Новы твор Уладзіміра Някляева, прысвечаны Янку Купалу, у папяровым і аўдыё фармаце!

З нагоды 75-гадовага юбілею пісьменніка, рыхтуецца да выдання новы маштабны раман, прысвечаны Песняру зямлі беларускай Янку Купалу. І Беларусі, якая жыла і будзе жыць у Прасторы і Часе.

Ёсць людзі

"Ёсць людзі, якя бачаць дарогу толькі тады, калі іх па ёй вядуць".

Так пачынае Уладзімір Някляеў свой новы раман "Гэй Бэн Гіном", што значыць: "Геена вогненная".

Раман пра Янку Купалу. Пра ягоны лёс, пра таямніцу ягонай гібелі ў гатэлі "Масква". І аўтар вядзе нас да гэтай таямніцы.

Першы сказ рамана – ягоны сціснуты змест.

Ідэя, якая ў пытанні: "Мы самі выбіраем свой шлях, ці выбіраюць за нас?"

Раман пра Беларусь і беларусаў. Пра тое, як мы памерлі і ўваскрэслі.

Праз геену вогненную праходзіць у рамане разам з Купалам Хрыстос. Гэтым жа шляхам крочаць іншыя персанажы: Ленін і Сталін, камісар Берыя і патрыярх Ціхан, святыя Ганна і Серафім, паганцы Круглец і Няжыла, Брэжнеў і Хрушчоў, Маякоўскі і Горкі, Быкаў і Караткевіч… Сакратары партыйнага ЦК, кагэбісты, артысты, пісьменнікі, паэты, вялікія літоўскія князі...

Гэтым раманам Уладзімір Някляеў адзначае свой юбілей: 11 ліпеня яму 75!

Аўтар працаваў і працуе для таго, каб усім было відаць, ёсць беларускі народ, які чытаў, слухаў і будзе чытаць ды слухаць па-беларуску!