Энцыклапедыя. – Мінск : Беларуская Энцыклапедыя імя П. Броўкі, 2010. – 480 с. : іл. Цвёрдая вокладка. На беларускай і рускай мовах.

ISBN 978-985-11-0534-8

Навукова-папулярнае выданне, падрыхтаванае калектывам аўтараў, прысвечана гісторыі беларускага замежжа, суайчыннікам, што пакінулі сваю гістарычную радзіму ў розныя часы і ў сілу абставін рассяліліся па ўсім свеце. Сваёй працай і талентам яны пакінулі яркі адбітак у гісторыі чалавецтва, унеслі ўкпад у развіццё навуковай думкі, культуры, адукацыі, ваеннае і палітычнае будаўніцтва краін пражывання, развіццё сусветнай цывілізацыі ў цэлым. Паэты і кампазітары, першадрукары і асветнікі, вучоныя і дзеячы культуры, военачальнікі і дзяржаўныя дзеячы... У розныя часы яны неслі і нясуць у свет лепшыя традыцыі беларускай зямлі – талерантнасць і патрыятызм, духоўнасць і асветніцтва. Выданне разлічана на шырокае кола чытачоў.

Чытачу

Вашай увазе прапаноўваецца выданне, у якім аўтарскім калектывам зроблена спроба ўзнавіць гісторыю беларускага замежжа, па магчымасці сабраць разам тую інфармацыю, якая існуе зараз аб выхадцах з беларускіх зямель, што пакінулі сваю гістарычную радзіму ў розныя часы і ў сілу абставін рассяліліся па ўсім свеце – на розных кантынентах і ў розных краінах.

Праект адкрыты для ўсіх, каму цікава і неабыякава жыццё суайчыннікаў, якія па волі лёсу апынуліся за межамі этнічных зямель. Іх гісторыі, лёсы, часта звязаныя з драматызмам, архіўныя дакументы і жывыя доказы напамінаюць нам, наколькі няпростай была гісторыя беларускага народа, працэс фарміравання беларускай нацыі.

Але, нягледзячы на ўсе складанасці, сваёй працай і талентам многія нашы суайчыннікі пакінулі яркі адбітак у гісторыі чалавецтва, унеслі неацэнны ўклад у развіццё навуковай думкі, культуры, адукацыі, фарміраванне дэмакратычных традыцый, ваеннае і палітычнае будаўніцтва краін пражывання, у развіццё сусветнай цывілізацыі ў цэлым.

Паэты і кампазітары, першадрукары і асветнікі, вучоныя і дзеячы культуры, военачальнікі і дзяржаўныя дзеячы... У розныя часы і эпохі неслі яны ў свет лепшыя традыцыі беларускай зямлі – талерантнасць і патрыятызм, духоўнасць і асветніцтва.

Прыйшоў час сабіраць каменне, па крупіцах узнаўляць гісторыю беларускага народа, неад’емнай часткай якой з’яўляецца і гісторыя беларускага замежжа.

Мы запрашаем да ўдзелу ў праекце ўсіх, хто мае матэрыялы, дакументы аб суайчынніках, культурных каштоўнасцях Беларусі, якія па розных прычынах і ў сілу розных гістарычных падзей былі вывезены з тэрыторыі сучаснай Беларусі, аднак з’яўляюцца часткай шматнацыянальнай культуры беларускага народа. Гэтыя каштоўнасці, як і людзі, перамяшчаліся па свеце, захоўваючы яшчэ не разгаданыя вынаходнікамі таямніцы эпох і стагоддзяў.

Нашымі агульнымі намаганнямі мы зможам зрабіць больш поўнай гісторыю беларускай нацыі, нашай краіны.