Пераклады

Вісландэр Юя, Вісландэр Томас. Малы і Мядзведзік
1.36 р.

Вісландэр Юя, Вісландэр Томас. Малы і Мядзведзік

Гэтая кніга – адна з найлюбімейшых у Швецыі. Аўтары з неверагоднай увагай і павагай да асобы Малога расказваюць пра свет яго захапленняў, мараў, прыдумак і гульняў. З гледзішча дарослых гэта ўсё можа падавацца дробяззю. Але Мама Малога так не лічыць. Ва ўсім для Малога яна найлепшы дарадца і сябра.

Вісландэр Юя. Мама Му прыбірае
14.99 р.

Вісландэр Юя. Мама Му прыбірае

- Я назбірала кветак і працерла пыл на падваконні. Не ўсе каровы могуць гэта рабіць.
- Рабіць што? - запытаўся Крумкач.
- Прыбірацца ў кароўніку, - спакойна патлумачыла яму мама My.
- Прыбірацца?! - абурыўся Крумкач. - Ушчыкніце мяне за пёркі! Ты крыху паматляла хвастом. I гэта па-твойму прыбірацца?

Волян Андрэй. Аб грамадзянскай, або палітычнай свабодзе
1.05 р.

Волян Андрэй. Аб грамадзянскай, або палітычнай свабодзе

Кніга знаёміць з двума творамі вядомага беларускага гуманіста, багаслова і дзеяча Рэфармацыі Андрэя Воляна (1530—1610), у якіх аўтар падымае пытаньні аб прававым забесьпячэньні свабоды ў сучаснай яму грамадзянскай супольнасьці Вялікага Княства Літоўскага ("Аб грамадзянскай, або палітычнай свабодзе"), а таксама разважае аб маральных падвалінах і сэнсе чалавечага жыцьця ("Пра шчасьлівае жыцьцё, або найвышэйшыя чалавечыя вартасьці").

Вонэгут Курт. Бойня №5, або Крыжовы паход дзетак
1.50 р.

Вонэгут Курт. Бойня №5, або Крыжовы паход дзетак

Раман напісаны Куртам Вонэгутам у 1969 годзе. Гэта аўтабіяграфічны твор пра бамбардаваньне Дрэздэна падчас Другой сусьветнай вайны. "Бойня №5" – антываенны раман, напісаны, паводле вызначэньня самога Вонэгута, у "тэлеграфічна-шызафрэнічным стылі". У першыя гады па выхадзе раман зазнаваў цэнзуру ў ЗША.

Вусцішны пакой. Зборнік містычнага апавядання
7.49 р.

Вусцішны пакой. Зборнік містычнага апавядання

Зборнік «Вусцішны пакой» змяшчае творы самых розных аўтараў з розных краінаў і эпох, аб’яднаныя агульнай атмасферай таямніцы, якая застаецца нават тады, калі акторы здымаюць маскі, а таксідэрміст тлумачыць усе тонкасці свайго майстэрства.

Гамбровіч Вітальд. Ferdydurke
4.99 р.

Гамбровіч Вітальд. Ferdydurke

Раман / Пер. з польск. Васіля Сёмухі. — Мінск: Калегіюм Еўропы Усходняй імя Яна Новака-Езёраньскага; Зміцер Колас, 2009.— 266 с.— (Littera scripta).

Гамулка Крысціна. Паміж Польшчай і Расіяй
4.49 р.

Гамулка Крысціна. Паміж Польшчай і Расіяй

Кніга прысвечана аналізу шырокага спектру палітычных ідэй, канцэпцый і праектаў польскіх арганізацый у дачыненні да Беларусі і беларусаў у 1918 – 1922 гадах. Разглядаюцца асаблівасці эвалюцыі канцэпцый ва ўмовах палітычнай нестабільнасці і іх сутыкненне з рэальнай практыкай дзяржаўнага будаўніцтва.

Гарадзенскі палімпсест 2012
5.99 р.

Гарадзенскі палімпсест 2012

Матэрыялы зборніка “Гарадзенскі палімпсест” прысвечаныя вывучэнню мінулага Гродна як фенамена лакальнай гісторыі. У цэнтры даследчай увагі апынуліся сацыяльныя адносіны ў выразным антрапалагічным кантэксце. Тэксты зборніка значна пашыраюць далягляды беларускай гістарычнай урбаністыкі. Кніга адрасаваная ўсім, хто цікавіцца гісторыяй Беларусі.

Гарбузік. Літаратурна-забаўляльны дзіцячы альманах
3.99 р.

Гарбузік. Літаратурна-забаўляльны дзіцячы альманах

Альманах "Гарбузік" прапануе найлепшы спосаб прабавіць вольны час для дапытлівых дзетак, а таксама іхных неабыякавых бацькоў і выхавальнікаў. У зборнік уваходзяць матэрыялы навучальнага і забаўляльнага характару для дзяцей: вершы, казкі, вясёлыя задачы, самаробкі. Для сямейнага чытання.

Гарнуся душою да слова. Пераклады Ніны Мацяш
17.49 р.

Гарнуся душою да слова. Пераклады Ніны Мацяш

У гэтай кнізе Ніна Мацяш - самабытная паэтэса і перакладчыца - адкрывае непаўторны свет украінскай паэзіі. Беларускай мовай гучыць паэтычны перазоў душ таленавітых творцаў.

Гаўф Вільгельм. Карлік Нос
12.99 р.

Гаўф Вільгельм. Карлік Нос

Кніга Вільгельма Гаўфа пабачыла свет у межах конкурсу “Ствараем кнігу разам!”, які зладзіў дабрачынны фонд “Вяртанне”. Дзеці і падлеткі з усёй Беларусі ілюстравалі казкі вядомага нямецкага пісьменніка ў перакладзе на беларускую мову. 279 чалавек даслалі 320 малюнкаў. У кнігу ўвайшло 18 лепшых!

Гаўф Вільгельм. Халоднае сэрца
3.99 р.

Гаўф Вільгельм. Халоднае сэрца

Знакаміты казачны твор клясыка нямецкай літаратуры Вільгельма Гаўфа (1802-1827) – і прыгоды нікому не вядомага перакладчыка, які падчас працы над казкай сам становіцца пэрсанажам дзіўнай, містычнай гісторыі...

0.80 р.

Гесэ Герман. Сідхартха

Пер. зь ням. А. Арашонак. — Менск: Логвінаў, 2007. — 100 с.

Гэта першы пераклад на беларускую мову твору нямецка-швайцарскага пісьменьніка.

Гесе Герман. Стэпавы воўк
4.79 р.

Гесэ Герман. Стэпавы воўк

Раман «Стэпавы воўк» — адзін з найбольш вядомых твораўлаўрэата Нобелеўскай прэміі (1946) Германа Гесэ.
Адрасуецца шырокай чытацкай аўдыторыі.

Грын Аляксандр. Пунсовыя ветразі
13.99 р.

Грын Аляксандр. Пунсовыя ветразі

Аповесць-феерыя "Пунсовыя ветразі" расейскага пісьменніка Аляксандра Грына (сапр. Грыневіч, 1880-1932) - пра непахісную веру ў цуд і усёпераможную, узвышаную мару.

1.54 р.

Гэрбэрт Зьбігнеў. Спроба апісаньня

Эсэ / Пер. з польск. — Мінск: Логвінаў, 2009. — 248 с.

Дастаеўскі Фёдар. Д'яблы
19.99 р.

Дастаеўскі Фёдар. Д'яблы

Доўгачаканы пераклад сусветнавядомага твору цяпер можа аказацца і на вашых паліцах! Колькасць абмежаваная.

Дваццаць польскіх апавяданьняў
3.99 р.

Дваццаць польскіх апавяданьняў

У зборнік увайшлі дваццаць апавяданьняў дзесяці папулярных і чытаных сучасных польскіх аўтараў. Адрозныя векам і стылістыкай, яны адлюстроўваюць найбольш характэрныя мастацкія тэндэнцыі ў кароткай прозе сённяшняй Польшчы.

Джойс Джэймс. Уліс
1.60 р.

Джойс Джэймс. Уліс

Найвядомейшы раман ірляндзкага пісьменьніка, які пісаўся "плыньню сьвядомасьці" на працягу больш як сямі год, друкаваўся часткамі ў амэрыканскім часопісе "The Little Review" з 1918 па 1920 і быў выдадзены цалкам у Францыі 2 лютага 1922. На Бацькаўшчыне пісьменьніка раман пабачыў сьвет у 1939 годзе, упершыню па-беларуску ў перакладзе Яна Максімюка ў 1993 годзе.

Дранько-Майсюк Леанід. Кніга для спадарыні Эл
5.29 р.

Дранько-Майсюк Леанід. Кніга для спадарыні Эл

"Багацце спадарыні Эл бадай што роўнае багаццю каралевы Боны, і характар такі ж…" Аўтар упэўнены: цвярозы погляд на каханне гэтак жа патрэбны, як і рамантычны погляд, а ў паэзіі праўдзівы той, хто ператварыў сваю маладосць з узроставай катэгорыі ў эстэтычную, упрыгожыў яе памяркоўнасцю і абараніў ад зайздрасці…

Друждж Пётр. Бітва пад Оршай 1514 года
10.99 р.

Друждж Пётр. Бітва пад Оршай 1514 года

У кнізе польскага гісторыка Пятра Дружджа на фоне шырокага асвятлення міжнародных падзей у Цэнтральнай і Усходняй Еўропе распавядаецца пра перадумовы, ход і наступствы бітвы пад Оршай, якая адбылася паміж войскамі Вялікага княства Літоўскага і Маскоўскай дзяржавы 8 верасня 1514 г. Асобныя часткі кнігі прысвечаныя аналізу розных відаў зброі, вайсковых фарміраванняў і тактычных прыёмаў вядзення бою.

Дыкенс Чарльз. Олівер Твіст
8.99 р.

Дыкенс Чарльз. Олівер Твіст

Класіка не старэе. Твор Дыкенса адпавядае нашаму часу яшчэ і тым, што на дзіва арганічна спалучае дзве такія цяжка сумяшчальныя пад вокладкай дзіцячай чытанкі тэмы, як любоў і каханне. Перакладзены на сотні моў, раман Дыкенса цяпер прадстаўлены чытачу і па-беларуску.

Дэкарт Рэнэ. Развагі аб метадзе, як правільна накіроўваць свой розум і шукаць
0.99 р.

Дэкарт Рэнэ. Развагі аб метадзе, як правільна накіроўваць свой розум і шукаць праўду ў навуках

Пер. З. Коласа. — Мінск: Зміцер Колас, 2007. — 91 с. — (Галерэя чалавечай думкі).

Ергавіч Міленка. Іншала, Мадона, іншала
7.99 р.

Ергавіч Міленка. Іншала, Мадона, іншала

«Іншала, Мадона, іншала» — зборнік апавяданняў, у якіх мяшаюцца Захад і Ўсход, учора і сёння, хрысціяне і мусульмане, Асманская і Габсбургская імперыі, старая і новая Югаславія, харваты, баснійцы, сербы, чорныя, белыя... Адзінай канстантай застаецца Боснія. Гэтая кніга налісана не словамі, а тугою і любоўю.

Жылка Уладзімір. Матылі
2.29 р.

Жылка Уладзімір. Матылі

Вершы, паэмы, пераклады: для ст. шк. узросту. – Мінск: Мастацкая літаратура, 2009. – 189 с. – (Школьная бібліятэка).

У кнізе "Матылі" сабраная паэтычная спадчына Уладзіміра Жылкі.

Залескі Браніслаў. З жыцця літвінкі
4.36 р.

Залескі Браніслаў. З жыцця літвінкі

Беларуска Гэлена Скірмунт вучылася мастацтву ў лепшых мастакоў Еўропы сярэдзіны ХIX стагоддзя. Яна дасягнула дасканаласці ў жывапісе і скульптуры. Безумоўна яна была б зоркай нумар адзін у нашым выяўленчым мастацтве. Але лёс распарадзіўся інакш. Яна прыняла ўдзел у паўстанні 1863 года.

Злачынства, сэр! Зборнік дэтэктыўнага апавядання
8.99 р.

Злачынства, сэр!

Калектывам часопісу "ПрайдзіСвет" быў падрыхтаваны дыхтоўны зборнік дэтэктыўнага апавядання «Злачынства, сэр!», які змяшчае як творы класікаў жанру, так і пародыі. Кніга мае цвёрдую вокладку, амаль усе апавяданні ў зборніку друкуюцца ўпершыню.

Івашкевіч Яраслаў. Панны з Вілька
0.79 р.

Івашкевіч Яраслаў. Панны з Вілька

Яраслаў Івашкевіч (1984—1980) — адзін з найбуйнейшых польскіх літаратараў ХХ ст., аўтар праявіў сябе як таленавіты празаік у сваіх шматлікіх апавяданьнях, аповесьцях, а таксама раманах і п’есах. Асобныя ягоныя творы пасьпяхова экранізаваныя знакамітымі рэжысэрамі Ежы Каваляровічам ("Маці Яна ад анёлаў", 1961), Анджэем Вайдам ("Бярэзьнік", 1971; "Панны зь Вілька", 1979).

Ірванец Аляксандар. Роўна / Ровно
0.79 р.

Ірванец Аляксандар. Роўна / Ровно

Пер. з укр. У. Арлова. — Мінск: Зьміцер Колас, 2007. — 176 с.

Кавалёў Сяргей. Шматмоўная паэзія Вялікага Княства Літоўскага эпохі Рэнесансу
2.50 р.

Кавалёў Сяргей. Шматмоўная паэзія Вялікага Княства Літоўскага эпохі Рэнесансу

Манаграфія з'яўляецца панарамным даследаваннем шматмоўнай паэзіі Вялікага Княства Літоўскага эпохі Рэнесансу. На аснове сваіх ранейшых публікацый і новых распрацовак аўтар падрабязна ўзнаўляе гісторыю развіцця паэтычнага жанру ў Літве і Беларусі ад пачатку XVI да пачатку XVII ст.

Сіндыкаваць змесьціва ў RSS