Літаратурная карта Пухавіччыны. Алесь Карлюкевіч. — Мінск : Беларуская Энцыклапедыя імя Пятруся Броўкі, 2011. — 304 с. : іл. — Цвёрдая вокладка.

ISBN 978-985-11-0566-9

Літаратурна-краязнаўчае даследаванне знаёміць з гісторыяй аднаго з рэгіёнаў Міншчыны. На старонках кнігі чытача чакаюць сустрэчы з А.Ельскім, М.Чаротам, Я.Коласам, А.Вольным, П.Глебкам, М.Паслядовічам, П.Рунцом, А.Бачылам, Г.Кляўко, Т.Бондар і іншымі беларускімі паэтамі, празаікамі, драматургамі. Шмат хто з іх нарадзіўся на Пухавіччыне, іншыя былі тут частымі гасцямі, пісалі свае творы на беразе Свіслачы, у маляўнічых лясных вёсках Беразянка, Глушка, Падбярэжжа...

Кніга адрасавана шырокаму колу аматараў айчыннай літаратуры, гісторыі і культуры роднага краю.

ЗМЕСТ

Ад краязнаўства да радзімазнаўства
Ад аўтара
Уступ
Мар'іна Горка. Пасёлак Мар'іна
Гарэлец і ваколіцы
Шацк
Блужа
Талька і ваколіцы
Суцін
На радзіму Міколы Каспяровіча
Балачанка
Падбярэжжа
УЗацітавай Слабадзе
Беразянка
Пухавічы і блізкія ваколіцы
У Блоні
Турын
Да Ананіч
Скобраўка
Дукора
Хазянінкі, Матарова
Голацк
Лешніца
Пярэжыр
Зазер'е
Караваева
У Свіслачы
У Дружным
Бор
У Дрычыне
Раўнаполле
Рудзенск
Ваколіцы Рудзенска
Вузляны
Азярычына
Церабель: на радзіме Уладзіміра Ляпёшкіна
«Дудуткі»
Дудзічы
Бахаравічы
Пасляслоў'е

Уступ

Відаць, прымаўка, што кожны кулік сваё балота хваліць, прыдатная, калі размова заходзіць пра блізкую, радзімую старонку. Так часам і я думаю, калі расказваю некаму пра родны Пухавіцкі раён. Бачу, што хтосьці з суразмоўцаў, надта не ўслухоўваючыся, заўважае, што, маўляў, славутасцяў адусюль пароўну. Любы раён вазьмі — адусюль пісьменнікі, паэты, навукоўцы. Ды я выключна — пра літаратурна-краязнаўчыя прыярытэты Пухавіцкага раёна, не адмаўляючы, безумоўна, кожнаму ў праве ўшанавання сваёй роднай старонкі.

А калі ўжо расказваць пра Пухавіччыну, то адна толькі яе літаратурная гісторыя вартая асобнай кнігі. Колькі паэтаў, празаікаў, крытыкаў выйшла на шырокую прастору мастацкага слова з самой Мар'інай Горкі — адразу і не палічыш. Сапраўды, складваецца ўражанне, што характар у літаратурнага натхнення пухавіцкі.

«Літаратурнае краязнаўства — тая рака, што выводзіць да шырокіх і бязмежных марскіх, акіянічных прастораў гісторыі літаратуры і нават літаратуразнаўства і літаратурна-мастацкай крытыкі. Веданне пра тое, у якіх умовах фарміраваўся ў дзяцінстве талент будучага пісьменніка, хто, якія яркія асобы з мясцовых жыхароў ўплывалі на мову і мысленне будучага творцы, усё гэта дапамагае зрабіць свет паэта ці празаіка болей зразумелым і ясным, а ў выніку дазваляе ўзбагаціць чытача, усё грамадства ў гуманістычных і светлых перакананнях...».
Алесь Карлюкевіч

Алесь Карлюкевіч Нарадзіўся 6 студзеня 1964 у вёсцы Зацітава Слабада, Пухавіцкага раёна, Мінскай вобласці, Беларусь) — беларускі краязнаўца, літаратуразнаўца, журналіст.

Скончыў аддзяленне журналістыкі Львоўскага вышэйшага ваенна-палітычнага вучылішча (1985) і Акадэмію кіравання пры Прэзідэнце Рэспублікі Беларусь (2002). У 1981—1995 гадах служыў ва Узброеных Сілах СССР і Рэспублікі Беларусь. Працаваў у газетах «Звязда» (1995—1998), «Чырвоная змена» (1998—2002) — галоўны рэдактар, «Советская Белоруссия» (2002—2006). У 2006—2011 гадах дырэктар рэдакцыйна-выдавецкай установы «Літаратура і мастацтва». Адначасова ў 2009—2011 гадах галоўны рэдактар газеты «Літаратура і мастацтва», што ўваходзіла ў склад РВУ.

8 лістапада 2011 года прызначаны галоўным рэдактарам газеты «Звязда». З лістапада 2012 года — адначасова выконваючы абавязкі, са снежня 2012 — дырэктар-галоўны рэдактар Выдавецкага дома «Звязда». З кастрычніка 2011 года адначасова з'яўляецца старшынёй Мінскага абласнога аддзялення Саюза пісьменнікаў Беларусі.