Абвестка

 

 

 

У выпадку ўзнікнення дадатковых пытанняў будзем радыя адказаць на іх штодня з 10.00 да 18.00 па тэлефонах: +375-29-856-42-01 Міхась, Viber / WhatsApp: +375-29-632-91-29 Вераніка.
Або па электроннай пошце: prastora@prastora.by
І ў сацыяльных сетках: Facebook, уКантакце або Інстаграм.

 

 

 

Мастацкая проза

Быкаў Васіль. Поўны збор твораў. Том 7
12.99 р.

Быкаў Васіль. Поўны збор твораў. Том 7

Сёмы том Поўнага збору твораў В. Быкава змяшчае апавяданні, пачынаючы ад самых першых і заканчваючы тэкстамі 70-х гадоў. Падчас укладання тамоў найперш улічвалася думка самога аўтара, які паспеў спланаваць праспект выдання свайго Збору твораў.

Быкаў Васіль. Поўны збор твораў. Том 9
11.99 р.

Быкаў Васіль. Поўны збор твораў. Том 9

Дзявяты том склалі кінасцэнарыі 1962 – 1994 гг.: «Третья ракета», «Альпийская баллада», «Западня», «Двое в ночи», «Волчья стая», «Долгие версты войны», «Ушедшие в вечность (Обелиск)», «Его батальон», «На Чорных лядах».

Быкаў Васіль. Сотнікаў. У тумане
6.99 р.

Быкаў Васіль. Сотнікаў. У тумане

Што такое чалавек перад знішчальнай сілай бесчалавечных абставін? На што ён здольны, калі магчымасці захаваць жыццё вычарпаныя да канца і прадухіліць смерць немагчыма?

Васіль Быкаў зноў і зноў ставіў гэтыя пытанні ў сваіх творах.

Быкаў Васіль. Сьцяна
1.30 р.

Быкаў Васіль. Сьцяна

Вільня: Інстытут беларусістыкі, 2008. — 350 с. — (Кнігарня “Наша Ніва”). Кніга ёсьць перавыданьнем зборніка твораў, выпушчанага ў 1997 г.

Бычкоўскі Алесь. Анамалія
4.17 р.

Бычкоўскі Алесь. Анамалія

Творчасць фантаста Алеся Бычкоўскага ахоплівае невядомыя сегменты Сусвету, дзе адбываюцца неверагодныя прыгоды і адкрыцці і дзе можна па-іншаму ад прывычнага адчуць час і прастору. У кніжцы ёсць караблі-зоркалёты і мужныя космапраходцы, хітрыя кантрабандысты. Два супертворы сучаснай беларускай фантастыкі змешчаныя ў гэтай кнізе: дзве фантастычныя навелы "Ён прыйдзе апоўначы" і "Муары Лідлу". А разам з імі – захапляльныя аповесці і твор па-за жанрам – "Хвалі. Бязмежная плынь" – для тых, хто любіць філасофскія вандроўкі.

Бычкоўскі Алесь. Горад за 101-ым кіламетрам
0.42 р.

Бычкоўскі Алесь. Горад за 101-ым кіламетрам

Гэтая кніга – літаратурная прастора, дзе пануюць ваўкалакі і чарадзеі-вартаўнікі, міліцыянты і п’яныя суседзі. Аўтар-бумбамлітавец здзекуецца з чытача, герояў і самога сябе. Але творы трымаюць своеасаблівы каларыт аповеду, што зрэшты, і прыцягвае...

Вашкевіч Дар'я. Баваўняная дзяўчынка
15.99 р.

Вашкевіч Дар'я. Баваўняная дзяўчынка

Кніга Дар’і Вашкевіч "Баваўняная дзяўчынка" — пра і для дзяўчатак і хлопчыкаў ад двух да ста дзевятнаццаці гадоў. Яе можна чытаць удзень і ўначы, нашча ці толькі што пад’еўшы бабулінага супчыку, лежачы пад коўдраю або ўскараскаўшыся на яблыну. Галоўнае пры гэтым — кагосьці любіць. А астатняе — дэталі.

Вашчанка Аляксандр. Хлопчык Лёкса і Купальскі Дзядок
6.09 р.

Вашчанка Аляксандр. Хлопчык Лёкса і Купальскі Дзядок

Сюжэт аповесці пабудаваны на тым, што гарадскі хлопчык прыязджае на канікулы ў вёску да бабулі і ў час святкавання Купалля знаёміцца з дзядком, які распавядае яму і ягоным сябрам паданні пра Змея, ваўкалакаў, дамавікоў, русалак, Вужынага цара. Пераплятаюцца гісторыя і сучаснасць, далёкае мінулае робіцца блізкім і зразумелым.

3.99 р.

Вежнавец Ева. Шлях дробнай сволачы

Мінск: Логвінаў, 2008. – 152 с. – (Кнігарня "Наша Ніва").

Вершаваная энцыклапедыя жывёльнага свету
19.99 р.

Вершаваная энцыклапедыя жывёльнага свету

"Вершаваная энцыклапедыя жывёльнага свету" — унікальная кніга, якая ўпершыню лучыць вершы пра жывёл і энцыклапедычны прынцып падачы матэрыялу. У адрозненне ад класічнай энцыклапедыі "Вершаваная энцыклапедыя жывёльнага свету", апрача пазнавальнай функцыі, выконвае таксама эстэтычную, творчую, выхаваўчую, патрыятычную, экспрэсіяністычную і забаўляльную функцыі.

Вісландэр Юя, Вісландэр Томас. Малы і Білан
6.99 р.

Вісландэр Юя, Вісландэр Томас. Малы і Білан

"Малы і Білан" – працяг кнігі "Малы і Мядзведзік" шведскіх пісьменнікаў Юі і Томаса Вісландэраў. У другой частцы Малы і Білан крыху пасталелі і ўжо амаль навучыліся пісаць, чытаць ды лічыць. Яны па-ранейшаму гуляюць разам амаль штодзень, а Малы штовечар распавядае пра ўласныя прыгоды свайму найлепшаму сябру – Мядзведзіку.

Вісландэр Юя, Вісландэр Томас. Малы і Мядзведзік
1.36 р.

Вісландэр Юя, Вісландэр Томас. Малы і Мядзведзік

Гэтая кніга – адна з найлюбімейшых у Швецыі. Аўтары з неверагоднай увагай і павагай да асобы Малога расказваюць пра свет яго захапленняў, мараў, прыдумак і гульняў. З гледзішча дарослых гэта ўсё можа падавацца дробяззю. Але Мама Малога так не лічыць. Ва ўсім для Малога яна найлепшы дарадца і сябра.

Вісландэр Юя. Мама Му прыбірае
14.99 р.

Вісландэр Юя. Мама Му прыбірае

- Я назбірала кветак і працерла пыл на падваконні. Не ўсе каровы могуць гэта рабіць.
- Рабіць што? - запытаўся Крумкач.
- Прыбірацца ў кароўніку, - спакойна патлумачыла яму мама My.
- Прыбірацца?! - абурыўся Крумкач. - Ушчыкніце мяне за пёркі! Ты крыху паматляла хвастом. I гэта па-твойму прыбірацца?

Вітушка Сяргей. Дзінь-дзілінь
4.99 р.

Вітушка Сяргей. Дзінь-дзілінь

Аўтар прапаноўвае свае версіі казак паводле вядомых сюжэтаў беларускага фальклору і класічнай літаратуры. Кніга падштурхоўвае чытача пафантазіраваць і прыдумаць уласныя версіі. Выданне разлічанае як на дзяцей, так і на дарослых.

Вішнёў Зміцер. Тамбурны маскіт
0.40 р.

Вішнёў Зміцер. Тамбурны маскіт

Санкт-Петербург: Невский Простор, 2001. — 256 . Цв. вокл.

Вішнёў Зьміцер. Фараон у заапарку
0.64 р.

Вішнёў Зьміцер. Фараон у заапарку

Тэксты. — Менск: Логвінаў, 2007. — 170 с.

Вольскі Лявон. Міларусь
4.98 р.

Вольскі Лявон. Міларусь

У кнігу прозы вядомага музыкі і сьпевака, лідэра знакамітых гуртоў "Мроя", "N.R.M.", "Крамбамбуля", Лявона Вольскага ўвайшлі трынаццаць аповедаў і аповесьць "Пакуль сабачка жывы", якія былі напісаныя больш як за дваццаць гадоў творчай працы.

Вонэгут Курт. Бойня №5, або Крыжовы паход дзетак
1.50 р.

Вонэгут Курт. Бойня №5, або Крыжовы паход дзетак

Раман напісаны Куртам Вонэгутам у 1969 годзе. Гэта аўтабіяграфічны твор пра бамбардаваньне Дрэздэна падчас Другой сусьветнай вайны. "Бойня №5" – антываенны раман, напісаны, паводле вызначэньня самога Вонэгута, у "тэлеграфічна-шызафрэнічным стылі". У першыя гады па выхадзе раман зазнаваў цэнзуру ў ЗША.

Вусцішны пакой. Зборнік містычнага апавядання
7.49 р.

Вусцішны пакой. Зборнік містычнага апавядання

Зборнік «Вусцішны пакой» змяшчае творы самых розных аўтараў з розных краінаў і эпох, аб’яднаныя агульнай атмасферай таямніцы, якая застаецца нават тады, калі акторы здымаюць маскі, а таксідэрміст тлумачыць усе тонкасці свайго майстэрства.

Выбраныя творы нобелеўскіх лаўрэатаў
4.99 р.

Выбраныя творы нобелеўскіх лаўрэатаў

Кнігу перакладаў на беларускую мову склалі выбраныя творы лаўрэатаў Нобелеўскай прэміі ў галіне літаратуры Б. Пастэрнака, М. Шолахава і А. Салжаніцына, а таксама нобелеўскія прамовы аўтараў. Пераклаў Андрэй Каляда.

Гамбровіч Вітальд. Ferdydurke
4.99 р.

Гамбровіч Вітальд. Ferdydurke

Раман / Пер. з польск. Васіля Сёмухі. — Мінск: Калегіюм Еўропы Усходняй імя Яна Новака-Езёраньскага; Зміцер Колас, 2009.— 266 с.— (Littera scripta).

Гапеева Вольга. Сумны суп
16.99 р.

Гапеева Вольга. Сумны суп

За звычайнымі, здавалася б, размовамі і ўчынкамі герояў хаваюцца філасофскія думкі і разважанні, да якіх можа далучыцца кожны, хто прачытае новую кнігу Вольгі Гапеевай з ілюстрацыямі Марты Герашчанкі.

Гапееў Валеры. Праклён
14.99 р.

Гапееў Валеры. Праклён

Першы беларускі раман пра сучаснасць, у якім містычнае і міфалагічнае адваёўвае сваё права на існаванне ў рэчаіснасці і робіцца неад'ёмнай часткай нашага жыцця. Пакутлівыя пошукі выхаду з-пад улады Праклёну прыводзяць да неабходнасці паверыць.

Гапееў Валерый. Урокі першага кахання
2.79 р.

Гапееў Валерый. Урокі першага кахання

У цэнтры кнігі - сучасныя падлеткі. Характары герояў раскрываюцца ў аповесцях праз сацыяльныя, маральныя, эратычныя праблемы і пытанні росту.

Гарачка Усевалад. Багі і героі
3.99 р.

Гарачка Усевалад. Багі і героі

Вершы, апавяданні, п’еса. – Мінск: Галіяфы, 2009. – 76 с. – (Другi фронт мастацтваў).

Праз творы сваёй новай кнігі "Багі і Героі" Усевалад Гарачка расказвае ў гратэскава-іранічнай форме пра таго "Залатога Цяльца", якога столькі гадоў запар стваралі нашыя пісьменнікі, мастакі ды іншыя "творчыя асобы".

Гарэцкі Максім. Выбраныя творы
2.80 р.

Гарэцкі Максім. Выбраныя творы

Кнігу класіка беларускай літаратуры Максіма Гарэцкага (1893 – 1938) склалі найлепшыя ягоныя апавяданні, аповесці, драматычныя, дакументальна-мастацкія і публіцыстычныя творы. Асобныя з іх друкуюцца ўпершыню.

Гарэцкі Максім. Дзве душы
5.99 р.

Гарэцкі Максім. Дзве душы

Заможны памешчык Абдзіраловіч, аўдавелы пасля трагічнага выпадку, давярае свайго малога Ігналіка карміліцы. А тая, жадаючы лепшай долі свайму дзіцяці, пераменьвае немаўлят. Пасля абодва – Ігнат і Васіль – праходзяць праз рэвалюцыю, Грамадзянскую вайну.

0.64 р.

Гаспадыніч Павел. Цэзар будзе жыць

Раман. — Мінск: Логвінаў, 2004. — 186 с.

Гаўрыловіч Уладзімір. Анёлак мой, Анёлак...
13.99 р.

Гаўрыловіч Уладзімір. Анёлак мой, Анёлак...

Назвай кнігі стала не назва змешчанага у ей рамана "Забранае шчасце", а адной з дзвюх яе аповесцей — "Анёлак мой, Анёлак...". Гэта не выпадкова, бо тры творы У. Гаўрыловіча — раман і дзве аповесці — знітоўвае тэма кахання. Адрозненне твораў — у храналагічным фоне і гістарычных абставінах раскрыцця тэмы: у аповесцях — пачатак XXI стагоддзя, у рамане — 30-я гады мінулага стагоддзя, асноунай падзеяй якіх стала калектывізацыя, з якой былі звязаны часцей за ўсё лёсы нешчаслівыя і адначасова такія незабыўныя па сваім унутраным чалавечым харастве.

Падзеі, адлюстраваныя у творах У. Гаўрыловіча, адбываюцца у глыбінцы Палесся.

Для шырокага кола чытачоў.

Гаўф Вільгельм. Карлік Нос
12.99 р.

Гаўф Вільгельм. Карлік Нос

Кніга Вільгельма Гаўфа пабачыла свет у межах конкурсу “Ствараем кнігу разам!”, які зладзіў дабрачынны фонд “Вяртанне”. Дзеці і падлеткі з усёй Беларусі ілюстравалі казкі вядомага нямецкага пісьменніка ў перакладзе на беларускую мову. 279 чалавек даслалі 320 малюнкаў. У кнігу ўвайшло 18 лепшых!

Сіндыкаваць змесьціва ў RSS