13 трэкаў / Агульны час гучаньня 49:49. © Naka, А. Шпаковская, 2010. (р) ТДА "Вестрекордс-плюс", 2010.

Трэк-ліст

1. Время
2. By You
3. Жажда
4. Фабрика звёзд
5. Опять
6. ПТУ
7. Осень
8. Сострадание
9. Цветочки
10. Подонки
11. Беги
12. Пора
Бонус:
13. Бяжы

+ дыск упакаваны ў кардонны DJ-pack

Афіцыйны сайт гурту: www.naka.by

Альбом "Пора" гурта Naka на чале з новай рок-князёўнай Настай Шпакоўскай – стаў першым рэлізам у беларускай музыцы ў 2010 годзе. Хоць і збудаваная праграма па тым жа прынцыпе, што і дэбютнік "Тебе", ёсьць тут адкрыцьцё – гурт, што прапагандуе ўдумлівы расейскі рок, адкрываецца ў беларускім кантэксьце. Музыканты нават подпіс на сваім афіцыйным сайце зьмянілі – з "Русский рок" на "Белорусский рок от рок-группы Naka".

Другі дыск калектыва збудаваны па тым жа прынцыпе, што і дэбютнік "Тебе" – стаўка на кранальныя ўдарныя баляды, зробленыя ў тыповай расейскарокавай манеры, ды колькі жвавенькіх нумароў на ўлюбёную тэму расейскіх жа рокераў, што маюць на мэце абсьмяяць гопнікаў ды папсароў. У Насты добра выходзяць лірычныя песьні ("Фабрика звёзд", "Опять", "Пора", "Бяжы"). Такія ў іх сум ды туга, што не суперыжываць проста немагчыма. А вось шэраг нумароў сацыяльнай праблематыкі ("ПТУ" ды "Подонки") надта псуюць мэлядычную ўтульнасьць, што стварае альбом – перадусім праз рыхласьць вобразаў. "Кто не понял, он герой, он не вялый пластырь", – во такое можна пачуць.

На гэтым альбоме Naka адкрываецца і ў беларускім кантэксьце – гаворка ня толькі пра звышэмацыйную "Бяжы", але і пра пякучую міні-рок-опэру – "BY YOU". Гэта дзьве лепшыя песьні альбома, якія пацьвярджаюць слушнасьць выбара Юрыя Цыбіна, які вырашыў сёлета назваць Насту рок-князёўнай усяе Беларусі. (Паводле музычнага парталу "Тузін Гітоў")

Рэцэнзія Сяргея Пукста на альбом "Пора" тут.

Фрагмэнты трэкаў "BY YOU" (1) і "Бяжы" (2) можна праслухаць ніжэй.