Вершы. – Мінск: Галіяфы, 2012. – 44 с. – (Серыя "Час Воблы"; Выпуск 1).

ISBN 978-985-6906-63-6

У кнізе сабраныя вершы, напісаныя ў 2009-2011 гг. "Соль і неспакой" - гэта спроба сказаць. Што менавіта сказаць, кожны чытач мусіць вызначыць для сябе сам.

ЗМЕСТ

КАКТЭЙЛЬ КРЫВАВАЕ/Э/РЫ. Арцём Кавалеўскі

"навошта спадзявацца на невядомасць..."
"як пыльца выпадковага матыля..."
"ты можаш казаць..."
"я не плачу ўвосень..."
"цыганскія дзеці..."
"не паспяваю занатоўваць..."
"тут халодна..."
"мора?.."
"выдатна ведаю каму..."
"забудзься на гэта..."
"у кабіне ліфта цыркулюю
паміж паверхамі..."
умоўнасць
"пытальнікамі ліхтароў..."
"залішне сумна..."
Знакі прыпынку
"як мне паклікаць цябе..."
"сустрэчы ў метро..."
"лячуся..."
лістапад
"давай..."
"дзе кропка..."
"кожная цукрова-ватная аблачынка..."
"прыкладаю свае далоні..."
"горш за малако з мёдам..."
нататкі пад бокам у мора
"цвёрдая як фундук у цукры..."
"на варце нечаканасцяў..."
картаграфія
"не трэба глядзець у твае вочы каб здагадацца..."
"клёны цягнуць свае рукі долу..."

навошта спадзявацца на невядомасць...

навошта спадзявацца на невядомасць
калі пальчаткі ўсё роўна пахнуць тытунем

навошта шкадаваць сваю ўпартасць
у пагоні за сусветам акуляраў і позіркаў

глядзець у вока калейдаскопа
і акрамя стракатых шкельцаў
ані нічога не бачыць

выпускаць з запясцяў гнілыя вершы
самаробныя пачуцці ды бязважкія пытанні

нашто ўсё гэта калі вядома
што Тая Самая Кніга Адказаў
яшчэ не напісана

таму і вучыцца чытаць пакуль што рана