвяточных цудаў, а таксама падтрымаць веру беларусаў у сьветлую будучыню, пазытыў і немінучую перамогу дабра над любымі казачнымі пачварамі! Мы прапаноўваем беларусам, якія жывуць у розных кутках зямное кулі, стаць у карагод, прасьпяваць гэтую песьню хорам і вярнуць у нашыя шэрагі веру ў сяброўства, братэрства і каханьне".

Ад сябе хочацца шчыра падзякаваць усім, каму нашыя паслугі аказаліся патрэбнымі ў гэтым годзе – сустрэнемся ў Наступным! Разам прычакаем Вясну ў нашым цудоўным краі!

Шчасьлівага Новага Году, Сябры!

Сьцягнуць музычную паштоўку "Грай" у высокай якасьці (320 кбіт/c, 10 Мб).
Сьцягнуць музычную паштоўку "Грай" у звычайнай якасьці (120 кбіт/c, 4 Мб).

Шаноўнае спадарства!

Мы, калектыў Prastora.by, надумалі абвясціць снежань 2010 году "месяцам Уладзіміра Караткевіча і Рыгора Барадуліна" на Prastora.by! Прычынаў гэтаму – дастаткова, і ўсякія прыемныя сюрпрызы яшчэ чакаюць вас наперадзе ў гэтым месяцы. Таму ўсіх таямніцаў адразу раскрываць ня будзем, нагадаем толькі асноўнае: нядаўна споўнілася 80 гадоў з дня нараджэння Уладзіміра Караткевіча, а таксама канчаецца год, у якім свой 75-годовы юбілей святкуе Народны паэт Беларусі Рыгор Барадулін.

Сябры, аднадумцы, паплечнікі. Два геніі, якія шмат праз што прайшлі і шмат чаго перажылі разам. Караткевічу, як пры жыцці, так ужо і пасля ягонага адыходу "да Абрама на моцнае піва" напісалі багата прысвячэнняў, але самыя шчырыя, найбольш моцныя і шчымлівыя радкі прысвяціў "князю крывіцкага духу" ягоны найлепшы сябар Рыгор Барадулін.

Вось адно з такіх прысвячэнняў:

ВАЛУН КАРАТКЕВІЧА

Сізіфава табе вядома праца.
Ты, колькі жыў, варочаў валуны, —
Каб пачалі сыны
За розум брацца,
Каб апрытомнелі твае сыны.

Няўдзячнасці глухімі валунамі
Табе плацілі добрыя дзядзькі
За тыя, што даверліва луналі
За хмарамі вякоў,
Твае радкі.

І ён,
Валун знямелага ўтрапення
І плачу нашага,
На грудзі лёг
Тваёй магіле.
Сосны прарыпелі,
Жагнаючы зеленарука лёх.

Як возьме
Бог
Сваіх даўгоў папірус,
Згадае і аб нашай старане:
Там Беларусь,
Дзе Караткевіч вырас.
І адпачне
На гэтым валуне.

Рыгор Барадулін,
з кнігі
"Уладзімір Караткевіч: вядомы і невядомы"

Караткевіч, у сваю чаргу, нямала радкоў прысвяціў дзядзьку Рыгору, або "Грышку", як ён сам яго называў. У тым ліку, цэлую навелу – "Ладдзю Роспачы", да якое мы яшчэ вернемся ніжэй. Тут жа прывядзем іншую "дэдыкцыю" – аўтограф на кнізе "Мая Іліяда" 1969 году, на якой Караткевіч намаляваў Барадуліна ў вобразе "святога" і выявіў, як ён "моліцца" на сябра, напісаўшы такія словы: "Вышэйшаму – ніжэйшы – дэдыкую – цалуючы прах пад ягонымі ступамі". Гэтыя і шмат якія іншыя рарытэтныя здымкі ўпершыню друкуюцца...

Самы час нагадаць, што гэтаю зімою ў Беларусі ня толькі выбары прэзідэнта, але і святы! Калектыў Prastora.by прапаноўвае вам павіншаваць з Калядамі і Новым годам сваіх сяброў, сваякоў, блізкіх, знаёмцаў, таварышаў, калегаў і каляжанак – адмысловымі тэматычнымі "Паштоўкамі, якія падабаюцца"!

Паштоўка. З Калядамі і Новым годам!

Паштоўка. З самымі цёплымі пажаданнямі ў Новы год

Паштоўка. З Новым годам! (упрыгожанні)

Паштоўка. Дзеда Мароза выклікалі?

Паштоўка. Чароўнага Новага года!

Ды іншыя...

Паганства перажыло ўсе сацыяльна-палітычныя рэжымы і захавала галоўнае: асаблівую увагу да прыроды і яе шанаванне. Усякі банальны на першы погляд аб'ект, як камень, дрэва, расліна, вянок ці дарога, аказваецца надзеленым сімвалічным значэннем і адушаўляецца: прыносіць удачу, аблягчае пераход у тагасветнае жыццё, вылечвае ад хваробаў, аберагае ад ліха, дае прыгажосць, сурочыць, прадказвае будучыню. Прырода патрабуе шанавання, таму што толькі так магчымае гарманічнае і бесканфліктнае існаванне чалавека ўнутры прыроды. Чалавек сінхранізуе сваё жыццё з натуральнымі прыроднымі цыкламі, акружаючы рытуаламі лімінальныя зоны гэтага руху. І ў гэтай сувязі менавіта адлучэнне чалавека ад прыроды ў сілу канчатковай індустрыялізацыі і урбанізацыі зводзіць у нівошта як значнасць аўтэнтычных народных традыцый, гэтак і колькасць людзей, якія захоўваюць гэтыя традыцыі.

Адпраўляючыся ў падарожжа па беларускіх вёсках, Андрэй Лянкевіч вырашыў сабраць сведчанні аб гэтай усё яшчэ існай у многіх куточках краіны паганскай культуры. У кнігу ўвайшло апісанне дзесяці абрадаў: Жаніцьба коміна, Каляды, Гуканне вясны, Юр'я, Пахаванне стралы, Куст, Провады русалкі, Купалле, Дажынкі, Перанос свячы, а таксама прадстаўленая цэлая калекцыя свяшчэнных раслінаў, жывёл і аб'ектаў. Праект нясе яскрава выражаны антрапалагічны характар, што адлюстроўваецца ў спецыфіцы партрэтаў: франтальныя партрэты з цэнтральным месцам фігуры ў натуральных абставінах, стыль, добра вядомы нам па класічных працах Дыяны Арбюс і Аўгуста Зандэра. Такія партрэты заяўляюць аб прысутнасці псіхалагічнага, сацыяльнага і нават самога фізічнага існавання чалавека. І ўсё гэта агулам робіць свет паганскай культуры абсалютна рэальным для нас...

Выйшаў новы дыск Змітра Вайцюшкевіча і ягонага Ўсход-Захад аркестра, які называецца "Беларуская песня" і ў асноўным складаецца з кампазіцыяў на вершы Уладзіміра Караткевіча. Гэта – запіс канцэрту, што адбыўся ў гонар 80-гадовага юбілею пісьменніка. Усяго на дыску 18 песень, 13 з якіх – на вершы Караткевіча і яшчэ 5 дадаткаў на вершы іншых аўтараў.

Як распавёў сам Зміцер Вайцюшкевіч, гэты дыск пэўны час ня з'явіцца ў дыскарнях, затое яго можна будзе набыць на канцэртах выканаўцы. Таму кліенты Prastora.by маюць можна сказаць унікальную пакуль што магчымасць набыць гэтую кружэлку.

CD WZ-Orkiestra & Вайцюшкевіч Зьміцер. Беларуская песня

Беларуская аўдыёкніга – рэч досыць сьвежая. Аўдыёкнігі, начытаныя самімі аўтарамі, рэч да ўсяго яшчэ і вельмі аўтэнтычная. Да нядаўняга часу такія мелі ўсяго некалькі пісьменьнікаў – Арлоў, Гілевіч, Някляеў, Хадановіч ды колькі маладзейшых. І вось, здаецца, усё стала на свае месцы. Паўнавартасную аўдыёкнігу (маецца на ўвазе адмыслова выдадзены дыск) займеў карыфэй беларускае літаратуры, духоўны лідэр апошняга беларускага Адраджэньня, якім яго многія заслужана лічаць, – Народны (ува ўсіх сэнсах) пісьменьнік Беларусі Васіль Быкаў.

Мы ўжо наўрад калі трымацьмем у руках асобныя дыскі з найлепшымі творамі Купалы, Коласа, Гаруна, Гарэцкага, Багдановіча ў аўтарскім выкананьні, і таму аўдыёкнігу "голасам Быкава" можна безь перабольшаньняў назваць артэфактам беларускае культуры.

Прычым гэта ўжо другі аўдыёдыск, дзе гучыць голас Народнага пісьменьніка – першы называўся "Быкаў на Свабодзе", і таксама выдаваўся беларускаю службаю аднайменнага радыё. Але тое была публіцыстыка, якой пісьменьнік таксама надаваў значную ўвагу, а дыск "Васіль Быкаў. Доўгая дарога дадому. Чытае аўтар" – гэта менавіта аўдыёкніга, больш за тое, мэмуарная.

Шаноўнае спадарства, прапаноўваем вашай увазе новыя кнігі й дыскі (сярод якіх ёсьць новы беларускамоўны альбом гурту ДзеціДзяцей "Рух"), што зьявіліся на Prastora.by. Зьвяртаем вашую ўвагу на стварэньне адмысловага разьдзелу Літаратура на замежных мовах, дзе будуць зьмяшчацца адпаведныя кнігі.

Кніга Янсан Тувэ. Маленькія тролі і вялікая паводка

Кніга Дудзюк Зінаіда. Кола Сварога

Кніга Марціновіч Алесь. Залатавуст з Турава, альбо Якая яна, старажытная Тураўшчына?

Кніга Белы Алесь. Наша страва. Сапраўдная беларуская кухня

Кніга Радзівіл Багуслаў. Аўтабіяграфія

Кніга Верамейчык Сяргей. Міхал Клеафас Агінскі, 1765 – 1833: продкі, жыццё ў Залессі, нашчадкі (спроба храналогіі)

Кніга Чыгрын Сяргей. Беларуская Беласточчына

Кніга Чыгрын Сяргей. З беластоцкай зямлі

Кніга Толкін Джон Рональд Руэл. Уладар Пярсьцёнкаў (кніга 1). Зьвяз Пярсьцёнка

Кніга Толкін Джон Рональд Руэл. Уладар Пярсьцёнкаў (кніга 2). Дзьве вежы

Кніга Толкін Джон Рональд Руэл. Уладар Пярсьцёнкаў (кніга 3). Вяртаньне караля

Кніга Летапісы і хронікі Беларусі. Сярэднявечча і раньнемадэрны час

Кніга Bely Alexander. The Belarusian Cookbook

Кніга Fairy-tale Shakespeariada. Hamlet

Кніга Fairy-tale Shakespeariada. King Lear

Кніга Fairy-tale Shakespeariada. Romeo and Juliet

Кніга Fairy-tale Shakespeariada. The Winter's Tale

CD ДзеціДзяцей. Рух

CD Жбанаў Аляксей. Песні для мамы

Шаноўнае спадарства, павіншаваць сяброў, сваякоў, блізкіх, родных і каханых густоўна зробленаю паштоваю карткаю стала нашмат прасьцей!

Істотна папоўніўся разьдзел "Паштоўкі" ў катэгорыі "Іншае" на Prastora.by.

Прапаноўваем вашай увазе паштоўкі ад дызайнэраў і мастакоў Рамана Шыка, Міколы Купавы, Аляксея Кульбіцкага і Ўладзімера Цэсьлера...

Нарэшце ў продажы зьявіўся новы, але "клясычны" альбом Лявона Вольскага й кампаніі – "Белая яблыня грому" – на вершы паэтаў-клясыкаў ад XVIII да XXI стагодзьдзя. Вось што піша ў "Прадмове" да дыску сам Лявон Вольскі:

"Усе мы ў школе вучылі беларускую літаратуру, і што? Хто што памятае? "Цьвёрда трымаўся юнак на дапросе"? "Адзін вялізарны парсюк"? "Цьвяток радзімы васілька?" Гэта яшчэ добрыя веды. Большасьць наогул нічога ня будзе памятаць. Таму што існуюць фіктыўныя прадметы. Гэта, як мінімум, сьпевы і белліт. Калі я вучыўся ў школе, дык нашая "беларусіца" пайшла ў дэкрэт. І яе замяняла маладая дзяўчына. Здаецца, цягам году. Дык вось, на занятках яна ўголас чытала дэтэктывы. Тады дзеці збольшага спакойна ды ўважліва слухалі. Потым усе атрымалі чацьверкі і пяцёркі і пайшлі на вакацыі.

За ўвесь час навучаньня я прачытаў "Міколку-паравоза", "Палескіх рабінзонаў" і некалькі кніжак Васіля Быкава. Гэта са школьнай праграмы. Астатняе "чыталася" па крытыцы. Бо адчуваліся заніжаныя патрабаваньні да прадмету. Фікцыя!..

Шаноўнае спадарства!
Прапануем вашай увазе самае сьвежае зь беларускай музыкі.
Апошнія рэлізы на CD і DVD:

CD. Рок-гурт МРОЯ. Дваццаць восьмая зорка

CD. Maŭzer. Porna / Маўзэр. Порна

DVD. J:МОРС. Концерт в театре (DVD)

CD. J:МОРС. Концерт в театре (CD)

CD. Sciana. Кропка вяртаньня

CD. Port Mone. Dip

CD. Naka. Пора

8 сакавіка – Міжнародны дзень жанчын. А таксама ў гэты дзень нарадзіўся пісьменьнік Алесь Клышка – карэнны мянчук у трэцім пакаленьні, руплівы дасьледнік гісторыі роднага горада. Акурат гэтымі днямі ў спадара Клышкі выйшла новая кніга – паэма-прысьвячэньне "Мінская зямля". Напярэдадні свайго Дня нараджэньня Алесь Клышка распавёў нам гісторыю напісаньня гэтае кнігі...

Сёньня, 24 лютага, народнаму паэту Беларусі Рыгору Барадуліну спаўняецца 75 год. У гэты высокі юбілей хочацца пажадаць дзядзьку Рыгору найперш здароўя, маральнай і фізычнай моцы – каб як найхутчэй адолець хваробу і выйсьці з бальнічнае палаты.

Да Дня нараджэньня шанавальнікі ягонае творчасьці падрыхтавалі паэту адмысловы падарунак – выпусьцілі камплект сувэнірных паштовак, прымеркаваны акурат да гэтае даты. Фотаздымкі Глеба Лабадзенкі і Сяргея Шапрана апрацаваў дызайнэр Аляксей Кульбіцкі, і, аздобленыя вершамі самога Рыгора Барадуліна, яны выйшлі ў якасьці адмысловых сувэніраў.

Народзіны дзядзька Рыгор сустракае ў лякарні Кіраўніцтва справамі прэзыдэнта. Лекары далі рады зьняць мігальную арытмію і тэмпэратуру, і апошнімі днямі паэта ўжо колькі разоў наведвала яго жонка Валянціна Барадуліна. Інтэрвію зь ёю можна прачытаць тут.

Разам са шматлікімі аматарамі Ягонага паэтычнага слова віншуем Рыгора Барадуліна і дзячым яму за ўсё тое, што ён зрабіў і яшчэ зробіць для Беларусі! Дай Бог яшчэ доўгіх і плённых год жыцьця!

З павагаю,
каманда Prastora.by

10 лютага ў сталічнай "Кнігарні-Ў-галерэі" адбылася прэзэнтацыя кнігі беларускіх перакладаў твораў рускага пісьменьніка Івана Буніна.

Па-беларуску клясыку ўсясьветнай літаратуры перастварыў Андрэй Каляда – вядомы тэатральны пэдагог, аўтар шматлікіх артыкулаў па праблемах майстэрства вуснай мовы, найвядомы зь якіх – "Выразнае чытаньне", – атрымаў шэраг перавыданьняў.

"Чаму Бунін? Таму што гэты пісьменьнік, будучы выбітным стылістам, даў рады стварыць цудоўныя літаратурныя творы і быў высока за іх ацэнены міжнароднай літаратурнай супольнасьцю. Яго па праву лічаць найбольш "рускім" пісьменьнікам – як па стылі, так і па сутнасьці", – адзначыў Андрэй Каляда.

Шаноўныя наведнікі інтэрнэт-крамы Prastora.by!

Калядная і навагодняя пара – час падарункаў. Мы таксама вырашылі не заставацца ўбаку і правесьці калядна-навагоднюю акцыю.

Шаноўнае спадарства, на нашым сайце зьявіліся 2 новыя аўдыёкнігі ад выдавецтва "Beltonmedia", 1 новая кніга ад выдавецтва "Галіяфы" і 17 новых кніг ад выдавецтва Мастацкая літаратура.

Шаноўнае спадарства!

Сёньня, 14 лістапада – Дзень нараджэньня выбітнай швэдзкай пісьменьніцы Астрыд Ліндгрэн, знакамітай казачніцы, чые творы ведаюць і любяць у многіх краінах сьвету.

Шаноўнае спадарства, прапануем новыя кнігі, якія зьявіліся у нашай краме ад выдавецтва Беларуская навука:

Шаноўнае спадарства, на нашым сайце зьявіліся 3 фотаальбомы ад выдавецтва "Тэхналогія".