Лявон Вольскі і кампанія прэзентуюць даўгачаканы альбом — віртуальнае падарожжа па розных еўрапейскіх краінах: славянскіх (Польшча, Славакія, Харватыя) і ня вельмі (Нямеччына, Швэцыя, Францыя, Італія).
Гурт "Ляпіс Трубяцкі" запісаў альбом-падзею, які поўніцца правакацыямі, нечаканасьцямі ды супярэчнасьцямі. Яны паказалі смачны фак усяму шоў-бізу, цалкам паклалі на фармат ды паліткарэктнасьць ды залагодзілі беларускамоўную аўдыторыю. "Маніфэст" пададзены нават не з іроніяй, а з панкаўскай злосьцю.
Альбом выйшаў не такім маналітам, як тры ранейшыя працы, хутчэй яго можна назваць наборам новых песень "Ляпісаў". Прычым падабраных па прынцыпе супярэчлівасьці для таго, каб выклікаць у слухача розныя эмоцыі – ад дыскамфорту да прыемнай асалоды і адчуваньня лёгкасьці быцьця.
Эксклюзіўны беларускамоўны альбом ГРАЙ! Новыя песьні "Месяц" і "Сонейка", а таксама ўсе астатнія трэкі на альбоме, якія былі запісаныя і апублікаваныя раней, адмыслова для альбома "Грай" былі перамайстраваныя Джасцінам Штурцэм на студыі Sterling Sound у Нью-Ёрку – і загучалі па-новаму.
"Тузін Гітоў" цяпер – гэта 50 000 наведнікаў парталу і 80 000 спампоўваньняў песень кожны месяц, радыёвэрсія гіт-параду на хвалях радыё "Рацыя" і суцэльнае сьвята якаснай беларускай музыкі. Дыск – гэта своеасаблівае абагульненьне зробленага беларускімі музыкамі за гэты год.
