Музыка Fratrez уключае ў сябе разнастайнасць рытмаў, музычных формаў і адценняў, вакальную імправізацыю, спевы на "мёртвых" мовах і дыялектах. На пачатковым этапе галоўным накірункам творчасці гурта з’яўляўся эксперыментальны сінтэз музыкі і тэатра. Са з’яўленнем праграмы "Ora" гурт перайшоў да новага гучання.
Новы альбом культавага гурту сярэднявечнай музыкі!
Паводле заснавальніка і лідара гурту "Стары Ольса" Змітра Сасноўскага за пяць гадоў, пакуль музыкі не збіраліся ў студыі і не даводзілі справу да запісу новага матэрыялу, у іх назапасілася вельмі шмат цікавага. Што ж, варта паслухаць!
Ідэя запісаць альбом пад умоўнай назвай "Беларускі шансон" належыць паэту Генадзю Бураўкіну, які напісаў амаль усю "лірыку" для гэтага праекта. Таксама да суаўтараў далучыўся Уладзімір Някляеў, і Зьмітру Вайцюшкевічу з кампаніяй музыкаў з WZ-orkiestra заставалася толькі адпаведна аздобіць гэта ўсё музычна.
Альбом "Матылёк" — плён шматгадовай працы Таццяны Беланогай, які з поўным правам можна назваць унікальным: пад дызайнерскай вокладкай змяшчаюцца музыка, высокая паэзія і фотаздымкі з архіва Яўгеніі Янішчыц, якую называюць "палескай ластаўкай". Альбом, што пабачыў свет дзякуючы кампаніі "Будзьма беларусамі!", ужо ў продажы!
19 пранікнёных рамансаў на вершы класікаў беларускай літаратуры – Ларысы Геніюш, Якуба Коласа, Алеся Гаруна, Наталлі Арсенневай, Канстанцыі Буйло і іншых. Таццяна Грыневіч-Матафонава – вакал, гітара. Вольга Кашэвіч – фартэпіяна.
Зміцер Вайцюшкевіч, адзін з галоўных прадстаўнікоў сучаснай беларускай нацыянальнай песні, выдаў новы студыйны альбом, які так і называецца — "Наша песня". Дыскаграфія Змітра Вайцюшкевіча і яго WZ-orkiestra папоўнілася яшчэ адным цудоўным кампакт-дыскам з песнямі на вершы беларускіх (і ня толькі) паэтаў. Трэба слухаць!
Кружэлка складаецца з вясельных песень і найгрышаў, якія былі запісаныя ў экспедыцыях беларускім паэтам і краязнаўцам Сяргеям Панізнікам у 1968-1969 гадах у Мёрскім раёне Віцебскай вобласці (вёскі Лявонпаль, Бабышкі, Даўгінава). Гэтыя песні спявалі больш за паўстагоддзя таму, з імі святкавалі вяселлі, іх перадавалі з вуснаў у вусны.
Паўтары гадзіны гучаньня на двух дысках + тэксты, ноты і караоке на некаторыя песьні!
У 2010 годзе выйшаў дыск "Дзіцячы альбом. Частка першая", на якім былі прадстаўленыя 27 беларускіх народных песень для дзяцей у арыгінальных апрацоўках. І вось доўгачаканая добрая навіна: завершаная праца над другою часткаю "Дзіцячага альбому"! Прадстаўляем вашай увазе выніковае выданьне, складзенае з абедзьвюх частак і зробленае ў фармаце падвойнага CD.
Супольная праца слыннага беларускага паэта Сержука Сокалава-Воюша і спявачкі Тацяны Грыневіч-Матафонавай. Многія з песень Воюш выконваў на шматлікіх канцэртах і кватэрніках. Тут ёсць і дзіцячыя песні ў выкананні Адася Матафонава. І пранізлівыя спевы Таццяны Грыневіч-Матафонавай на вершы Пушкіна і Цютчава, кранальнае выкананне паланэза «Развітанне з Радзімай». Сам Сокалаў-Воюш выконвае некалькі песень на вершы Аляксея Суркова, Расула Гамзатава і інш.
Шосты нумарны альбом Алесі Унукоўскай, якая піша музыку, вершы і выконвае свае песьні на беларускай, расейскай і італьянскай мовах. Шмат яе песень сьпяваюць у пратэстанцкіх і каталіцкіх цэрквах, некаторыя зь іх сталі сапраўды народнымі. Новы – ужо шосты – альбом сьпявачкі называецца «Не разьбіцца» і цалкам складаецца з твораў на роднай матчынай.
Гэта першы студыйны альбом гурта, у яго ўвайшлі песні, напісаныя ў 2010–2014 гг. Кружэлка змяшчае 13 эстрадных твораў выкананых у рок ды шансон стылістыцы. Агульны настрой альбома лірыка-карчомны. Альбом “Pierajnačyć” падводзіць рысу пад маладосцю Recha, шчырыя ды іранічныя, журботныя і вясёлыя песні ствараюць летапіс дзесяцігадовага жыцця музыкаў і слухачоў.
Ужо досыць даўно ўсе чакаюць ад Вайцюшкевіча чагосьці асаблівага і, магчыма, акурат на гэтым альбоме ён падышоў да гэтага найбліжэй. "Чара" – канцэптуальны і даволі эстэцкі дыск, напоўнены ціхімі музычнымі п'есамі, пад якія Зьміцер напаўсьпявае-напаўчытае пранізьлівыя вершы пра ўсёпаглынальнае каханьне. Вялікае, адчайнае, і, як вядома дарослым, далёка не заўжды шчасьлівае.
Cвяточная складанка класічных і новых зімовых вершаў ды песень. Адась Матафонаў, Таццяна Грыневіч-Матафонава, Аляксей Крукоўскі – вакал. Вольга Кашэвіч – фартэпіяна. Чытае вершы Юрась Жыгамонт.
