Ілюстраваная гісторыя. Тэкст Уладзімір Арлоў, мастак Зьміцер Герасімовіч. Рэцэнзенты: Анатоль Грыцкевіч, Уладзімір Ляхоўскі. Рэдактар Зьміцер Санько ; картограф Віктар Цемушаў. — KALLIGRAM, spol s r.o., 2012. — 400 с. : іл. — Вялікі фармат, цвёрдая вокладка.

ISBN 978-985-6919-82-7

Займальная і даступная для чытача любога ўзросту і ўзроўню адукацыі, кніга прысвечаная найцікавейшай эпосе нашай мінуўшчыны — часам Вялікага Княства Літоўскага, дзе скансалідаваўся беларускі народ, беларускія землі адыгрывалі вызначальную ролю, а старабеларуская мова была дзяржаўнай.

ЗМЕСТ

Славяне і балты
Старажытныя беларускія княствы
Пагроза з захаду і ўсходу
Новагародак і Літва
Новая беларуская дзяржава. Міндаў (Міндоўг)
Аб’яднанне нашых земляў
Вялікі князь Гедзімін (Гедымін)
Паходы вялікага князя Альгерда
Князь Ягайла. Крэўская вунія
Краіна ад мора да мора. Вітаўт Вялікі
Разгром тэўтонцаў пад Грунвальдам
Уладаранне Казіміра Ягайлавіча
Царква і талеранцыя
Культурныя здабыткі
Тэрыторыя Вялікага Княства
Гаспадар. Рада. Сойм
Герб. Сцяг. Гімн
Дзяржаўная мова
Сялянства
Магнаты і шляхта
Магдэбургскае права
Купцы і рамеснікі
Вільня — сталіца нашай дзяржавы
Беларускае рыцарства
Абарона ад Масковіі і татараў
Аршанская бітва
Беларускі народ. Мы — ліцьвіны
Літва-Беларусь — усходні рубеж Рэнесансу
Адукацыя. Беларускія студэнты ў Еўропе
Віленская акадэмія
Літаратура эпохі Рэнесансу
Архітэктура і мастацтва
Беларуская Біблія. Францішак Скарына
Кнігадрук
Інфлянцкая вайна. Сцяпан Батура
Рэч Паспалітая Абодвух народаў
Статуты Вялікага Княства
Канцлер Леў Сапега
Рэфармацыйны рух
Берасцейская вунія. Яднанне цэркваў
Уладаранне Жыгімонта Вазы
Вайна з Швецыяй
Войны з Расеяй у першай палове XVII стагоддзя
Крывавы патоп
Вялікі князь і кароль Ян Сабескі
Культурны ўплыў на Расею
Паўночная вайна. Хаўруснікі ці захопнікі?
Заняпад Вялікага Княства
Першы падзел Рэчы Паспалітай
Рэформы. Канстытуцыя 1791 года
Адукацыя і навука ў другой палове XVII — XVIII стагоддзі
Культура Вялікага Княства ў эпоху Асветніцтва
Другі падзел дзяржавы
Паўстанне Тадэвуша Касцюшкі. Трэці падзел
Пад расейскай уладай
Вайна 1812 года. Спроба аднавіць дзяржаву
Вызвольная барацьба
Каланіяльны ўціск. Русіфікацыя
Паўстанне Кастуся Каліноўскага
Нацыянальнае адраджэнне
Летувіскі нацыянальны рух
Канфедэрацыя Вялікага Княства Літоўскага
Абвяшчэнне незалежнасці Беларусі і Летувы
БССР і ЛітБел
Дачыненні паміж БНР і Летувой
Сярэдняя Літва
Сталіца Заходняй Беларусі
Страта Вільні і Віленскага краю
Віленшчына ў 1939 — 1944 гадах і паваенным часе
Беларусы ў сучаснай Летуве

Чытача чакае сустрэча з выдатнымі гістарычнымі асобамі: палітыкамі, военачальнікамі, асьветнікамі. Кніга знаёміць з жыцьцём і побытам, ваеннымі перамогамі і культурнымі дасягненьнямі продкаў. На аснове гістарычных фактаў даводзіцца, што найменьні «Літва» і «ліцьвіны» на працягу некалькіх стагодзьдзяў былі назовамі Беларусі і беларусаў.

Аўтары не абмяжоўваюцца храналягічнымі межамі існаваньня Вялікага Княства Літоўскага. Шэраг разьдзелаў апавядаюць пра становішча нашых земляў у Расейскай імпэрыі, вызвольную барацьбу і спробы адрадзіць дзяржаву, нацыянальнае адраджэньне і лёс Віленшчыны ў ХХ стагодзьдзі.

Выданьне разбурае многія гістарыяграфічныя стэрэатыпы, а некаторыя зьвесткі прагучаць як сэнсацыя.

У кнізе блізу 2000 ілюстрацый, у тым ліку летапісныя мініяцюры, сярэднявечныя гравюры, унікальныя фотаздымкі і рэканструкцыі. Шмат якія ілюстрацыі беларускаму чытачу былі дагэтуль невядомыя.

Гісторыя нашай краіны разглядаецца як частка агульнаэўрапейскага руху цывілізацыі.

Уладзімір Арлоў (нар. 25 жніўня 1953, Полацк) — Скончыў гістарычны факультэт БДУ (1975). Працаваў настаўнікам гісторыі ў Наваполацку (1975—1976), карэспандэнтам, загадчыкам аддзелам, намеснікам рэдактара гарадской газеты «Хімік» (Наваполацк, 1976—1988), рэдактарам выдавецтва «Мастацкая літаратура» (1988—1997). Віцэ-прэзідэнт Беларускага ПЕН-цэнтра, член рады Саюза беларускіх пісьменнікаў (з 1986), член рэдкалегій часопісаў «Спадчына», «Калосьсе», «Крыніца». Жыве ў Мінску.

Зьміцер Герасімовіч (нар. 1959, Менск) — дызайнер, мастак кнігі, графік. Вучыўся на Вышэйшых курсах Дзяржкіно пры Ўсесаюзным дзяржаўным інстытуце кінематаграфіі ў Маскве і ў Львоўскім паліграфічным інстытуце. Лаўрэат шматлікіх беларускіх і міжнародных конкурсаў мастацтва кнігі.

Прагледзець відэа пра кнігу "Краіна Беларусь. Вялікае Княства Літоўскае" можна ніжэй: