Навуковая літаратура

Бабятынскі Конрад. Ад Смаленску да Вільні. Вайна Рэчы Паспалітай з Масковіяй (16
11.99 р.

Бабятынскі Конрад. Ад Смаленску да Вільні. Вайна Рэчы Паспалітай з Масковіяй (1654—1655 гг.)

Кніга Конрада Бабятынскага прысвечаная гісторыі ваеннага канфлікту, у выніку якога ўвосень 1655 г. амаль усю тэрыторыю Вялікага Княства Літоўскага разам з ягонай сталіцай Вільняй занялі войскі маскоўскага цара Аляксея Міхайлавіча. Гэта быў першы этап вялікай вайны, якая працягвалася ў 1654—1667 гг. і завяршылася толькі Андрусаўскім замірэннем 31 студзеня 1667 г.

Баршчэўскі Лявон. Балясін Яўген. Кароткая граматыка нямецкай мовы
4.99 р.

Баршчэўскі Лявон, Балясін Яўген. Кароткая граматыка нямецкай мовы

Нямецкая мова, як індаеўрапейская, — «сваячка» беларускай і іншых славянскіх моў. Але пасля гіпатэтычнага «моўнага разводу» народаў да шчыльных моўных кантактаў з немцамі справа дайшла толькі ў апошнія тысячу гадоў.

Выданне адрасуецца ўсім, хто цікавіцца нямецкай мовай, гісторыяй і культурай.

Баршчэўскі Лявон, Жалезка Юрый. Кароткая граматыка нідэрландскай мовы
4.99 р.

Баршчэўскі Лявон, Жалезка Юрый. Кароткая граматыка нідэрландскай мовы

Нідэрландская мова належыць да падгрупы заходнегерманскіх моў. Гістарычна яна сфарміравалася на аснове старажытных заходненіжнефранкскіх дыялектаў. У вывучэнні нідэрландскай мовы пачаткоўцу істотна могуць дапамагчы веданне нямецкай, англійскай, іншых германскіх моў.

Выданне адрасуецца ўсім, хто цікавіцца нідэрландскай мовай.

Белы Алесь. Хроніка Белай Русі
8.99 р.

Белы Алесь. Хроніка Белай Русі

"Хроніка Белай Русі" — істотна перапрацаванае і дапоўненае перавыданне манаграфіі 2000 году, прысвечанай гісторыі ўзнікнення хароніма «Белая Русь» і яго паступовага дастасавання да тэрыторыі сённяшняй Рэспублікі Беларусь. У кнізе на падставе аналізу вялікай колькасці тэкставых і картаграфічных крыніцаў прасочваецца эвалюцыя "Белай Русі" ў сістэмах геаграфічных ведаў розных эпох і народаў Еўропы.

Блінец Андрэй. Клецкія бітвы: 1506 і 1706 гады
8.39 р.

Блінец Андрэй. Клецкія бітвы: 1506 і 1706 гады

У кнізе гісторыка Андрэя Блінца распавядаецца пра дзве ваенныя падзеі, якія аб’ядноўвае адно месца здарэння. Пад Клецкам у 1506 і 1706 гг. адбыліся бітвы, якія значна паўплывалі на гістарычнае развіццё Беларусі. Разгром крымскіх татар войскам Вялікага Княства Літоўскага ў жніўні 1506 г. з’яўляецца адной з найбольш славутых перамог у айчыннай гісторыі. Бітва паміж шведскімі і расійска-ўкраінскімі злучэннямі вясною 1706 г. стала кульмінацыяй баявых дзеянняў у Наваградскім ваяводстве падчас Вялікай Паўночнай вайны.

У дадатках змешчаны шэраг малавядомых дакументаў XVI і XVIII стст., некаторыя з якіх друкуюцца ўпершыню.

Бохан Юры, Скеп'ян Анастасія. Побыт феадалаў Вялікага Княства Літоўскага ў XV —
25.99 р.

Бохан Юры, Скеп'ян Анастасія. Побыт феадалаў Вялікага Княства Літоўскага ў XV — сярэдзіне XVII стагоддзя

Кніга прысвечана побыту пануючага саслоўя Вялікага Княства Літоўскага ў XV —сярэдзіне XVII стагоддзя.

Разглядаюцца важнейшыя аспекты матэрыяльнай культуры феадалаў — жыллё, харчаванне, адзенне, вялікая ўвага надаецца баўленню вольнага часу — паляванню, рыцарскім турнірам, гульням і забавам.

Кніга разлічана на гісторыкаў, студэнтаў, навучэнцау, на ўсіх, хто цікавіцца гісторыяй Беларусі.

Бохан Юры. Узбраенне беларускіх зямель у XIV — XVI cтагоддзях
24.99 р.

Бохан Юры. Узбраенне беларускіх зямель у XIV — XVI cтагоддзях

Багата ілюстраванае выданне прысвечана эвалюцыі ўзбраення насельніцтва беларускіх земль на працягу ХIV — XVI стст. Разглядаюцца розныя катэгорыі наступальнага і засцерагальнага ўзбраення, мясцовыя традыцыі, развіццё вайсковай справы і ўзбраення. Разлічана на студэнтаў, выкладчыкаў, прафесійных гісторыкаў і археолагаў — усіх, хто цікавіцца гісторыяй Беларусі перыяду Сярэднявечча.

Бярнацкі Вітальд. Паўстаньне Хмяльніцкага: Ваенныя дзеяньні ў Літве ў 1648—1649
11.99 р.

Бярнацкі Вітальд. Паўстаньне Хмяльніцкага: Ваенныя дзеяньні ў Літве ў 1648 — 1649 гг.

Кніга Вітальда Бярнацкага даследуе першую фазу баявых дзеянняў, калі ў 1648-1649 гг. войскі казацкай Украіны занялі беларускае Палессе, каб не дазволіць літоўскаму войску прыйсці на дапамогу арміі Польскай кароны.

Кніга багата аздоблена, у тым ліку каляровымі графікамі і картамі, а таксама выявамі згаданых бітваў з нямецкіх выданняў другой паловы XVII ст.

Гідэнс Энтані. Сацыялогія
2.99 р.

Гідэнс Энтані. Сацыялогія

Кніга знаёміць зацікаўленага чытача з гапоўнымі раздзеламі сацыялогіі — агульнымі тэорыямі развіцця сучаснага грамадства, эканамічнай і папітычнай сацыялогіі, тэорыямі горада і сям’і, праблемамі міжнародных адносінаў. Аўтар разбірае самыя ўплывовыя ў гэтых раздзелах тэорыі і дае ім крытычную ацэнку.

Гізун Алесь, Рааго Павел. Беларуска-славацкі размоўнік-даведнік
4.99 р.

Гізун Алесь, Рааго Павел. Беларуска-славацкі размоўнік-даведнік

У выданне ўключаны найбольш пашыраныя словы, выразы і фразы, згрупаваныя па тэматычных раздзелах. Раздзелы ўтрымліваюць тэматычныя соўнічкі, а таксама практычныя парады, каментарыі і даведкі, якія нясуць карысныя звесткі і інфармацыю.

Гулецкі Дзмітрый. Манеты беларускай даўніны
8.99 р.

Гулецкі Дзмітрый. Манеты беларускай даўніны

У кнізе даны агульныя звесткі аб беларускай нумізматыцы дарасійскага перыяду. Пастаўленыя акцэнты дапамогуць студэнтам-гісторыкам, а таксама аматарам раскрыць сябе ў нумізматычным даследаванні. А захапіцца ў гэтай галіне беларускай гістарычнай навукі сапраўды ёсць чым.

Зайка Алесь. Прыказкі і прымаўкі, жарты і каламбуры, прыгаворкі і языкаломкі, вя
16.99 р.

Зайка Алесь. Прыказкі і прымаўкі з Косаўшчыны

Гэтая кніга — першае сістэматызаванае апісанне парэміялагічнага і фразеалагічнага багацця мовы жыхароў аднаго з куткоў Беларусі — радзімы Тадэвуша Касцюшкі. Запісы фальклорнага матэрыялу зроблены даследнікам у 1969-2014 гадах.

Кардубан Юлія. Англійска-беларускі слоўнік скарачэнняў
7.99 р.

Кардубан Юлія. Англійска-беларускі слоўнік скарачэнняў

Перакладны англійска-беларускі слоўнік скарачэнняў выдаецца ўпершыню. Яго корпус складаюць каля 8 500 найбольш ужывальных скарачэнняў сучаснай англійскай мовы, якія суправаджаюцца расшыфроўкай, і іх беларускія эквіваленты.

Касажэцкі Кшыштаф. Кампанія 1660 году ў Літве
12.99 р.

Касажэцкі Кшыштаф. Кампанія 1660 году ў Літве

У кнізе апісваюцца ваенныя дзеяньні паміж Рэччу Паспалітай і Расеяй у 1658-1660 гадох. Яна ахоплівае наезд князя Івана Хаванскага, яго дзеяньні на Наваградчыне, а потым наступ літоўскіх і польскіх войскаў, які дазволіў прагнаць маскоўскія войскі за Дзьвіну і Дняпро. У яго рамках знаходзяцца апісаньні бітваў пад Палонкай, на Басі, пад Талачыном і Друцкам.

Катэхізіс
6.99 р.

Катэхізіс

Нясьвіскі “Катэхізіс” 1562 г. – выдатны помнік беларускай Рэфармацыі XVI стагодзьдзя. Гэтае выданьне ўтрымлівае адаптаваны тэкст “Катэхізіса” і яго пераклад на сучасную беларускую мову. Адрасуецца навукоўцам, аспірантам,студэнтам, а таксама ўсім тым, хто цікавіцца айчыннай гісторыяй і культурай.

Кніга магістрата места Полацка 1727 г.
12.99 р.

Кніга магістрата места Полацка 1727 г.

Магістрацкая кніга 1727 году выбрана не выпадкова. Большасць магістрацкіх кніг Полацка XVIII ст. складаецца пераважна з актыкацый дакументаў шляхты і слаба асвятляе ўнутранае жыццё места. На гэтым фоне кніга 1727 г. выгадна вылучаецца багаццем зместу і разнапланавасцю дакументаў. Яна ўтрымлівае значную колькасць актаў па арганізацыі месцкіх уладаў і рамесніцкіх цэхаў, пратаколаў суда полацкага магістрата і інш. Акрамя таго, актавая кніга 1727 г. на фоне папярэдніх вызначаецца куды больш узорным афармленнем.

Краўцэвіч Аляксандр. Краіна пагранічча
9.99 р.

Краўцэвіч Аляксандр. Краіна пагранічча

Выйшла з друку новая кніга вядомага беларускага навукоўца і грамадскага дзеяча Аляксандра Краўцэвіча. У кнігу ўвайшлі выбраныя навукова–папулярныя, эсэістычныя і публіцыстычныя працывядомага беларускага навукоўцы і грамадскага дзеяча з Гародні, напісаныя ім на працягу апошніх трох дзесяцігоддзяў.

Некаторыя з іх друкуюцца ў зборніку ўпершыню.

Літаратура пераходнага перыяду
4.99 р.

Літаратура пераходнага перыяду

У кнізе тэарэтычна асэнсоўваецца феномен пераходнага перыяду ў сучасным літаратурным працэсе, эпоха кардынальных змен у жыцці беларускага соцыюма, выяўляюцца глыбінныя зрухі ў мастацкім мысленні і вызначаецца напрамак развіцця нацыянальнай культуры і літаратуры.

Ляхоўскі Уладзімір. Школьная адукацыя ў Беларусі падчас нямецкай акупацыі (1915
12.99 р.

Ляхоўскі Уладзімір. Школьная адукацыя ў Беларусі падчас нямецкай акупацыі (1915 – 1918)

У манаграфіі разглядаецца палітыка кайзераўскай Нямеччыны ў сферы адукацыі на захопленых беларускіх землях у 1915—1918 гг., а таксама адукацыйныя працэсы, якія адбываліся на адзначанай тэрыторыі падчас Першай сусветнай вайны.

Мірановіч Яўген. Найноўшая гісторыя Беларусі
12.99 р.

Мірановіч Яўген. Найноўшая гісторыя Беларусі

Аўтар разглядае гісторыю беларускай нацыі ад канца XIX стагоддзя да нашага часу. Ён сцісла перадае асаблівасці кожнага з этапаў гістарычнага шляху, які прайшлі беларусы за гэты час, шукае адказ на пытанне, чаму лёс народа склаўся менавіта так, а не інакшым. Для шырокага кола чытачоў, якія цікавяцца айчыннай гісторыяй.

Слоўнік мовы “Нашай Нівы” (1906—1915). У 5 т. Т. 1: А—Д
9.99 р.

Слоўнік мовы “Нашай Нівы” (1906—1915). У 5 т. Т. 1: А—Д

Укл. А. М. Анісім, І. Л. Капылоў, В. П. Лемцюгова, Г. К. Усціновіч; Пад рэд. В. П. Лемцюговай. — Мінск: Тэхналогія, 2003. — 624 с. Цв. вокл.

Слоўнік мовы “Нашай Нівы” (1906—1915). У 5 т. Т. 2: Д—Н
9.99 р.

Слоўнік мовы “Нашай Нівы” (1906—1915). У 5 т. Т. 2: Д—Н

Укл. І. А. Гапоненка, І. Л. Капылоў, В. П. Лемцюгова, Т. П. Скрыпко, Г. К. Усціновіч; Пад рэд. В. П. Лемцюговай. — Мінск: Тэхналогія, 2007. — 624 с. Цв. вокл.

Станкевіч Ян. Крыўя-Беларусь у мінуласьці
14.99 р.

Станкевіч Ян. Крыўя-Беларусь у мінуласьці

У том увайшлі гістарычныя творы Яна Станкевіча (1891—1976), напісаныя паміж 1930 і 1976 гадамі. Пераважная бальшыня апублікаваных твораў была раней недаступная беларускаму чытачу.

Томаш Главінскі. Забыты гарнізон. Аддзелы Корпуса аховы памежжа ў Івянцы ў 1924-
10.99 р.

Томаш Главінскі. Забыты гарнізон. Аддзелы Корпуса аховы памежжа ў Івянцы ў 1924-1939 гадах

Аддаваная ў рукі беларускага чытача кніга насамрэч не ёсць толькі гісторыяй нейкага польскага гарнізону на польска-савецкай мяжы ў міжваенны перыяд. Яна з'яўляецца фрагментам гісторыі Івянеччыны, мясцовасці як прыгожай, так і паспыталай шматлікіх падзеяў. Гэта аповесць аб малым мястэчку і яго пушчанскіх ваколіцах. А таксама аб людзях, тых, каму выпала тут жыць.

Турук Ф. Белорусское движение
4.99 р.

Турук Ф. Белорусское движение

Очерк истории национального и революционного движения белорусов. С приложениями образцов белорусской нелегальной литературы, документов белорусских политических партий и национальных организаций и этнографической карты белорусского племени, составленной академиком Е.Ф. Карским.

Уладыкоўская Любоў. Духоўныя ідэалы ў сучаснай культуры Беларусі і каштоўнасці г
1.83 р.

Уладыкоўская Любоў. Духоўныя ідэалы ў сучаснай культуры Беларусі і каштоўнасці глабалізму

Кніга прысвечана праблеме духоўных асноў быцця і іх выяўленню ў беларускай культуры з улікам сацыякультурных трансфармацый сучаснасці. Раскрываецца праблема шматстайнага ўплыву глабалізацыйных тэндэнцый на характар развіцця нацыянальнай культуры. Кніга адрасуецца навукоўцам, выкладчыкам, студэнтам, усім тым, хто цікавіцца фундаментальнымі пытаннямі сацыяльнага жыцця і беларускай нацыянальнай культурай.

Шаланда, Аляксей. Таямнічы свет беларускіх гербаў: шляхецкая геральдыка Вялікага
18.99 р.

Шаланда Аляксей. Таямнічы свет беларускіх гербаў: шляхецкая геральдыка Вялікага княства Літоўскага

Новая праца вядомага беларускага геральдыста Аляксея Шаланды прапануе здзейсніць захапляльнае падарожжа ў таямнічы свет беларускай шляхецкай геральдыкі эпохі Вялікага княства Літоўскага.

Шкраба Ірына. Лексікалогія
4.99 р.

Шкраба Ірына. Лексікалогія

Кніга прысвечаная адной з недастаткова распрацаваных галін мовазнаўства, якая патрабуе тэарэтычнага асэнсавання і дыдактычнага паглыблення ў працэсе выкладання, - беларускай лексікалогіі.

Эдмундас Гімжаўскас. Беларускі фактар пры фармаванні літоўскай дзяржавы
11.99 р.

Эдмундас Гімжаўскас. Беларускі фактар пры фармаванні літоўскай дзяржавы ў 1915-1923 гг

Аўтар манаграфіі спадзяецца, што беларускі чытач у цэлым атрымае цікавую кнігу, якая дазволіць яму не толькі пашырыць свае гістарычныя веды пра пэўны акрэслены перыяд развіцця Беларусі і пэўную праблематыку, але і лепш зразумець пачатак новага самабытнага развіцця суседняга народа, з якім у мінулым беларусы мелі так шмат агульнага. Спецыялісты-гісторыкі, ў сваю чаргу, змогуць знайсці ў кнізе цікавыя матэрыялы для далейшага вядзення асэнсаваных дыскусій над пытаннямі нацыянальнай гісторыі.

Этнокультурные процессы Восточного Полесья в прошлом и настоящем
14.99 р.

Этнокультурные процессы Восточного Полесья в прошлом и настоящем

Освещаются важнейшие аспекты культуры: материальной (традиции питания, особенности застройки и построек, костюма), социальной (семейные и общественные отношения), духовной (конфессиональные процессы, праздники, обряды, обычаи, современный театр), этнической истории, демографических и миграционных процессов Восточного Полесья. Впервые вводятся в научный оборот материалы полевых этнографических исследований, архивные источники.

Сіндыкаваць змесьціва ў RSS