Абвестка

 

 

 

У выпадку ўзнікнення дадатковых пытанняў будзем радыя адказаць на іх па тэлефонах: +375-29-632-91-29 (Вераніка), +375-29-856-42-01 (Міхась).
Або па электроннай пошце: prastora@prastora.by
Ці ў сацыяльных сетках: Facebook або ўКантакце.

 

 

 

Абвестка

Да 80-годдзя Уладзіміра Караткевіча

 

Хадок
Уладзіміру Караткевічу

 

Біклага, кульба, тобра на плячах,
па нашым часе – выгляд маскарадны.
Нікому і ні ў чым непадуладны
Ідзе хадок, таму што выбраў шлях.

Ён выбраў шлях, і ўжо ня зьверне ўбок
Ад ісьціны, вядомае спрадвеку.
Амаль усё, што трэба чалавеку –
Скарынка хлеба ды вады глыток.

Амаль усё. Амаль, амаль, амаль,
Але ня ўсё, калі камяк у горле,
Ня ўсё, ня ўсё, калі душу агорне
Па незабыўным непазбыўны жаль.

Па кім? Па чым? Ці не па ўсіх і ўсім?
Па каласах тых, што на ўзьмежку поля,
Па тым, што – праўда, і па тым, што – воля,
Па самым любым, самым дарагім,

Па ўсіх, па ўсім, да сьлёз, да сьлёз, да сьлёз,
Па самым крэўным у чужынным сьвеце,
Што княжым ветрам прашуміць у вецьці
На сьпеўных вежах полацкіх бяроз

І паляўнічым рогам прагудзе
Ля Турава і адгукнецца ў Крэве...
Хай шлях кружны, нібыта колцы ў дрэве,
Бясконцы шлях – але хадок ідзе...

Ідзе хадок. Над ім дажджыць, сьняжыць,
Яму ня выйсьці з гэтай кругаверці...
Ён ведае так мала, каб памерці,
І гэтак многа ведае, каб жыць.

У. Някляеў

 



 

Да 80-годдзя Уладзіміра Караткевіча




Караткевіч Уладзімір. Ладдзя Роспачы
Кніга. Караткевіч Уладзімір. Ладдзя Роспачы

Выданне, прысвечанае 80-годдзю з дня нараджэння пісьменніка. Гэтая кніга – першае непадцэнзурнае выданне Уладзіміра Караткевіча. Кніга адметная тым, што яна інтэрактыўная: кожны з вас, разгортваючы яе, робіцца даследчыкам творчасці Караткевіча. Тэкст не "адматаны" да першапачатковага варыянта – усе праўленыя і выразаныя моманты проста графічна паказаныя ў тэксце. Каб кожны з вас мог вырашыць, што выпраўлена справядліва, а што – не. Кніга адрасавана шырокаму колу чытачоў.

Кніга фармату А4, мае 150 старонак:
* Прадмова Рыгора Барадуліна
* Факсіміле рукапісу
* Чарнавыя накіды
* Пераклад на рускую мову Васіля Сёмухі (факсіміле машынапісу з рукапіснымі праўкамі Караткевіча)
* Аналіз усіх правак + каментары
* 55 ілюстрацый, 27 з якіх (у тым ліку невядомыя здымкі Караткевіча) друкуюцца ўпершыню
* Паслямова Васіля Сёмухі.

Прэзентацыя "Ладдзі Роспачы" адбудзецца 4 снежня (субота) ў Менску а 13-й гадзіне, у "Кніжным салоне" па адрасе Калініна,5 (ст.м. Парк Чалюскінцаў). У імпрэзе абяцалі ўзяць удзел Рыгор Барадулін, Васіль Сёмуха, Генадзь Бураўкін, Уладзімір Арлоў, Сяргей Панізнік.



 


Караткевіч Уладзімір. Хрыстос прызямліўся ў Гародні
Кніга. Караткевіч Уладзімір. Хрыстос прызямліўся ў Гародні

Раман "Хрыстос прызямліўся ў Гародні" – своеасаблівая мастацкая энцыклапедыя народнага жыцця Беларусі XVI стагоддзя. Трагічная і адначасова надзіва жыццесцвярджальная кніга. У беларускай літаратуры яна займае адметнае месца. Калі ж знаходзіць ёй аналогіі ў сусветнай літаратуры, то па ідэйна мастацкіх асаблівасцях раман можна суаднесці з "Гарганцюа і Пантагруэлем" Ф. Рабле, "Легендай пра Уленшпігеля" Ш. дэ Кастэра, "Кала Бруньёнам" Р. Ралана, "Майстрам і Маргарытай" М. Булгакава. Уладзімір Караткевіч пераканаўча паказаў, што і на беларускай нацыянальнай глебе ёсць постаць тыпу Ціля Уленшпігеля. Юрась Братчык з'яўляецца яго духоўным братам, ён увасабляе дух Беларусі, нязломны і непераможны народны характар.

 


Караткевіч Уладзімір. Каласы пад сярпом тваім
Кніга. Караткевіч Уладзімір. Каласы пад сярпом тваім

Адзін з найлепшых гістарычных раманаў у беларускай літаратуры. Уладзімір Караткевіч па-майстэрску ўзнаўляе панараму жыцця краю напярэдадні паўстання 1863 года. Чытач трапляе ў магнацкі палац і сялянскую хату, у гімназічны клас і на велікасвецкі баль і разам з галоўным героем рамана Алесем Загорскім адкрывае для сябе прыгажосць, веліч і трагедыю сваёй радзімы – Беларусі.

 

 


Караткевіч Уладзімір. Дзікае паляванне караля Стаха
Кніга. Караткевіч Уладзімір. Дзікае паляванне караля Стаха

У гісторыка-дэтэктыўнай аповесці расказваецца аб трагедыі, якая разыгралася ў адным з глухіх куткоў старой Беларусі, аб загаварах цемрашалаў, прагных да золата і ўлады, аб смелых людзях, якія сталі на іх шляху, аб вераломстве і высакароднасці, аб страшным лёсе асуджанага на гібель шляхетнага роду Яноўскіх. Роду, які быў выратаваны дзякуючы гонару, мужнасці і каханню.

 

 


Короткевич Владимир. Дикая охота короля Стаха
Кніга. Короткевич Владимир. Дикая охота короля Стаха

Историко-детективная повесть рассказывает о разыгравшейся трагедии в одном из глухих уголков старой Беларуси, о заговоре мракобесов, жаждавших золота и власти, о смелых людях, вставших на их пути, о вероломстве и благородстве, о страшном роке осужденного на гибель благородного рода Яновских. Рода, который был спасен благодаря чести, мужеству и любви.

 

 


Караткевіч Уладзімір. На Беларусі Бог жыве
Кніга. Караткевіч Уладзімір. На Беларусі Бог жыве

У кнігу лаўрэата Дзяржаўнай прэміі Беларусі імя Якуба Коласа Уладзіміра Караткевіча (1930-1984) увайшлі паэтычныя творы, якія даўно сталі класікай беларускай літаратуры. Яны вызначаюцца рамантычнай узнёсласцю і грамадзянскай страснасцю, нечаканай вобразнасцю і глыбінёй зместу.

 

 

 


Караткевіч Уладзімір. Чазенія
Кніга. Караткевіч Уладзімір. Чазенія

У кнігу ўвайшлі аповесць "Чазенія" і такія апавяданні, як "Паром на бурнай рацэ", "Сіняя-сіняя...", "Кніганошы" і інш. Творы прасякнутыя любоўю да прыроды і гісторыі роднай Беларусі, у іх апяваецца хараство і духоўная прыгажосць чалавека.

 

 

 


Караткевіч Уладзімір. Лебядзіны скіт
Паштоўка. Караткевіч Уладзімір. Лебядзіны скіт

Непаўторная мова, дасканалы стыль, а таксама любоў і прага да жыцця, што нясуць з сабою героі казак Уладзіміра Караткевіча, – усё гэта з першых радкоў захапляе і малых, і дарослых. Тэксты шыкоўна праілюстраваныя Міколам Купавам. Малыя з цікавасцю прачытаюць творы "Жабкі і Чарапаха", "Верабей, сава і птушыны суд", "Вясна ўвосень", "Надзвычайная котка". Падлеткам адрасаваны шчымлівыя і патрыятычныя "Лебядзіны скіт", "Скрыпка дрыгвы й верасовых пустэчаў", "Кацёл з каменьчыкамі", лірычная "Вужыная каралева". А чытач дарослы і спрактыкаваны, можа, адкрые для сябе новага Уладзіміра Караткевіча – геніяльнага пісьменніка-казачніка.

 


WZ-Orkiestra & Вайцюшкевіч Зьміцер. Беларуская песня
CD. WZ-Orkiestra & Вайцюшкевіч Зьміцер. Беларуская песня

Да 80-годдзя з дня нараджэння Уладзіміра Караткевіча.
LIVE. 18 трэкаў / Агульны час гучаньня 01:18:51.
© & (p) Уладзімір Караткевіч, Зміцер Вайцюшкевіч, 2010.

 


Караткевіч Уладзімір. Каласы пад сярпом тваім
Аўдыёкніга. Караткевіч Уладзімір. Каласы пад сярпом тваім

Беларуская гісторыя ў пераказе Караткевіча – гэта гісторыя магутнай еўрапейскай дзяржавы, населенай самымі прыгожымі ў свеце жанчынамі і самымі смелымі, высакароднымі, адданымі роднаму краю воямі. Рыцарамі. Менавіта такая, сцвярджае Караткевіч, ёсць нашая краіна, менавіта гэткія ў ёй людзі. І наўрад ці знойдзецца чалавек, які, прачытаўшы Караткевіча, у гэта б не паверыў. Такая сіла ягонага таленту, такая ў ім неўміручая любоў да Беларусі.


Караткевіч Уладзімер. Быў. Ёсьць. Буду
Аўдыёкніга. Караткевіч Уладзімер. Быў. Ёсьць. Буду

Зборнік вершаў "Быў. Ёсьць. Буду" — апошняя, разьвітальная кніга Ўладзімера Караткевіча. Кніга-споведзь, кніга-прызнаньне ў любові да роднага краю, кніга-запавет веры і надзеі, дадзены нам, спадкаемцам. У аўдыёкнігу ўвайшлі таксама выбраныя вершы Ўладзімера Караткевіча розных гадоў.

 



 

Таксама прапаноўваем вашай увазе новыя кнігі выдавецтва "Галіяфы":




Акудовіч Валянцін. Архіпелаг Беларусь
Кніга. Акудовіч Валянцін. Архіпелаг Беларусь

Кніга дыялогаў складзеная з фрагментаў гутарак, дыскусій ды палемік, у якіх аўтар браў удзел пачынаючы з 1994 г. Усе пытанні і адказы задзіночаныя паводле пэўных тэмаў: гісторыя, культура і рэлігія, літаратура, філасофія, прыватнае жыццё. Кожнай тэме папярэднічае міні эсэ аўтара. Кніга разлічаная на тых, хто ўласнаруч будуе Беларусь.

 

 


Дыкенс Чарльз. Олівер Твіст
Кніга. Дыкенс Чарльз. Олівер Твіст

Класіка не старэе. Твор Дыкенса адпавядае нашаму часу яшчэ і тым, што на дзіва арганічна спалучае дзве такія цяжка сумяшчальныя пад вокладкай дзіцячай чытанкі тэмы, як любоў і каханне. Перакладзены на сотні моваў, раман Дыкенса цяпер прадстаўлены чытачу і па-беларуску.

 

 


Глобус Адам. Новае неба
Кніга. Глобус Адам. Новае неба

У зборнік "Новае неба" сабраныя лепшыя вершы беларускага паэта Адама Глобуса.

 

 

 


Башура Міхась. Думкі – гэта не гульня
Кніга. Башура Міхась. Думкі – гэта не гульня

Паэзія Міхася Башуры вельмі эмацыянальная і свавольная, бо яна гаворыць пра вечныя чалавечыя каштоўнасці. Вершы, прадстаўленыя ў выданні, разгортваюць перад чытачом каляровую гаму новага свету, дзе няма месца здрадзе, нянавісці і падману. Гэта – светлая кніга, якая рэкамендуецца ўсім прыхільнікам паэтычнага слова.

 

 


Вярцінскі Анатоль. Асобныя радкі розных гадоў
Кніга. Вярцінскі Анатоль. Асобныя радкі розных гадоў

Гэтае ўнікальнае паэтычнае выданне рэкамендуецца для шырокага кола чытачоў..

 


Яна Тры Ён (Яна-тры-ён)
Кніга. Яна Тры Ён (Яна-тры-ён)

Выданне прысвечанае літаратурнай суполцы "Яна-Тры-Ён", якая, акрамя яскравых літаратурных выступаў, пакідае пасля сябе і шэраг запамінальных акцыяў і перформансаў.

 

А таксама іншыя тавары, якія вы зможаце знайсці на Prastora.by!