Абвестка

 

 

 

У выпадку ўзнікнення дадатковых пытанняў будзем радыя адказаць на іх штодня з 10.00 да 18.00 па тэлефонах: +375-29-856-42-01 Міхась; Viber / Telegram / WhatsApp: +375-29-632-91-29 Вераніка.
Або па электроннай пошце: prastora@prastora.by
І ў сацыяльных сетках: Facebook, уКантакце або Інстаграм.

 

 

 

Новая аўдыёкніга "Чорны замак Альшанскі" і дыск "Галасы" ў продажы!

Месяц Уладзіміра Караткевіча і Рыгора Барадуліна на Prastora.by працягваецца, і мы радыя прапанаваць вам новую аўдыёкнігу "Чорны замак Альшанскі" і раней выдадзены дыск "Галасы", на якіх вы зможаце пачуць творы і нават галасы нашых найлепшых творцаў!

 

Аўдыёкніга Караткевіч Уладзімір. Чорны замак Альшанскі

Аўдыёкніга ў фармаце mp3. Агульны час гучання: 21 гадзіна 36 хвілінаў. Чытае Андрэй Каляда. © & (p) BelTonMedia, 2010.

У гістарычным рамане-дэтэктыве "Чорны замак Альшанскі" Уладзімір Караткевіч уваскрашае падзеі, якія адбываюцца ў далёкім мінулым. Падзеі, што гістарычна і сюжэтна знітаваныя з сучаснасцю.

За гэты твор у 1984 годзе аўтара пасмяротна ўганаравалі Дзяржаўнаю прэміяю імя Якуба Коласа. У той самы час на нацыянальнай кінастудыі "Беларусьфільм" Міхаіл Пташук зняў паводле раману двухсерыйны мастацкі фільм "Чорны замак Альшанскі".

 


Васіль Быкаў:

На перадапошнім годзе свайго жыцця ён скончыў "Чорны замак Альшанскі", які, дарэчы, зараз жа пасля выхаду ў свет быў экранізаваны на беларускай кінастудыі і абышоў шматлікія экраны свету. Гэты твор, бадай, самае сталае ўвасабленне Караткевічавага прыгодніцкага таленту, і створаны на выпрабаваным грунце прыгодніцкага жанру. У ім аўтар удала спалучыў падзеі і вобразы розных часоў, паказаў іх узаемасувязь і ўплыў даўніх справаў і ўчынкаў на фарміраванне нашага сёння. Раман чытаецца з захапленнем, яго востра-сюжэтная форма ў спалучэнні з выдатным моўным майстэрствам забяспечылі яму поспех сярод шырокага кола чытачоў.

Месяц Караткевіча і Барадуліна на Prastora.by!

Шаноўнае спадарства!

Мы, калектыў Prastora.by, надумалі абвясціць снежань 2010 году "месяцам Уладзіміра Караткевіча і Рыгора Барадуліна" на Prastora.by! Прычынаў гэтаму – дастаткова, і ўсякія прыемныя сюрпрызы яшчэ чакаюць вас наперадзе ў гэтым месяцы. Таму ўсіх таямніцаў адразу раскрываць ня будзем, нагадаем толькі асноўнае: нядаўна споўнілася 80 гадоў з дня нараджэння Уладзіміра Караткевіча, а таксама канчаецца год, у якім свой 75-годовы юбілей святкуе Народны паэт Беларусі Рыгор Барадулін.

Сябры, аднадумцы, паплечнікі. Два геніі, якія шмат праз што прайшлі і шмат чаго перажылі разам. Караткевічу, як пры жыцці, так ужо і пасля ягонага адыходу "да Абрама на моцнае піва" напісалі багата прысвячэнняў, але самыя шчырыя, найбольш моцныя і шчымлівыя радкі прысвяціў "князю крывіцкага духу" ягоны найлепшы сябар Рыгор Барадулін.

Вось адно з такіх прысвячэнняў:

ВАЛУН КАРАТКЕВІЧА
Сізіфава табе вядома праца.
Ты, колькі жыў, варочаў валуны, —
Каб пачалі сыны
За розум брацца,
Каб апрытомнелі твае сыны.
Няўдзячнасці глухімі валунамі
Табе плацілі добрыя дзядзькі
За тыя, што даверліва луналі
За хмарамі вякоў,
Твае радкі.
І ён,
Валун знямелага ўтрапення
І плачу нашага,
На грудзі лёг
Тваёй магіле.
Сосны прарыпелі,
Жагнаючы зеленарука лёх.
Як возьме
Бог
Сваіх даўгоў папірус,
Згадае і аб нашай старане:
Там Беларусь,
Дзе Караткевіч вырас.
І адпачне
На гэтым валуне.
Рыгор Барадулін,
з кнігі
"Уладзімір Караткевіч: вядомы і невядомы"

 

Караткевіч, у сваю чаргу, нямала радкоў прысвяціў дзядзьку Рыгору, або "Грышку", як ён сам яго называў. У тым ліку, цэлую навелу – "Ладдзю Роспачы", да якое мы яшчэ вернемся ніжэй. Тут жа прывядзем іншую "дэдыкцыю" – аўтограф на кнізе "Мая Іліяда" 1969 году, на якой Караткевіч намаляваў Барадуліна ў вобразе "святога" і выявіў, як ён "моліцца" на сябра, напісаўшы такія словы: "Вышэйшаму – ніжэйшы – дэдыкую – цалуючы прах пад ягонымі ступамі". Гэтыя і шмат якія іншыя рарытэтныя здымкі ўпершыню друкуюцца...

Да 80-годдзя Уладзіміра Караткевіча

 

Выданне, прысвечанае 80-годдзю з дня нараджэння пісьменніка. Гэтая кніга – першае непадцэнзурнае выданне Уладзіміра Караткевіча. Кніга адметная тым, што яна інтэрактыўная: кожны з вас, разгортваючы яе, робіцца даследчыкам творчасці Караткевіча. Тэкст не "адматаны" да першапачатковага варыянта – усе праўленыя і выразаныя моманты проста графічна паказаныя ў тэксце. Каб кожны з вас мог вырашыць, што выпраўлена справядліва, а што – не. Кніга адрасавана шырокаму колу чытачоў.

Кніга фармату А4, мае 150 старонак:
* Прадмова Рыгора Барадуліна
* Факсіміле рукапісу
* Чарнавыя накіды
* Пераклад на рускую мову Васіля Сёмухі (факсіміле машынапісу з рукапіснымі праўкамі Караткевіча)
* Аналіз усіх правак + каментары
* 55 ілюстрацый, 27 з якіх (у тым ліку невядомыя здымкі Караткевіча) друкуюцца ўпершыню
* Паслямова Васіля Сёмухі.

Маем добрую нагоду – віншуйма з Калядамі і Новым годам!

 

Самы час нагадаць, што гэтаю зімою ў Беларусі ня толькі выбары прэзідэнта, але і святы! Калектыў Prastora.by прапаноўвае вам павіншаваць з Калядамі і Новым годам сваіх сяброў, сваякоў, блізкіх, знаёмцаў, таварышаў, калегаў і каляжанак – адмысловымі тэматычнымі "Паштоўкамі, якія падабаюцца"!

Паштоўка. З Калядамі і Новым годам!

Паштоўка. З самымі цёплымі пажаданнямі ў Новы год

Паштоўка. З Новым годам! (упрыгожанні)

Паштоўка. Дзеда Мароза выклікалі?

Паштоўка. Чароўнага Новага года!

Ды іншыя...

Новы аўдыёдыск з беларускімі казкамі, DVD з мультфільмамі і гістарычныя кнігі

 

Ігар Кузьмініч, аўтар аўдыёкнігі "Казкі жыцця Мікіткі і Данілкá": Я стараўся з самых першых месяцаў жыцця маіх сыноў тлумачыць ім, што вакол іх. Адкуль жа яны могуць даведацца пра свет, як не ад бацькоў?! Я заўсёды быў упэўнены, што яны разумеюць, пра што я расказваю, таму ўкладаў у гэтыя расповеды ўсе свае веды.

Аднаго разу я пачуў, як мая жонка Ірына распавядае малому казачку пра вожыка Шук-Шука. І тут я зразумеў, што казка – гэта найлепшая форма данясення інфармацыі да дзіцяці пра жыццё і пра свет, пра каштоўнасці.

Ад таго часу, укладаючы малых спаць, я пачаў распавядаць ім казкі. Але замест просценькіх апавяданняў ні пра што стараўся прыдумляць гісторыі, у якіх свабода, любоў да свайго народа, да сваёй краіны, сацыяльная актыўнасць былі б асновай станоўчых паводзінаў галоўных герояў...

Паганства – яшчэ не гісторыя!

Паганства перажыло ўсе сацыяльна-палітычныя рэжымы і захавала галоўнае: асаблівую увагу да прыроды і яе шанаванне. Усякі банальны на першы погляд аб'ект, як камень, дрэва, расліна, вянок ці дарога, аказваецца надзеленым сімвалічным значэннем і адушаўляецца: прыносіць удачу, аблягчае пераход у тагасветнае жыццё, вылечвае ад хваробаў, аберагае ад ліха, дае прыгажосць, сурочыць, прадказвае будучыню. Прырода патрабуе шанавання, таму што толькі так магчымае гарманічнае і бесканфліктнае існаванне чалавека ўнутры прыроды. Чалавек сінхранізуе сваё жыццё з натуральнымі прыроднымі цыкламі, акружаючы рытуаламі лімінальныя зоны гэтага руху. І ў гэтай сувязі менавіта адлучэнне чалавека ад прыроды ў сілу канчатковай індустрыялізацыі і урбанізацыі зводзіць у нівошта як значнасць аўтэнтычных народных традыцый, гэтак і колькасць людзей, якія захоўваюць гэтыя традыцыі.

Адпраўляючыся ў падарожжа па беларускіх вёсках, Андрэй Лянкевіч вырашыў сабраць сведчанні аб гэтай усё яшчэ існай у многіх куточках краіны паганскай культуры. У кнігу ўвайшло апісанне дзесяці абрадаў: Жаніцьба коміна, Каляды, Гуканне вясны, Юр'я, Пахаванне стралы, Куст, Провады русалкі, Купалле, Дажынкі, Перанос свячы, а таксама прадстаўленая цэлая калекцыя свяшчэнных раслінаў, жывёл і аб'ектаў. Праект нясе яскрава выражаны антрапалагічны характар, што адлюстроўваецца ў спецыфіцы партрэтаў: франтальныя партрэты з цэнтральным месцам фігуры ў натуральных абставінах, стыль, добра вядомы нам па класічных працах Дыяны Арбюс і Аўгуста Зандэра. Такія партрэты заяўляюць аб прысутнасці псіхалагічнага, сацыяльнага і нават самога фізічнага існавання чалавека. І ўсё гэта агулам робіць свет паганскай культуры абсалютна рэальным для нас...

Алесь Камоцкі запрашае

 

8 лістапада, у панядзелак, а 19-й гадзіне ў Рэспубліканскім тэатры беларускае драматургіі ў Менску адбудзецца канцэрт Алеся Камоцкага. Музыка запрашае ўсіх ахвочых шукаць яго там. А тым, хто зь нейкіх прычынаў ня зможа трапіць на канцэрт, Prastora.by прапаноўвае вялікі выбар з дыскаў і кнігаў барда, дзе кожны зможа знайсьці штосьці сваё... Тым, хто яшчэ ня бачыў анімацыйнага кліпу Наталлі Чатковай на песьню "Шукай мяне" з апошняга альбому "9" - абавязкова глядзець яго тут!

CD Барадулін Рыгор, Камоцкі Алесь. Псальмы

CD Жылка Уладзімер, Камоцкі Алесь. Як усё ў жыцьці...

CD Камоцкі Алесь. 48

Новы альбом Змітра Вайцюшкевіча "Беларуская песня" – на вершы Уладзіміра Караткевіча

 

Выйшаў новы дыск Змітра Вайцюшкевіча і ягонага Ўсход-Захад аркестра, які называецца "Беларуская песня" і ў асноўным складаецца з кампазіцыяў на вершы Уладзіміра Караткевіча. Гэта – запіс канцэрту, што адбыўся ў гонар 80-гадовага юбілею пісьменніка. Усяго на дыску 18 песень, 13 з якіх – на вершы Караткевіча і яшчэ 5 дадаткаў на вершы іншых аўтараў.

Як распавёў сам Зміцер Вайцюшкевіч, гэты дыск пэўны час ня з'явіцца ў дыскарнях, затое яго можна будзе набыць на канцэртах выканаўцы. Таму кліенты Prastora.by маюць можна сказаць унікальную пакуль што магчымасць набыць гэтую кружэлку.

CD WZ-Orkiestra & Вайцюшкевіч Зьміцер. Беларуская песня

Віншаваць адно аднога – трэба з радасьцю і... многа! :)

 

Шаноўнае спадарства, калекцыя беларускамоўных "Паштовак, якія падабаюцца" папоўнілася больш як у два разы! Прапаноўваем вашай увазе 16 новых паштовых картак аўтарства менскага дызайнэра Рамана Шыка:

Паштоўка. Жадаю, каб табе шанцавала ва ўсім і заўсёды!

Паштоўка. Няхай усе твае вялікія жаданні заўсёды здзяйсняюцца!

Паштоўка. Я магу прадбачыць тваю будучыню...

Паштоўка. Букет добрых пажаданняў

Паштоўка. Я табе, мой любы дружа, падаруначак прынёс!

Ды шмат іншых!..

Васіль Быкаў. Доўгая дарога дадому. Чытае аўтар

Беларуская аўдыёкніга – рэч досыць сьвежая. Аўдыёкнігі, начытаныя самімі аўтарамі, рэч да ўсяго яшчэ і вельмі аўтэнтычная. Да нядаўняга часу такія мелі ўсяго некалькі пісьменьнікаў – Арлоў, Гілевіч, Някляеў, Хадановіч ды колькі маладзейшых. І вось, здаецца, усё стала на свае месцы. Паўнавартасную аўдыёкнігу (маецца на ўвазе адмыслова выдадзены дыск) займеў карыфэй беларускае літаратуры, духоўны лідэр апошняга беларускага Адраджэньня, якім яго многія заслужана лічаць, – Народны (ува ўсіх сэнсах) пісьменьнік Беларусі Васіль Быкаў.

Мы ўжо наўрад калі трымацьмем у руках асобныя дыскі з найлепшымі творамі Купалы, Коласа, Гаруна, Гарэцкага, Багдановіча ў аўтарскім выкананьні, і таму аўдыёкнігу "голасам Быкава" можна безь перабольшаньняў назваць артэфактам беларускае культуры.

Прычым гэта ўжо другі аўдыёдыск, дзе гучыць голас Народнага пісьменьніка – першы называўся "Быкаў на Свабодзе", і таксама выдаваўся беларускаю службаю аднайменнага радыё. Але тое была публіцыстыка, якой пісьменьнік таксама надаваў значную ўвагу, а дыск "Васіль Быкаў. Доўгая дарога дадому. Чытае аўтар" – гэта менавіта аўдыёкніга, больш за тое, мэмуарная.