Кнігі дзеткам

Бадак Алесь. Насякомыя
4.97 р.

Бадак Алесь. Насякомыя

Якія насякомыя, як і птушкі, адлятаюць у вырай? Хто з насякомых самы хуткі? Як насякомыя адрозніваюць "сваяка" ад чужынца? Ці праўда, што начныя матылькі чуюць лепш за людзей, а восы будуюць папяровыя домікі? За што птушкі не любяць божую кароўку? Навошта мурашкі на зіму пераносяць тлю ў свае домікі? На гэтыя, а таксама на шматлікія іншыя пытанні можна знайсці адказы ў кнізе. Выданне багата ілюстравана каляровымі фотаздымкамі.

Баравікова Раіса. Ты не слухай Мішку, коцік!
6.99 р.

Баравікова Раіса. Ты не слухай Мішку, коцік!

Чарговая кніга з серыі "Нашым дзеткам" паэткі Раісы Баравіковай і мастачкі Мілы Шыдлоўскай будзе цудоўным падарункам як малым, так і іх бацькам, паколькі адпавядае крытэрам добрага выдання для самай складанай, па сутнасці, групы чытачоў.

Барадулін Рыгор. Вушацкі словазбор
12.49 р.

Барадулін Рыгор. Вушацкі словазбор

Пад адной вокладкай нарэшце сабраныя неацэнныя скарбы беларускай мовы, якія, пачынаючы са школьных гадоў, бесперапынна занатоўваў за роднымі й землякамі народны паэт Беларусі, — асобныя словы, прымаўкі й пад’ялдычкі, зычэнні й грозьбы, а таксама народны каляндар, замовы, стравы, звычаі, гаспадарчыя й жыццёвыя парады й шмат іншага.

Барадулін Рыгор. Выпаў грук у грома з рук
4.49 р.

Барадулін Рыгор. Выпаў грук у грома з рук

Кнігу народнага паэта Беларусі, намінанта на Нобелеўскую прэмію ў галіне літаратуры Рыгора Барадуліна склалі вершы, загадкі, лапатушкі, цвялілкі, бубнілкі, пацешкі. Чытанка адрасуецца дзеткам, іх матулям і татусям, бабулям і дзядулям, выхавацелькам і настаўнікам.

Барадулін Рыгор. Сябрына
6.99 р.

Барадулін Рыгор. Сябрына

Вельмі файна ілюстраваная і зручнага фармату дзіцячая кніжка – вершы дзядзькі Рыгора выдатна аздобіла мастачка Мая Пракаповіч. Адна з найлепшых кніжак для дзяцей, выдадзеных апошнім часам! Новая серыя кніг “Нашым дзеткам” адрасуецца самым маленькім.

Бачыла Алесь. Радзіма мая дарагая
4.99 р.

Бачыла Алесь. Радзіма мая дарагая

Вершы вылучаюцца сацыяльна-філасофскім зместам, прасякнуты пачуццём любові да роднай Беларусі і глыбокім роздумам над яе гістарычным мінулым і будучыняй.

Акрамя вершаў у кнігу ўвайшлі эсэ "Дарогамі Максіма Багдановіча", дзе аўтар раскрывае як даследчык многія старонкі творчага і жыццёвага шляху М. Багдановіча.

Бензярук Анатоль. Свята для сэрца
4.49 р.

Бензярук Анатоль. Свята для сэрца

Гэтая кніга – простая і шчырая размова пра малую радзіму, нашыя гістарычныя вытокі і багатую культурную спадчыну. Аўтар распавядае пра складаную і надзвычай цікавую гісторыю Брэстчыны, пра таямніцы мінулага ды таленавітых людзей, якія праславілі наш край.

Блакітная кніга ў творах беларускіх пісьменнікаў
3.31 р.

Блакітная кніга ў творах беларускіх пісьменнікаў

Сярод герояў кнігі – жабяня Квыш-Квыш, лянівая Чарапаха, Выдра-Выдраніца і шмат іншых. Амаль у кожным апавяданні, казцы, вершы праслаўляюцца вадаёмы Радзімы: Нёман, Свіцязь, Свіслач, Блакітныя азёры, а таксама падаецца шмат цікавай і карыснай інфармацыі пра навакольны свет.

Бубен Уладзіслаў. Марцін і кацяня
1.99 р.

Бубен Уладзіслаў. Марцін і кацяня

Кнігу "Марцін і кацяня" псіхолаг, выкладчык лінгвістычнага ўніверсітэта Уладзіслаў Бубен і мастачка Марыля Крывальцэвіч стваралі для самых маленькіх. "Кнігі для дзяцей да трох гадоў павінны ўтрымліваць невялікую колькасць інфармацыі, праз якую дзіця можа засвоіць і ўсвядоміць каштоўнасці грамадства і правілы паводзінаў у соцыуме. Ілюстрацыі павінны быць кантраснымі, яркімі, выявы – зразумелымі дзіцяці", – падкрэсліваюць аўтары і дораць маленькім чытачам сваю ўласную гісторыю пра добрага хлопчыка і кацяня.

Бутэвіч Анатоль, Ягоўдзік Уладзімір. На далонях вечнасці
12.99 р.

Бутэвіч Анатоль, Ягоўдзік Уладзімір. На далонях вечнасці

Кніга расказвае пра найбольш памятныя і значныя падзеі, з'явы, помнікі прыроды, культуры і гісторыі, пра выбітныя асобы, якімі адметна сярод іншых наша Беларусь. Даўнія падзеі і героі нібыта клічуць нас зазірнуць за намітку гісторыі, за яе небакрай, каб даведацца: а што ж было там і тады, дзе і калі не было нас, сённяшніх, як і дзеля чаго жылі нашы далёкія продкі, што рабілі чым займаліся, што пакінулі пасля сябе?

Бутэвіч Анатоль. Чараўніца Восень і Сняжынка падарожніца
3.99 р.

Бутэвіч Анатоль. Чараўніца Восень і Сняжынка падарожніца

Кожны дзень, кожную хвіліну вакол нас адбываюцца незвычайныя з'явы і неверагодныя падзеі. Трэба толькі ўмець бачыць нябачныя цуды, хацець слухаць ненапісаныя казкі, якія расказвае нам сама прырода. Паглядзі, як пяшчотна лашчыць сонейка кожную травінку і кветачку, кожнага звярка і птушку. Паслухай, якую ўдзячную песню спявае месяцу і зорам салавейка. Паназірай, як лёгка падае на зямлю, ратуючы яе ад холаду, нябесная сняжынка, як доўга кружыцца ў лаветры пажоўклы восеньскі лісток, назаўсёды развітваючыся з роднай галінкай. I тады ты зразумееш, што ўсе мы жывём у казцы. Самай сапраўднай і непаўторнай казцы жыцця. У гэтую займальную казку запрашаюць цябе чараўніца Восень і Сняжынка падарожніца.

Быкаў Васіль. Сотнікаў. У тумане
6.99 р.

Быкаў Васіль. Сотнікаў. У тумане

Што такое чалавек перад знішчальнай сілай бесчалавечных абставін? На што ён здольны, калі магчымасці захаваць жыццё вычарпаныя да канца і прадухіліць смерць немагчыма?

Васіль Быкаў зноў і зноў ставіў гэтыя пытанні ў сваіх творах.

Вашкевіч Дар'я. Баваўняная дзяўчынка
15.99 р.

Вашкевіч Дар'я. Баваўняная дзяўчынка

Кніга Дар’і Вашкевіч "Баваўняная дзяўчынка" — пра і для дзяўчатак і хлопчыкаў ад двух да ста дзевятнаццаці гадоў. Яе можна чытаць удзень і ўначы, нашча ці толькі што пад’еўшы бабулінага супчыку, лежачы пад коўдраю або ўскараскаўшыся на яблыну. Галоўнае пры гэтым — кагосьці любіць. А астатняе — дэталі.

Вашчанка Аляксандр. Хлопчык Лёкса і Купальскі Дзядок
6.09 р.

Вашчанка Аляксандр. Хлопчык Лёкса і Купальскі Дзядок

Сюжэт аповесці пабудаваны на тым, што гарадскі хлопчык прыязджае на канікулы ў вёску да бабулі і ў час святкавання Купалля знаёміцца з дзядком, які распавядае яму і ягоным сябрам паданні пра Змея, ваўкалакаў, дамавікоў, русалак, Вужынага цара. Пераплятаюцца гісторыя і сучаснасць, далёкае мінулае робіцца блізкім і зразумелым.

Верамейчык Сяргей. Міхал Клеафас Агінскі, 1765 – 1833: продкі, жыццё ў Залессі,
3.99 р.

Верамейчык Сяргей. Міхал Клеафас Агінскі, 1765 – 1833: продкі, жыццё ў Залессі, нашчадкі

Кніга, напісаная краязнаўцам і на краязнаўчым узроўні, з'яўляецца займальным храналагічным даведнікам жыцця выдатнага кампазітара і дзяржаўнага дзеяча М. Кл. Агінскага і будзе вельмі карыснай для настаўнікаў, вучняў і ўсіх цікаўных да гісторыі Беларусі.

Вершаваная энцыклапедыя жывёльнага свету
19.99 р.

Вершаваная энцыклапедыя жывёльнага свету

"Вершаваная энцыклапедыя жывёльнага свету" — унікальная кніга, якая ўпершыню лучыць вершы пра жывёл і энцыклапедычны прынцып падачы матэрыялу. У адрозненне ад класічнай энцыклапедыі "Вершаваная энцыклапедыя жывёльнага свету", апрача пазнавальнай функцыі, выконвае таксама эстэтычную, творчую, выхаваўчую, патрыятычную, экспрэсіяністычную і забаўляльную функцыі.

Вісландэр Юя, Вісландэр Томас. Малы і Білан
6.99 р.

Вісландэр Юя, Вісландэр Томас. Малы і Білан

"Малы і Білан" – працяг кнігі "Малы і Мядзведзік" шведскіх пісьменнікаў Юі і Томаса Вісландэраў. У другой частцы Малы і Білан крыху пасталелі і ўжо амаль навучыліся пісаць, чытаць ды лічыць. Яны па-ранейшаму гуляюць разам амаль штодзень, а Малы штовечар распавядае пра ўласныя прыгоды свайму найлепшаму сябру – Мядзведзіку.

Вісландэр Юя, Вісландэр Томас. Малы і Мядзведзік
1.36 р.

Вісландэр Юя, Вісландэр Томас. Малы і Мядзведзік

Гэтая кніга – адна з найлюбімейшых у Швецыі. Аўтары з неверагоднай увагай і павагай да асобы Малога расказваюць пра свет яго захапленняў, мараў, прыдумак і гульняў. З гледзішча дарослых гэта ўсё можа падавацца дробяззю. Але Мама Малога так не лічыць. Ва ўсім для Малога яна найлепшы дарадца і сябра.

Вісландэр Юя. Мама Му прыбірае
14.99 р.

Вісландэр Юя. Мама Му прыбірае

- Я назбірала кветак і працерла пыл на падваконні. Не ўсе каровы могуць гэта рабіць.
- Рабіць што? - запытаўся Крумкач.
- Прыбірацца ў кароўніку, - спакойна патлумачыла яму мама My.
- Прыбірацца?! - абурыўся Крумкач. - Ушчыкніце мяне за пёркі! Ты крыху паматляла хвастом. I гэта па-твойму прыбірацца?

Вісландэр Юя. Мама Му чытае
11.49 р.

Вісландэр Юя. Мама Му чытае

Каровы не БУДУЦЬ чытать кнігі! Каровы будуць сядзець у кароўніку!!! Кар! Крумкач поюхнуўся на зямлю. – І чаму ты не можаш займацца больш звычайнымі справамі? – уздыхнуў ён. – Катацца на ровары ці караскацца па дрэвах ці яшчэ чым. – А мне так спадабалася чытаць, Крумкач, – патлумачыла Мама Му. – Калі навучышся чытаць, можна даведацца пра што заўгодна!

Вітушка Сяргей. Дзінь-дзілінь
4.99 р.

Вітушка Сяргей. Дзінь-дзілінь

Аўтар прапаноўвае свае версіі казак паводле вядомых сюжэтаў беларускага фальклору і класічнай літаратуры. Кніга падштурхоўвае чытача пафантазіраваць і прыдумаць уласныя версіі. Выданне разлічанае як на дзяцей, так і на дарослых.

Вольскі Артур. Выйшаў зайчык пагуляць
2.39 р.

Вольскі Артур. Выйшаў зайчык пагуляць

Вершы, загадкі, лічылкі, собраныя ў кнізе ў тэматычныя раздзелы. Чытанка адрасуецца дзеткам, іх мамулям і татулям, бабулям і дзядулям, выхавацелькам і настаўнікам.

Галіноўская Ніна. Звяры ў трамваі
5.99 р.

Галіноўская Ніна. Звяры ў трамваі

Гэтая кніга цудоўны падарунак дзецям і бацькам. Яе напісала вядомая пісьменніца Ніна Галіноўская. Вершы, поўныя весялосці і гарэзлівага гумара, падораць шмат радасці чытачам.

Галіноўская Ніна. Леў смяецца
5.99 р.

Галіноўская Ніна. Леў смяецца

Чарговая кніга з серыі "Нашым дзеткам" паэткі Ніны Галіноўскай і мастачкі Марыі Станкевіч будзе цудоўным падарункам як малым, так і іх бацькам, паколькі адпавядае крытэрам добрага выдання для самай складанай, па сутнасці, групы чытачоў.

Гапеева Вольга. Сумны суп
16.99 р.

Гапеева Вольга. Сумны суп

За звычайнымі, здавалася б, размовамі і ўчынкамі герояў хаваюцца філасофскія думкі і разважанні, да якіх можа далучыцца кожны, хто прачытае новую кнігу Вольгі Гапеевай з ілюстрацыямі Марты Герашчанкі.

Гарбузік. Літаратурна-забаўляльны дзіцячы альманах
3.99 р.

Гарбузік. Літаратурна-забаўляльны дзіцячы альманах

Альманах "Гарбузік" прапануе найлепшы спосаб прабавіць вольны час для дапытлівых дзетак, а таксама іхных неабыякавых бацькоў і выхавальнікаў. У зборнік уваходзяць матэрыялы навучальнага і забаўляльнага характару для дзяцей: вершы, казкі, вясёлыя задачы, самаробкі. Для сямейнага чытання.

Гардзей Віктар. Малая дзіцячая чырвоная кніга
5.99 р.

Гардзей Віктар. Малая дзіцячая чырвоная кніга

У «Малой дзіцячай Чырвонай кнізе», якая пабачыла свет у 2008 годзе, аўтар у займальнай і дасціпнай форме расказаў пра рэдкія і тыя, што знікаюць, віды беларускай фаўны. Цяпер вядомы пісьменнік прапануе чытачам папулярнае літаратурна-мастацкае выданне, дзе, зноў жа, у цесным спалучэнні верша і празаічнай замалёўкі апавядаецца пра ахоўныя расліны Беларусі.

Гаўф Вільгельм. Карлік Нос
12.99 р.

Гаўф Вільгельм. Карлік Нос

Кніга Вільгельма Гаўфа пабачыла свет у межах конкурсу “Ствараем кнігу разам!”, які зладзіў дабрачынны фонд “Вяртанне”. Дзеці і падлеткі з усёй Беларусі ілюстравалі казкі вядомага нямецкага пісьменніка ў перакладзе на беларускую мову. 279 чалавек даслалі 320 малюнкаў. У кнігу ўвайшло 18 лепшых!

Гілевіч Ніл. Родныя дзеці
5.99 р.

Гілевіч Ніл. Родныя дзеці

У кнігу народнага паэта Беларусі Ніла Гілевіча ўвайшоў раман у вершах “Родныя дзеці” – адзін з самых папулярных паэтычных твораў, сацыяльна маштабны, па-філасофску заглыблены, лірычна-пяшчотны.

Грын Аляксандр. Пунсовыя ветразі
13.99 р.

Грын Аляксандр. Пунсовыя ветразі

Аповесць-феерыя "Пунсовыя ветразі" расейскага пісьменніка Аляксандра Грына (сапр. Грыневіч, 1880-1932) - пра непахісную веру ў цуд і усёпераможную, узвышаную мару.

Сіндыкаваць змесьціва ў RSS