Нарэшце ў продажы зьявіўся новы, але "клясычны" альбом Лявона Вольскага й кампаніі – "Белая яблыня грому" – на вершы паэтаў-клясыкаў ад XVIII да XXI стагодзьдзя. Вось што піша ў "Прадмове" да дыску сам Лявон Вольскі:

"Усе мы ў школе вучылі беларускую літаратуру, і што? Хто што памятае? "Цьвёрда трымаўся юнак на дапросе"? "Адзін вялізарны парсюк"? "Цьвяток радзімы васілька?" Гэта яшчэ добрыя веды. Большасьць наогул нічога ня будзе памятаць. Таму што існуюць фіктыўныя прадметы. Гэта, як мінімум, сьпевы і белліт. Калі я вучыўся ў школе, дык нашая "беларусіца" пайшла ў дэкрэт. І яе замяняла маладая дзяўчына. Здаецца, цягам году. Дык вось, на занятках яна ўголас чытала дэтэктывы. Тады дзеці збольшага спакойна ды ўважліва слухалі. Потым усе атрымалі чацьверкі і пяцёркі і пайшлі на вакацыі.

За ўвесь час навучаньня я прачытаў "Міколку-паравоза", "Палескіх рабінзонаў" і некалькі кніжак Васіля Быкава. Гэта са школьнай праграмы. Астатняе "чыталася" па крытыцы. Бо адчуваліся заніжаныя патрабаваньні да прадмету. Фікцыя!..

ЗАМОВІЦЬ ШЫКОЎНУЮ КНІГУ "Добро и зло. Библейские истории в иллюстрациях" — ПА НАЙЛЕПШЫМ КОШЦЕ!

Шикарно иллюстрированное уникальное издание Библейских историй. Книга "Добро и зло. Библейские истории в иллюстрациях" Майкла Перла уже переведена более чем на 40 языков, она получила множество наград и широкое признание во всем мире.

Издание делает Библию более доступной, облекая её в новую и популярную форму. Вдумчивому читателю мы рекомендуем обращать внимание на ссылки внизу страниц, указывающие места в Писании, на основе которых создан пересказ библейских историй.

Знаете ли Вы, в чем уникальность Библии? Библия, а еще эта Книга называется Священное Писание или Слово Божье, является фундаментом, на котором стоит христианская вера. Эта Книга отличается от всех остальных книг в мире. Библия состоит из 66 отдельных книг, которые написали 40 авторов в разное время на протяжении более 1500 лет. Все они были людьми разных профессий – сборщики налогов, цари, рыбаки, врачи, фермеры, слуги, министры и другие.

Большинство авторов этой Книги не были знакомы друг с другом и жили в разных местах, однако, когда верующие собрали данные рукописи вместе, оказалось, что они имеют цельный смысл, не противоречат друг другу и рассказывают единую историю.

НА БЕЛАРУСКАЙ ПРАСТОРЫ ШЫКОЎНАЯ КНІГА "ДОБРО И ЗЛО" — ПА НАЙЛЕПШЫМ КОШЦЕ! МЫ ТАКСАМА РЫХТУЕМ ПЕРАКЛАД І ВЫДАНЬНЕ ГЭТАЙ КНІГІ НА БЕЛАРУСКАЙ МОВЕ. МАГЧЫМЫЯ ГУРТОВЫЯ ЗАМОВЫ З PRASTORA.BY І ЗЬНІЖКІ НА ІХ.

Чытаць інфармацыю пра кнігу "Добро и зло. Библейские истории в иллюстрациях" цалкам.

Каляндарная сярэдзіна году – самы час, калі варта стаць шчасьлівым уладальнікам календара. Пагатоў, калі каляндар той мае азначэньне сувэнірнага і па сутнасьці сваёй ёсьць бестэрміновым. Прапаноўваем вашай увазе календары ды іншую сувэнірную прадукцыю – дэкаратыўныя магніты й кубкі – што папоўнілі сабою адмысловыя разьдзелы:

Календары

ў катэгорыі Іншае.

Дэкаратыўныя магніты

ў катэгорыі Іншае.

Дэкаратыўныя кубкі

ў катэгорыі Іншае.

Глядзець тавары – тут.

2011 год для міжнароднае літаратурнае супольнасьці прайшоў як "Год Чэслава Мілаша" – польскага літаратара, "нобэлеўскага ляўрэата зь ліцьвінскаю мэнтальнасьцю". На працягу ўсяго году адна за другою выходзілі кнігі Мілаша на розных мовах сьвету – у тым ліку, па-беларуску. Прапаноўваем вашай увазе падборку з 6-ці кніг слыннага аўтара, выдадзеных па-беларуску ў розны час ад 2000 і да 2012 году, у якіх сабрана ўсё найбольш значнае, што стварыў за сваё плённае творчае жыцьцё ляўрэат Нобэлеўскае прэміі па літаратуры за 1980 год.

Таксама пацешыў літаратурных гурманаў двума новымі дыхтоўна выдадзенымі тамамі выдавецкі праект "Гарадзенская бібліятэка", чарговы раз ушанаваўшы памяць Ларысы Геніюш і Васіля Быкава. Кніга "Гарадзенскі архіў" Васіля Быкава зьявіцца на Prastora.by трохі пазьней, і пра яе мы паведамім у адмысловай рассылцы, а вось кніга "Лісты з Зэльвы" Ларысы Геніюш ужо даступная на нашым сайце, і падрабязьней пра яе вы можаце прачытаць ніжэй.

То ж, час падвесьці вынікі нашае акцыі "Прысьпешым Вясну!" і абвесьціць пераможцаў, якія заўтра пойдуць на канцэрт Зьмітра Вайцюшкевіча і WZ-orkiestra.

Але спачатку варта падаць правільныя адказы. Вось яны:

1) Дыск караоке, на якім зьмешчаныя песьні Зьмітра Вайцюшкевіча з розных альбомаў, называецца "Спявай васільковы край!".
2) Старэйшага сына спадара Вайцюшкевіча завуць Андрэем, а малодшага – Язэпам.
3) Паэты, на чые вершы Зьміцер Вайцюшкевіч выдаваў адмысловыя альбомы:
Л. Дранько-Майсюк – "Цацачная крама";
А. Камоцкі – "Паравіны году";
Р. Барадулін – "Паравоз каханьня";
У. Маякоўскі – "MW";
Т. Такана, К. Хаясі, У. Нагуці, Т. Танака, А. Глобус – "Месяц і Сонца";
У. Някляеў – "Танга з ружай";
Г. Бураўкін – "Liryka";
А. Кавалеўскі – "Мой сябра анёлак";
У. Караткевіч – "Беларуская песня (Дзе мой край)";
4) Рака, на якой стаіць улюбёны хутар артыста Вайцюшкевіча, завецца Нёман.
5) Жаночыя імёны, якія сустракаюцца ў тэкстах вайцюшкевічавых песень: Яна, Кацярына, Зося, Аўдоцьця, Наталька, Наташка, Натка, Кася, Дарота, Ганначка, Сьвятлана, Галіна, Ілонка, Марта, Дамініка, Вэнэра, Любоў, Мар'я, Любачка, Сафія, Бэла, Лея, хтосьці Яблонская ды іншыя прадстаўніцы прыўкраснае паловы чалавецтва!

Як тое ні дзіўна, найбольш трапныя адказы на працягу ўсяго конкурсу давалі якраз дзяўчаты))) І пераможцамі сярод іх аказаліся Іна Хоміч зь Берасьця і Лізавета Новікава зь Менску. Мы ўжо зьвязаліся зь пераможцамі, і заўтра яны ў таварыстве зь яшчэ аднога найблізкага чалавека адправяцца на канцэрт Зьмітра Вайцюшкевіча і WZ-orkiestra. Віншуем!!!

Усе астатнія ўдзельніцы і ўдзельнікі атрымалі ў падарунак паэтычна-музычны дыск "Уладзімір Караткевіч. Дзе мой край", а хтосьці яшчэ атрымае – у выпадку, калі іх замовы знаходзяцца ў апрацоўцы або на шляху да месца прызначэньня. Некаторыя зухі пасьпелі падаць адказы нават не па адным разе і, адпаведна, атрымаць не па адным дыску:) Зайздросны спрыт і добры прыклад іншым!

Мы шчыра дзякуем усім, хто ўзяў удзел у конкурсе "Прысьпешым Вясну!" – мы верым, што дзякуючы вам Вясна сапраўды ўжо зусім хутка закрасуе над нашым краем! Тыя, хто не пасьпеў паўдзельнічаць у конкурсе і атрымаць дыск у падарунак, таксама ня маюць асаблівых нагодаў для засмучэньня: па-першае, дыск "Уладзімір Караткевіч. Дзе мой край" зьявіўся ў продажы, а па-другое, неўзабаве на Prastora.by будуць агалошаныя ўмовы наступнага конкурсу – "Жыве справа Скарыны на PC і Macintosh!", удзельнікі якога атрымаюць стылёвыя беларускамоўныя налепкі на клявіятуру.

Жыве Вясна, спадарства! :)))

24 снежня 2013 года (аўторак) культурніцкая пляцоўка “Беларуская Прастора” запрашае на прэзентацыю аўдыёкнігі Янкі Маўра “Палескія рабінзоны”, “У краіне райскай птушкі” і насценнага “ВАЯРСКАГА КАЛЕНДАРА”.

Прэзентацыя адбудзецца ў Пушкінскай бібліятэцы (Мінская абласная бібліятэка імя А. С. Пушкіна) па адрасе: г. Мінск, вул. Гікалы, 4. Пачатак а 18-й гадзіне. Уваход вольны.

У імпрэзе возьмуць удзел: унукі Янкі Маўра, Барыс Пятровіч, Алесь Пашкевіч, Зміцер Сасноўскі, Аксана Спрынчан, Яраш Малішэўскі, Тацяна Беланогая, Серж Мінскевіч, Юры Усціновіч, Ладзімір Лічко, Іван Іваноў, Андрэй Паддубскі, Алесь Калоша, Міхась Башура, Алесь Квіткевіч.

Вас чакаюць цікавыя музычныя і літаратурныя выступы, конкурсы з падарункамі, захапляльныя рыцарскія баёўкі ад клуба гістарычнай рэканструкцыі “Гівойт” і магчымасць сфатаграфавацца з сапраўднымі рыцарамі!

Чытаць цалкам — пра імпрэзу і пра выданні.

Дзень беларускай дзіцячай творчасці — гэта свята дзіцячых усмешак, магчымасць прадэманстраваць свае таленты і добра правесці час і адпачыць адначасова!

Мы распрацавалі новы фармат, які ўключае ў сябе мноства забаўляльных актыўнасцяў, вясёлыя анімацыйныя элементы і творчую конкурсную праграму.

Мы пастараліся даць адказ на пытанне «Куды схадзіць разам з дзецьмі?» так, каб гэта было цікава, карысна, пазнавальна і разам з тым бясплатна!

Рэалізацыя дадзенай ідэі стала магчымай дзякуючы нашаму генаральнаму партнёру — сетцы крамаў «Карона». Дзякуем беларускаму бізнэсу, які падтрымлівае беларускую дзіцячую творчасць!

ПАЗНАЁМІЦЦА З ПРАГРАМАЙ МОЖНА ТУТ.

20 верасьня ў сталіцы распачнецца новы музычны сэзон – гурт HandmadE прадставіць публіцы свой дэбютны альбом – Na vačach tvajich... (На вачах тваіх...), адзін з самых адметных беларускіх дыскаў 2012 году. У імпрэзе таксама возьме ўдзел Павел Кузіч з прэм'ераю свайго новага электроннага праекту. Канцэрт адбудзецца а 19-й гадзіне ў менскім Loft cafe, кошт квіткоў – 50'000 рублёў і 60'000 рублёў (месца за столікам). Прыходзьце і на свае вушы пачуйце адно з самых яркіх беларускіх музычных адкрыцьцяў апошняга часу!

Першы студыйны альбом гурту HandmadE быў прэзэнтаваны ўвесну на партале "Тузін Гітоў", улетку ж яго ў рэальным выглядзе пад назваю "На вачах тваіх..." выдала кампанія BelTonMedia. Самая першая прэзэнтацыя новага альбому слухачам адбылася ўлетку на фэстывалі "Пікнік.BY", а клюбная прэм'ера заплянаваная акурат на адкрыцьцё канцэртнага сэзону, які распачынае інтэрнэт-партал Tuzin.fm пры падтрымцы кампаніі "Будзьма беларусамі!".

Цяпер канцэрты ў межах праекту "Жывы Тузін" маюць праходзіць штомесяц, і стаўка гэтым разам будзе зробленая не на акустычныя выступы, як было летась, а на эксклюзіўныя прэм'еры – як ад маладых, гэтак і ад ужо вядомых беларускамоўных выканаўцаў. Весьці гэтыя канцэрты традыцыйна будзе Алег Хаменка – музыка і нязьменны вядоўца радыёвэрсіі гіт-параду "Тузін Гітоў".

Між іншым, не забыліся хлопцы з гурту HandmadE і на тое, што сёлета – акрамя юбілеяў Купалы і Коласа – спаўняецца і 100 гадоў з дня нараджэньня яшчэ аднаго клясыка беларускае літаратуры Максіма Танка. Сярод некалькіх прэм'ераў, якія абяцае лідэр гурту Яўген Валошын, будзе і новая песьня "Сіньярыта з Коста-Рыкі" на верш Яўгена Скурка (сапраўдныя імя і прозьвішча Максіма Танка). Лідэр HandmadE накіраваўся ў гэтую краіну роўна празь 50 год пасьля свайго славутага земляка і вялікага беларускага паэта ды трапіў у такую самую сітуацыю, а менавіта – закахаўся ў тамтэйшую дзяўчыну. "Толькі мне, відаць, пашанцавала больш, чымся Танку, бо я ня быў абцяжараны дзяржаўнымі паўнамоцтвамі і выправіўся ў Лацінскую Амэрыку, каб трошкі пабавіцца там, пажыць, зрабіўшы тое, пра што, напэўна, марылася нашаму паэту паўстагоддзя таму", – іранізуе Яўген.

Шаноўныя сябры!

Цэнтральны ўік-энд жніўня для нас азначаны дзьвюма сьветлымі датамі — 15 жніўня мы віншуем з Народзінамі выдатнага рокера і шматгадовага лідэра гуртоў "Бонда" і "КРАМА" Ігара Варашкевіча, а 16 жніўня свой 29-ы Дзень нараджэньня сустрэне наш дырэктар і кіраўнік "Беларускай Прасторы" Алесь Квіткевіч.

І калі Алесь свой Дзень нараджэньня ўжо традыцыйна і каторы год сустракае ў Львове на тамтэйшым рок-фэстывалі "Захід", то Ігар Варашкевіч зь сябрамі якраз заплянавалі адмысловы канцэрт у Менску, на якім мы таксама АВВА-вяскова будзем! :)

То, далучаемся да ўсіх віншаванняў — дай Бог гэтым людзям сілы і здароўя зрабіць яшчэ шмат дзеля пашырэньня "Беларускай Прасторы"! — і запрашаем на вялікі сьвяточны канцэрт гурту "КРАМА", які адбудзецца 30 жніўня ў рэстарацыі "Сябры" ("Друзья"). Пачатак а 19-й гадзіне і... далей самае цікавае!

Кожны з вас можа выйграць квіток на гэты канцэрт або новы дыск гурту "КРАМА" з альбомам "Белая вада" з аўтографамі ўсіх удзельнікаў калектыву! Зрабіць гэта вельмі проста — прыняць удзел у спэцыяльнай акцыі "Беларускай Прасторы", якая называецца "КРАМА. Будзь разам з намі!"

Чытаць далей, як выйграць квіток на канцэрт або новы дыск гурту "КРАМА".

Выдавецтва "ПАПЕРУС", культурніцкая пляцоўка “Беларуская Прастора” і Інстытут імя Гётэ ў Менску запрашаюць на мерапрыемствы з нагоды выхаду ў сьвет кнігі Ёнаса Люшэра "Вясна барбараў" па-беларуску. У навэле яскрава апісваецца, як сусьветны фінансавы бамонд увадначасьсе ператвараецца ў статак барбараў, і што з гэтага выходзіць…

У Эўропе кніга ўжо сталася сапраўдным бэстсэлерам – толькі на мове арыгіналу агульны наклад перавысіў 60'000 прададзеных экзэмпляраў. Цяпер і беларускі чытач можа пазнаёміцца з творчасьцю прагрэсіўнага эўрапейскага пісьменьніка – больш за тое, пазнаёміцца зь ім асабіста! Спадар Люшэр прыме ўдзел у прэзэнтацыях беларускамоўнага выданьня ў Менску, Віцебску й Гомлі, зьдзейсьніўшы своеасаблівае турнэ па Беларусі – краіне, стан “барбарызаванасьці” якое ён пакуль што не бярэцца ацаніць.

Запрашаем і вас пазнаёміцца з узыходзячай зоркай сучаснай эўрапейскай літаратуры – маладым, але, безумоўна, самабытным творцам – і ягоным нашумелым творам "Вясна барбараў", які адгэтуль можна і трэба чытаць па-беларуску!

Прэзэнтацыі адбудуцца:
Віцебск: 2 сьнежня, а 16-й гадзіне ў Віцебскім абласным краязнаўчым музэі (Ратуша), вул. Леніна, 36.
Гомель: 3 сьнежня, а 12-й гадзіне ў Гомельскай абласной бібліятэцы імя Леніна, пл. Перамогі, 2А.
Менск: 4 і 5 сьнежня, а 19-й гадзіне ў актавай залі Інстытута імя Гётэ, вул. Веры Харужай, 25/3; 4 паверх. УВАГА: 4 і 5 сьнежня праграмы будуць адрозьнівацца!

На ўсе мерапрыемствы ўваход вольны.

У імпрэзах бяруць удзел:
Ёнас Люшэр, аўтар;
Ірына Герасімовіч, перакладніца, мадэратарка;
Сяргей Паўлавіцкі, рэдактар;
Максім Карасцялёў, артыст Нацыянальнага акадэмічнага тэатра імя Янкі Купалы; мастацкае чытаньне тэксту.
А таксама іншыя асобы, якія мелі непасрэднае дачыненьне да выхаду кнігі ў Беларусі і Расіі.

Кніга Люшар Ёнас. Вясна барбараў

На шыкоўным курорце ў Тунісе прадстаўнікі лёнданскага фінансавага сьвету гуляюць на вясельлі, куды трапляе і спадар Прайзінг — надзвычай «памяркоўны» ўладальнік буйной швэйцарскай кампаніі — чалавек, якому абы не рабіць актыўных дзеяньняў і наогул не прымаць аніякіх рашэньняў...

У гэты час ідзе прахам уся брытанская фінансавая сыстэма, падымаецца страшэнны вэрхал, і нават хвалёная памяркоўнасьць не ратуе галоўнага пэрсанажа ад сапраўднага барбарства, што хавалася пад танюткім вэлюмам «цывілізаванасьці».

Чытаць навіну цалкам.

Панове і спадарове!

Калі вы раптам яшчэ не сплянавалі сабе справаў на гэтыя выходныя — то вы маеце цудоўную мажлівасьць трапіць на адно з самых адметных мерапрыемстваў году, якое завецца "Фестываль міфалогіі. У гасьцях у Лепельскага Цмока".

Арганізатары падрыхтавалі столькі ўсяго цікавага (а колькі яшчэ мы пачулі на словах, што не ўвайшло ў афішу!), што нават пералічваць гэтага ўсяго ня мае сэнсу — прасьцей прыехаць і пабачыць усё ўжывую. Гэтая нетрывіяльная падзея адбудзецца ў слаўным і гасьцінным горадзе Лепелі 8 жніўня ў Гарадзкім парку. Пачатак аб 11-й гадзіне.

Лішне казаць, мы — зладжаная каманда "Беларускай Прасторы" — ніяк не маглі праігнараваць такога шыкоўнага запрашэньня, і з радасьцю пагадзіліся прыехаць. Тым больш, што запрашаюць нас туды самі арганізатары і сталыя сябры "Беларускай Прасторы" — і робяць гэта далёка ня ў першы раз, так што, як кажуць, гэтым разам усе зоркі супалі :)

Для тых, хто яшчэ знаходзіцца ў пачуцьці лёгкай настальгіі па мінулых выходных, калі мы разам з вамі гэтаксама няблага прабавілі час на фэстывалі "Дружба" — а таксама для тых, хто зь нейкіх прычынаў ня змог там аказацца, — няхай будзе смачным падарункам вось гэты прыўкрасны рэпартаж пра падзею ад мэгаталенавітага фатографа Аляксандра "Таранціны" Ждановіча.

Што ж да Лепеля, то тамтэйшы фэст абяцае быць прыемным завяршэньнем гэтага дужа сьпякотнага тыдня. Трэба спадзявацца, што Лепельскі Цмок праявіць літасьць і ў давяршэньне сьпёкі ня зьнішчыць полымем з свайго роту ўсяго, што яшчэ пакуль трымаецца ў гэтым сьвеце :)

Чытаць навіну цалкам.

Беларуская аўдыёкніга – рэч досыць сьвежая. Аўдыёкнігі, начытаныя самімі аўтарамі, рэч да ўсяго яшчэ і вельмі аўтэнтычная. Да нядаўняга часу такія мелі ўсяго некалькі пісьменьнікаў – Арлоў, Гілевіч, Някляеў, Хадановіч ды колькі маладзейшых. І вось, здаецца, усё стала на свае месцы. Паўнавартасную аўдыёкнігу (маецца на ўвазе адмыслова выдадзены дыск) займеў карыфэй беларускае літаратуры, духоўны лідэр апошняга беларускага Адраджэньня, якім яго многія заслужана лічаць, – Народны (ува ўсіх сэнсах) пісьменьнік Беларусі Васіль Быкаў.

Мы ўжо наўрад калі трымацьмем у руках асобныя дыскі з найлепшымі творамі Купалы, Коласа, Гаруна, Гарэцкага, Багдановіча ў аўтарскім выкананьні, і таму аўдыёкнігу "голасам Быкава" можна безь перабольшаньняў назваць артэфактам беларускае культуры.

Прычым гэта ўжо другі аўдыёдыск, дзе гучыць голас Народнага пісьменьніка – першы называўся "Быкаў на Свабодзе", і таксама выдаваўся беларускаю службаю аднайменнага радыё. Але тое была публіцыстыка, якой пісьменьнік таксама надаваў значную ўвагу, а дыск "Васіль Быкаў. Доўгая дарога дадому. Чытае аўтар" – гэта менавіта аўдыёкніга, больш за тое, мэмуарная.

Шаноўнае спадарства, павіншаваць сяброў, сваякоў, блізкіх, родных і каханых густоўна зробленаю паштоваю карткаю стала нашмат прасьцей!

Істотна папоўніўся разьдзел "Паштоўкі" ў катэгорыі "Іншае" на Prastora.by.

Прапаноўваем вашай увазе паштоўкі ад дызайнэраў і мастакоў Рамана Шыка, Міколы Купавы, Аляксея Кульбіцкага і Ўладзімера Цэсьлера...