"Цацачная крама" – першая сольная праца Зьмітра Вайцюшкевіча. Яна стала для ўсіх пэўнай нечаканасьцю, але гэта не перашкодзіла альбому атрымаць лепшыя водгукі, а самому аўтару быць адзначаным рок-каронамі ў намінацыях "Музыка году" і "Традыцыі і сучаснасьць".
Паўтары гадзіны гучаньня на двух дысках + тэксты, ноты і караоке на некаторыя песьні!
У 2010 годзе выйшаў дыск "Дзіцячы альбом. Частка першая", на якім былі прадстаўленыя 27 беларускіх народных песень для дзяцей у арыгінальных апрацоўках. І вось доўгачаканая добрая навіна: завершаная праца над другою часткаю "Дзіцячага альбому"! Прадстаўляем вашай увазе выніковае выданьне, складзенае з абедзьвюх частак і зробленае ў фармаце падвойнага CD.
На дыску прадстаўленыя 27 беларускіх народных песень, пераважную большасць якіх аўтары знайшлі ў фальклорных зборніках серыі “БНТ”. Многія з гэтых песень сучасныя слухачы пачуюць у аўдыёварыянце ўпершыню.
Лепшы фольк альбом году паводле вэрсіі парталу experty.by!
РАЁК ці РАЙ – вобраз, які сустракаецца пераважна ў жніўных песнях. Паводле перакананняў нашых дзядоў, РАЁК размаўляе са жнейкамі, пытаецца дарогі, а час ад часу завітвае да каго на падворак. Візіты такога персанажа – на вялікае шчасце. РАЁК клапоціцца пра збожжа, ахоўвае здароўе і дабрабыт.
Наўрад ці хтось з нас бачыў анёлкаў, а таму мы ўяўляем іх па-свойму – так, як падказвае нам фантазія: яны могуць быць вялікімі і малымі, сур'ёзнымі і прастадушнымі, задуменнымі і вясёлымі, словам – рознымі.
На дыску адзінаццаць калыханак, напісаных Зьміцерам у супрацы зь лепшымі паэтамі сучаснай Беларусі – Рыгорам Барадуліным, Уладзімерам Някляевым, Міхалам Анемпадыставым, Алесем Камоцкім, Леанідам Дранько-Майсюк, У. Шведам. Тое, што па словах Юлі Ляшкевіч задумывалася, як адна калыханачка, вылілася ў вялікі, вельмі шчыры і цёплы праект.
Cвяточная складанка класічных і новых зімовых вершаў ды песень. Адась Матафонаў, Таццяна Грыневіч-Матафонава, Аляксей Крукоўскі – вакал. Вольга Кашэвіч – фартэпіяна. Чытае вершы Юрась Жыгамонт.
