9 трэкаў / Агульны час гучаньня 01:01:25. © СТАА "Вігмагруп", этна-трыо ТРОІЦА, 2011.

Трэк-ліст

1. Зімачка
2. Мар'я
3. Козка
4. Котка
5. Козачэ
6. Родзе
7. Як з двара...
8. Дабранач
9. Сонца коціцца

+ дыск упакаваны ў кардонны digi-pack, на якім надрукваныя тэксты песень

Шостая плытка ў дыскаграфіі этна-трыо Троіца, якая атрымала безьліч ухвальных рэцэнзіяў і станоўчых водгукаў, што вылілася ў 5 узнагародаў ад парталу experty.by і адну Рок-карону. Экспэрты бадай адзінадушна назвалі "Зімачку" найлепшым альбомам 2011 году.

Кірчук, Дзьмітрыеў і Паўлоўскі стварылі на варшаўскай студыі музычны цуд у выглядзе свайго шостага нумарнога дыска "Зімачка". Гэта фактычна першы беларускі 3D-альбом, толькі што замест адмысловых акуляраў тут спатрэбяцца навушнікі, каб улавіць усе нюансы гучаньня гэтых чароўных песень.

Электра-гітары "Троіца" ў дарогу не ўзяла. Іх новая праграма вытрыманая ў той жа стылістыцы, як і папярэдні дыск "Сон-трава", рокавых усплёскаў, што былі ў "Жар-жары" тут няма. Этна-трыё ўводзіць у транс зь першай жа песьні – проста геніяльна аранжаванай "Зімачкі", якая зь першых гукаў забірае з сабой, і так шкада на шостай хвіліне, што ўся гэта прыгажосьць сканчаецца. Але за ім яшчэ адзін музычны шэдэўр – пра Мар’ю, што гусей-лебедзей, то бок хлопцаў, заманьвала. А за ім яшчэ і яшчэ… Зь дзевяці трэкаў альбома вылучыць нешта немагчыма – кожны зь іх як асобны твор мастацтва, які трэба смакаваць, каб прасякнуцца напоўніцу.

У кожным з гэтых трэкаў схаваны цэлы космас. Завываньні-галашэньні Кірчука (у "Сонца коціцца" ўражаньне такое, што нібы Хвасьценка яму "адтуль" падпявае), сакавітая гітара Дзьмітрыева і фантастычнае, бо незямное, гучаньне пэркусій Паўлоўскага ў суме даюць альбом, які наўрад ці калі-небудзь можа дакучыць. Гэта фолькавы "The Dark Side of the Moon", калі хочаце. І вельмі карціць назваць яго лепшым ня тое, што ў дыскаграфіі гурта, але і ва ўсёй беларускай музыцы. Прынамсі сёлета.

Сяргей Будкін

Прачытаць рэцэнзіі на альбом "Зімачка" можна тут і тут.

Праслухаць фрагмэнты трэкаў "Зімачка" (1), "Котка (2) і "Сонца коціцца" (3) можна ніжэй.